|
ໃນຖານເປັນສະມາຊິກໃໝ່ຂອງອົງການການຄ້າໂລກ,ຈີນໄດ້ປະກອບສ່ວນອັນໃຫຍ່ຫຼວງໃຫ້ແກ່ໂຄງປະກອບການຄ້າຫຼາຍຝ່າຍ
cri
Author: da
ຕາມຂ່າວCRI: ວັນທີ 14 ທັນວາ,ທ່ານໂປສີ່ລາຍ ລັດຖະມົນຕີກະຊວງການຄ້າຈີນທີ່ພວມເຂົ້າຮ່ວມກອງປະຊຸມຂັ້ນລັດຖະມົນຕີອົງການການຄ້າໂລກຄັ້ງທີ 6 ຢູ່ຮົງກົງເວົ້າວ່າ, ໃນຖານເປັນສະມາຊິກໃໝ່ຂອງອົງການການຄ້າໂລກ,ຈີນໄດ້ປະກອບສ່ວນອັນໃຫຍ່ຫຼວງໃຫ້ແກ່ໂຄງປະກອບການຄ້າຫຼາຍຝ່າຍ.
ໃນກອງປະຊຸມຄົບຄະນະທີ່ຈັດຂຶ້ນໃນມື້ດຽວກັນ ທ່ານໂປສີ່ລາຍເວົ້າວ່າ,ແຕ່ຈີນເຂົ້າຮ່ວມອົງການການຄ້າໂລກໃນປີ 2001 ມານີ້,ພາສີຜະລິດຕະພັນອຸດສາຫະກຳຂອງຈີນໄດ້ຫຼຸດລົງຮອດ 9%; ພາສີຜະລິດຕະພັນກະສິກຳກໍ່ຫຼຸດລົງຮອດ 15,3% ໃນປີນີ້,ຕ່ຳກວ່າລະດັບສະເລ່ຍຂອງໂລກຕັ້ງຫຼວງຫຼາຍ. ພ້ອມກັນນັ້ນ,ການຄ້າການບໍລິການຂອງຈີນກໍໄດ້ເປີດປະຕູ 100 ພາກສ່ວນ,ຊຶ່ງມໍ່ກັບລະດັບຂອງປະເທດພັດທະນາແລ້ວ.
ທ່ານຍັງເຜີຍໃຫ້ຮູ້ວ່າ,ປີ 2005 ຈີນຈະນຳເຂົ້າສິນຄ້າທີ່ມີມູນຄ່າ 600 ຕື້ໂດລາສະຫະລັດ; ໃນຂະນະດຽວກັນ,ລັດຖະບານຈີນໄດ້ປະກາດວ່າ,ຍົກເວັ້ນໜີ້ສິນຂອງປະເທດທຸກຍາກທີ່ຕິດໜີ້ໜັກໜ່ວງກ່ອນທ້າຍປີ 2004 .
|
|
