|
ປະເທດສະຫະພາບເອີລົບຈຳນວນໜຶ່ງກ່າວວ່າຈະຮັບແຜນງົບປະມານສະຫະພາບເອີລົບທີ່ອັງກິດປັບປຸງແລ້ວນັ້ນບໍ່ໄດ້
cri
ຕາມຂ່າວCRI,ວັນທີ14ທັນວາ,ພາຍຫຼັງອັງກິດສະເໜີແຜນງົບປະມານການເງິນໄລຍະກາງຂອງສະຫະພາບເອີລົບສະບັບປັບປຸງແລ້ວ,ມື້ດຽວກັນທ່ານບາຣາໂຊ ປະທານຄະນະກຳມາທິການສະຫະພາບເອີລົບແລະປະເທດສະຫະພາບເອີລົບຈຳນວນໜຶ່ງ,ຄືຝລັ່ງ,ອີຕາລີ,ໂປໂລຍ,ເຢຍລະມັນເປັນຕົ້ນພາກັນກ່າວວ່າຈະຮັບເອົາແຜນງົບປະມານດັ່ງກ່າວບໍ່ໄດ້.
ຕາມໄດ້ຊາບ,ອັງກິດພຽງແຕ່ເພີ່ມງົບປະມັນການເງິນໜ້ອຍໜຶ່ງໃນແຜນສະບັບໃໝ່ເທົ່ານັ້ນ,ແຕ່ຍັງປະຕິເສດຕັດຈຳນວນເງິນສົ່ງຄືນຈາກງົບປະມານການເງິນສະຫະພາບເອີລົບ,ແລະຍຶດໝັ້ນເອົາບັນຫາເງິນສົ່ງຄືນເກາະກັບບັນຫາປະຕິຮູບນະໂຍບາຍກະສິກຳ.
ຕໍ່ເລື່ອງນີ້,ທ່ານບາໂຣໂຊ ປະທານຄະນະກຳມາທິການສະຫະພາບເອີລົບກ່າວວ່າ,ການປັບປຸງຂອງອັງກິດໃນແຜນສະບັບໃໝ່ນັ້ນແມ່ນບໍ່ພຽງພໍຢ່າງເດັ່ນຊັດ.
ທ່ານຟິລິບ ດໍສເຕີ ບຼາຊີ ລັດຖະມົນຕີການຕ່າງປະເທດຝລັ່ງເຫັນວ່າ,ແຜນສະບັບໃໝ່ຍັງບໍ່ມີພື້ນຖານຈະເຮັດໃຫ້ບັນດາປະເທດສະມາຊິກສະຫະພາບເອີລົບເຊັນສັນຍາ.ທ່ານຍັງກ່າວວ່າ,ຖ້າອັງກິດບໍ່ປັບປຸງແຜນດັ່ງກ່າວອີກແລ້ວ,ຝລັ່ງຈະປະຕິເສດບໍ່ຮັບຮອງແຜນດັ່ງກ່າວໃນກອງປະຊຸມສຸດຍອດສະຫະພາບເອີລົບທີ່ໃກ້ຈະຈັດຂຶ້ນ.ຜູ້ມີທັດສະນະຄ້າຍຄືກັນນີ້ຍັງມີທ່ານຄາຊີເມຍ ມາຊີນເກຍວິສ ນາຍົກລັດຖະມົນຕີໂປໂລຍ.
ນອກນີ້,ກະຊວງການຕ່າງປະເທດອີຕາລີກກໍ່ສະແດງຄວາມບໍ່ພໍໃຈຕໍ່ແຜນສະບັບໃໝ່ທີ່ອັງກິດໄດ້ປັບປຸງ.
|
|
