|
|
 |
| (GMT+08:00)
2005-12-14 20:43:51
|
 |
|
ຄວາມຮູ້ກ່ຽວກັບການດື່ມນ້ຳ
cri
ທ່ານອາດຈະຮູ້ແລ້ວວ່າ,ນ້ຳກັບສຸກຂະພາບຂອງຄົນເຣົາແມ່ນມີການພົວພັນຢ່າງສະໜິດແໜ້ນທີ່ສຸດ,ຖ້າຫາກກິນນ້ຳໜ້ອຍກໍບໍ່ສາມາດສະໜອງກັບຄວາມຕ້ອງການຂອງຮ່າງກາຍ,ແຕ່ຖ້າກິນນ້ຳບໍ່ຖືກຕ້ອງຫຼືບໍ່ເໝາະສົມກໍຈະກະທົບກະເທືອນເຖິງສຸຂະພາບເຊັ່ນດຽວກັນ,ຕໍ່ໄປເຮົາຈະສະເໜີຄວາມຮູ້ບາງຢ່າງກ່ຽວກັບການກິນນ້ຳສູ່ທ່ານຟັງ.
ຕາມທຳມະດາ,ຄົນເຮົາແມ່ນມັນກິນນ້ຳໃນຍາມຢາກ,ແຕ່ໃນຄວາມຈິງແລ້ວ,ເວລາຄົນເຮົາຮູ້ສຶກຢາກນ້ຳນັ້ນດ,ດຸນຍະພາບສ່ວນນ້ຳໃນຮ່າງກາຍແມ່ນໄດ້ຖືກທຳລາຍແລ້ວ,ຍ້ອນຈຸລັງໃນຮ່າງກາຍເລີ່ມຂາດເຂີນນ້ຳ,ສະນັ້ນສູນກາງປະສາດຈຶ່ງສົ່ງສັນຍານແຈ້ງໃຫ້ສົ່ງນ້ຳເຂົ້າມາຕື່ມ,ຄືເຮັດໃຫ້ຄົນຫິວນ້ຳ,ເພາະສະນັ້ນ,ຄົນເຮົາຈຶ່ງຄວນເຮັດໃຫ້ຕົນມີຄວາມຊິນເຄີຍກິນນ້ຳໃຫ້ເປັນເວລາເພື່ອສົ່ງນ້ຳເຂົ້າໄປລໍ່ລ້ຽງຮ່າງກາຍຢ່າງທັນການ.
ນ້ຳແມ່ນພາກສ່ວນສຳຄັນໃນຮ່າງກາຍຂອງຄົນ,ແຕ່ກໍ່ຕ້ອງຮັກສາໃຫ້ນ້ຳຢ່າງສະໝ່ຳສະເໝີ,ເຈ້ຍຫຸ້ມຈຸລັງໃນຣ່າງກາຍນັ້ນເປັນເຈ້ຍໃສສີມົວໆ,ສາມາດໃຫ້ນ້ຳຊຶມເຂົ້າໄປໃນຈຸລັງໄດ້,ຖ້າກິນນ້ຳຫຼາຍໂພດ,ນ້ຳກໍຈະຊຶມເຂົ້າໄປໃນຈຸລັງແລວ້ພາໃຫ້ຈຸລັງຕຶງຂຶ້ນ,ເກີດມີທາດເບື່ອຈາກນ້ຳ,ຖ້າຈຸລັງສະໝອງຫາກຕຶງຂຶ້ນຍ້ອນນ້ຳກໍຈະເຮັດໃຫ້ຄວາມດັນໃນຂະໝອງສູງຂຶ້ນ,ແລ້ວຈະປະກົດມີອາການປະສາດຕ່າງໆເຊັ່ນ,ປວດຫົວ,ຮາກອອກ,ອ່ອນເພຍ,ໝາກຫົວໃຈເຕັ້ນຊ້າ,ສະຫຼົບຫຼືເປັນຊັກເຫຼົ່ານີ້ເປັນຕົ້ນ.
