|
|
 |
| (GMT+08:00)
2005-12-15 18:19:41
|
 |
|
ຈີນແລະມາເລເຊຍອອກປະກາດແຈ້ງການຮ່ວມ
cri
ຕາມຂ່າວCRI,ວັນທີ15ທັນວາ,ຢູ່ທີ່ກົວລາລຳເປີ,ຈີນແລະມາເລເຊຍໄດ້ອອກປະກາດແຈ້ງການຮ່ວມ,ວາງແຜນຮອບດ້ານກ່ຽວກັບການລົງເລິກການຮ່ວມມືໃນຂົງເຂດຕ່າງໆລະຫວ່າງສອງປະເທດ.
ຕາມປະກາດແຈ້ງການ,ກະຊວງການຕ່າງປະເທດຂອງຈີນແລະມາເລເຊຍຈະວາງແຜນການດຳເນີນງານກ່ຽວກັບການຮ່ວມມືຍຸດທະສາດລະຫວ່າງຈີນມາເລເຊຍ,ສອງຝ່າຍຈະເລີ່ມໃຊ້ກົນໄກປຶກສາຫາລືວຽກງານປ້ອງກັນຄວາມປອດໄພຈີນມາເລເຊຍພາຍໃຕ້ຂອບບົດບັນທຶກຊ່ອຍຈຳຄວາມເຂົ້າໃຈກັນກ່ຽວກັບການຮ່ວມມືດ້ານວຽກງານປ້ອງກັນໂດຍໄວ,ແລະຕັ້ງໜ້າປຶກສາຫາລືການຮ່ວມມືດ້ານຄວາມປອດໄພຂອງຊ່ອງແຄບມາລັກກາ,ສອງຝ່າຍຈະສືບຕໍ່ສຸມກຳລັງເຂົ້າໃນການປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້.
ປະກາດແຈ້ງການຍັງຊີ້ອອກວ່າ,ສອງຝ່າຍຈະເພີ່ມທະວີກົນໄກປຶກສາຫາລືແລະຮ່ວມມືໃນຂົງເຂດການຕ່າງປະເທດ,ເສດຖະກິດການຄ້າແລະວິທະຍາສາດເຕັກນິກ,ຕັ້ງໜ້າຊຸກຍູ້ຂະບວນວິວັດການຄ້າການລົງທຶນຫັນເປັນແບບເສລີແລະສະດວກ,ດຳເນີນການຄົ້ນຄວ້າຄວາມເປັນໄປໄດ້ກ່ຽວກັບການຫາລືແລະເຊັນສັນຍາການພົວພັນຄູ່ຂາເສດຖະກິດອັນແໜ້ນແຟ້ນລະຫວ່າງຈີນກັບມາເລເຊຍ.ໃນປະກາດແຈ້ງການ,ສອງຝ່າຍຍັງໄດ້ຕີລາຄາຢ່າງຕັ້ງໜ້າຕໍ່ສອງປະເທດຮ່ວມກັນຈັດການເຄື່ອນໄຫວລະລຶກທ່ານເຈິ້ງເຮີເດີນທະເລຄົບຮອບ600ປີ,ເຫັນດີເພີ່ມທະວີການແລກປ່ຽນວັດທະນະທຳຕື່ມອີກ.
|
|
|
