|
ເຈົ້າໜ້າທີ່ສຳນັກງານແຜນການທັນຍາຫານໂລກແຫ່ງສະຫະປະຊາຊາດກ່າວວ່າ ຈີນພວມກາຍເປັນປະເທດບໍລິຈາກທີ່ສຳຄັນເທື່ອລະກ້າວ
cri
ຕາມຂ່າວສານຊິນຮວາ,ທ່ານເຈມສໂມຣິສ ຜູ້ອຳນວຍການບໍລິຫານສຳນັກງານແຜນການທັນຍາຫານໂລກແຫ່ງສະຫະປະຊາຊາດກ່າວວ່າ,ປີນີ້,ການບໍລິຈາກຄວາມຊ່ວຍເຫຼືອຂອງຈີນຕໍ່ສຳນັກງານແຜນການທັນຍາຫານໂລກໄດ້ເພີ່ມຂຶ້ນ40%,ຈີນພວກກາຍເປັນປະເທດບໍລິຈາກທີ່ສຳຄັນເທື່ອລະກ້າວ.
ໃນງານລາຕີທີ່ຈັດຂຶ້ນຢູ່ປັກກິ່ງໃນຕອນຄ່ຳວັນທີ15ທັນວາ,ທ່ານໂມຣິສກ່າວວ່າ,ຈີນພວມເພີ່ມທະວີຄວາມສະໜັບສະໜູນສຳນັກງານແຜນການທັນຍາຫານໂລກເທື່ອລະກ້າວ.ພາຍຫຼັງໄພຄື້ນຊູນາມີມະຫາສະໝຸດອິນເດຍເກີດຂຶ້ນໃນປີ2004ແລ້ວ, ລັດຖະບານຈີນໄດ້ສະໜອງອາຫານຊ່ວຍເຫຼືອທີ່ເປັນມູນຄ່າໜຶ່ງລ້ານໂດລາໃຫ້ແກ່ປະຊາຊົນໃນເຂດປະສົບໄພໂດຍຜ່ານສຳນັກງານແຜນການທັນຍາຫານໂລກ.ຕາມສະຖິຕິ,ຮອດເດືອນເມສາປີ2005,ຈີນໄດ້ບໍລິຈາກເງິນໃຫ້ສຳນັກງານແຜນການທັນຍາຫານໂລກລວມ5ລ້ານໂດລາແລ້ວ.
ມື້ດຽວກັນ,ສຳນັກງານແຜນການທັນຍາຫານໂລກແຫ່ງສະຫະປະຊາຊາດຍັງປະກາດວ່າ,ຍ້ອນລັດຖະບານຈີນໄດ້ຮັບໝາກຜົນອັນໃຫຍ່ຫຼວງໃນການແກ້ໄຂບັນຫາກິນອິ່ມນຸ່ງອຸ່ນຂອງປະຊາກອນຜູ່ທຸກຍາກ,ສຳນັກງານແຜນການທັນຍາຫານໂລກຈະຢຸດຕິການຊ່ວຍໜູນດ້ານທັນຍາຫານຕໍ່ຈີນທີ່ເປັນເວລາຊາວກວ່າປີແລ້ວໃນທ້າຍປີ2005.
|
|