ໃນເວລາເຫື່ອອອກຫຼາຍໆນັ້ນກໍບໍ່ຄວນກິນນ້ຳຫຼາຍໂພດໃນບາດດຽວດໂດຍສະເພາະແມ່ນບໍ່ຄວນກິນນ້ຳລ້າຫຼາຍໂພດ,ຖ້າບໍ່ດັ່ງນັ້ນຈະເຮັດໃຫ້ໝາກຫົວໃຈຮັບພາລະໜັກ,ແລ້ວພາໃຫ້ຫົວໃຈສັ່ນ,ຫັນໃຈບໍ່ເຕັມອີ່ມ,ອອກເຫື່ອໄຄຄ້າວແລະອື່ນໆ,ເພາະວ່າຖ້າອອກເຫື່ອຫຼາຍຈະພາໃຫ້ທາດເກືອໃນຮ່າງກາຍບົກແຫ້ງລົງ,ແລະຖ້າຫາກກິນນ້ຳລ້າຫຼາຍໂພດກໍຈະເຮັດໃຫ້ທາດເກືອໃນເລືອດຈາງລົງແລະຈະພາໃຫ້ອອກເຫື່ອຫຼາຍຕື່ມ,ນ້ຳເຫື່ອກໍຈະເອົາທາດເກືອໄຫຼໄປນຳ,ຍ້ອນແນວນັ້ນຈຶ່ງພາໃຫ້ຄົນຮູ້ສຶກຫິວນ້ຳຢ່ງສະເໝີ.ອີກຢ່າງໜຶ່ງ,ໃນເວລາເຫື່ອອອກຫຼາຍນັ້ນ,ສາຍເລືອດໃນກະເພາະແລະລຳໄສ້ກໍຈະຫົດເຂົ້າແລະບໍ່ມີແຮງຮັບເອົານ້ຳໄດ້ໄວ,ຈຶ່ງເຮັດໃຫ້ນ້ຳທີ່ກິນເຂົ້າໄປນັ້ນໄປອັ່ງຢູ່ໃນກະເພາະແລະລຳໄສ້,ຈຶ່ງພາໃຫ້ຄົນເຮົາຮູ້ສຶກຍຶ່ງທ້ອງແລ້ວຈະພາໃຫ້ອາຫານບໍ່ຍ່ອຍ.ເພາະສະນັ້ນ,ໃນເວລາອອກເຫື່ອຫຼາຍຈຶ່ງບໍ່ຄວນກິນນ້ຳຫຼາຍໂພດ,ຄວນເອົານ້ຳບ້ວນປາກກ່ອນ,ແລ້ວກິນນ້ຳອຸ່ນປົນເກືອສີຈາງໆຈັກຈອກ,ຕໍ່ໄປອີກບຶດໜຶ່ງຈຶ່ງຄ່ອຍກິນນ້ຳຕື່ມ.
ການກິນນ້ຳດິຍນັ້ນເຖິງວ່າຈະພາໃຫ້ຫາຍຫິວໄດ້ຄືກັນກໍ່ຕາມ,ແຕ່ມັນຈະພາເອົາຄວາມລຳຄານມາສູ່ສຸຂະພາບຂອງຄົນເຮົາ,ນ້ຳສ້າງນ້ຳຫ້ວຍນ້ຳຮ່ອງແລະນ້ຳປະປາທີ່ຍັງທີ່ຍັງບໍ່ທັນຕົ້ມສຸກເທື່ອນັ້ນ,ຈັ່ງໃດມັນກໍມີແມ່ພະຍາດແລະເຊື້ອການຝາກປົນຢູ່ບໍ່ຫຼາຍກໍ່ໜ້ອຍ,ສະນັ້ນ,ການກິນນ້ຳດິບຈຶ່ງມັກພາໃຫ້ເກີດລຳໄລ້ອັກເສບ,ຕັບອັກເສບ,ທ້ອງບິດ,ໄຂ້ທໍລະພິດ,ໂລກອະຫິວາ,ໂລກໂປລິໂອ,ພະຍາດ ໝາກເຫຼືອງແລະພະຍາດຕິດແປດອື່ນໆ.
ມີບາງຄົນນຶກວ່າ,ກິນນ້ຳຮ້ອນໆຈະແກ້ຫິວໄດ້ດີ,ແຕ່ຄວາມຈິງແລ້ວ,ການກິນນ້ຳຮ້ອນໂພດຢ່າງເປັນປະຈຳນັ້ນຈະເຮັດໃຫ້ໂຜ້ງແກ້ມ,ຫຼອດອາຫານແລະເຈ້ຍເມືອກໃນກະເພາະອັກເສບ.ແພດສາດຍຸກປັດຈຸບັນຖືວ່າດອາການດັ່ງກ່າວມັນແມ່ນໄລຍະປະຖົມທີ່ຈະກັບກາຍເປັນມະເຮັງ,ຖ້າອັກເສບດົນຫຼາຍ,ກໍອາດຈະພາໃຫ້ເຈ້ຍເມືອກປ່ຽນທາດກາຍເປັນມະເຮັງ.ສະນັ້ນເພິ່ນຈຶ່ງເວົ້າວ່າ,ການກິນນ້ຳຮ້ອນໂພດ ແລະກິນອາຫານຮ້ອນຈົນລວກປາກນັ້ນເປັນປັດໄຈໜຶ່ງດ້ານຟິຊິກທີ່ພາໃຫ້ເປັນມະເຮັງໃນພາກສ່ວນຍ່ອຍອາຫານ.
ນອກນີ້ດກ່ອນຈະນອນ,ຖ້າກິນນ້ຳຫຼາຍໂພດກໍບໍ່ດີຄືກັນ.ໂດຍສະເພາະແມ່ນຜູ້ທີ່ມັກກິນນ້ຳຊາ,ມັນຈະເຮັດໃຫ້ສະມອງຊື່ນຂຶ້ນ,ແລ້ວຈະນອນບໍ່ຫຼັບ,ຜູ້ທີ່ມັກນອນບໍ່ຫຼັບນັ້ນຕ້ອງລະວັງຂໍ້ນີ້.
ມີຫຼາຍຄົນ,ຫຼັງຈາກກິນເຂົ້າແລ້ວກໍ່ມັກກິນນ້ຳຈອກໜຶ່ງ,ແນວນີ້ກໍ່ບໍ່ຖືກຫຼັກວິທະຍາສາດຄືກັນ.ເພາະວ່າຫຼັງຈາກກິນເຂົ້າແລ້ວ,ຖ້າກິນນຳ້ລົງໄປອີກ,ມັນກໍຈະເອົານ້ຳລົງໄປຜ່ານນ້ຳໃນກະເພາະນັ້ນໃຫ້ຈາງລົງ,ແລ້ວຈະກະທົບເຖິງການຍ່ອຍອາຫານແລະການຮັບເອົາອາຫານ.ເພາະສະນັ້ນ,ຫຼັງຈາກກີຍເຂົ້າແລ້ວຈຶ່ງບໍ່ຄວນກິນນ້ຳໂລດ,ດີທີ່ສຸດແມ່ນກິນເຂົ້າແລ້ວຈັກເຄິ່ງຊົວໂມງຈຶ່ງຄ່ອຍກິນນ້ຳ.ອັນນຶ່ງອີກ,ກ່ອນຈະກິນເຂົ້າໃຫ້ກິນນ້ຳພໍລ່ອງຄໍກ່ອນຍິ່ງດີເພື່ອບໍ່ໃຫ້ກະເພາະທີ່ເປົ່າຫວ່າງນັ້ນຖືກກະຕຸ້ນແຮງໂພດ,ແລ້ວຈະເປັນການຊ່ອຍໃຫ້ກະເພາະເໜັງຕີງແລະຍ່ອຍອາຫານ.
ເມື່ອຕື່ນນອນໃນຍາມເຊົ້າ,ຖ້າກິນນ້ຳຈັກຈອກກໍຈະມີຜົນດີຕໍ່ການກັນພະຍາດ ລະບົບໝູນວຽນເຊັ່ນສາຍເລືອດສະໝອງຕັນ,ຫົວໃຈວາຍແລະອື່ນໆ.ເພາະວ່າຢູ່ໃນເລືອດນັ້ນມີ55%ແມ່ນວັດຖຸທີ່ເປັນຮູບເປັນຮ່າງເຊັ່ນຈຸລັງແດງເປັນຕົ້ນ,ໂານ້ຳໃນຮ່າງກາຍບໍ່ພຽງພໍແລະເລືອດຂຸ້ນໂພດການເດີນຂອງເລືອດຢ່າງປົກກະຕິກໍຈະຖືກກະທົບກະເທືອນ,ແລ້ວຈະເຮັດໃຫ້ຫຼອດເລືອດຕັນ,ພາໃຫ້ເລືອດກ້າມ,ພາໃຫ້ເປັນພະຍາດລະລົລໝູນວຽນ,ອາການເຫຼົ່ານີ້ມັກເປັນໃນຕອນເຊົ້າຫຼັງຈາກຕື່ນນອນແລ້ວພາຍໃນ3ຊົ່ວໂມງ,ສະນັ້ນໃນຕອນເຊົ້າຫຼັງຈາກຕື່ນນອນແລ້ວຄວນກິນນ້ຳຈັກຈອກໜຶ່ງ.
|
|
|
