|
ເຈົ້າໜ້າທີ່ອົງການຟາວກ່າວວ່າເຂດປະສົບໄພຄື້ນຊູນາມີມະຫາສະໝຸດອິນເດຍຍັງຕ້ອງການສາກົນສະໜອງການຊ່ວຍເຫຼືອ
cri
ຕາມຂ່າວສານຊີນຮວາ,ວັນທີ15ທັນວາ,ເຈົ້າໜ້າທີ່ອົງການຟາວເຕືອນວ່າ,ເຖິງວ່າໄພແຜ່ນດິນໄຫວແລະໄພຊູນາມີອັນຮ້າຍແຮງທີ່ສຸດທີ່ເກີດຂຶ້ນຢູ່ເຂດມະຫາສະໝຸດດິນເດຍໃນທ້າຍປີ2004ໄດ້ຜ່ານໄປເກືອບປີໜຶ່ງແລ້ວ,ແຕ່ຂະບວນວິວັດການສ້າງຄືນໃໝ່ໃນບາງເຂດທີ່ຖືກໄພຄື້ນຊູນາມີທຳຮ້າຍນັ້ນຍັງປະເຊີນກັບຄວາມຫຍຸ້ງຍາກ,ຕ້ອງການຄວາມຊ່ວຍເຫຼືອດ່ວນຂອງປະຊາຄົມໂລກ.
ທ່ານແອລິກສ ໂຮເນສ ຜູ້ປະສານງານທີ່ຮັບຜິດຊອບຕໍ່ກິດຈະການສ້າງຄືນໃໝ່ຫຼັງໄພຊູນາມີຂອງອົງການຟາວກ່າວວ່າ,ສະພາບຊີວິດການເປັນຢູ່ຂອງປະຊາຊົນຢູ່ເຂດປະສົບໄພຍັງຂ້ຽວຂາດ.ຢູ່ບາງເຂດຂອງອິນໂດເນເຊຍທີ່ປະສົບໄພຢ່າງໜັກໜ່ວງ,ຍັງມີ5ແສນຄົນດຳລົງຊີວິດໃນຕູບຊົ່ວຄາວ.ທ່ານເຫັນວ່າ,ຖ້າຢາກໃຫ້ເຂດປະສົບໄພຊູນາມີຟື້ນຟູຮອດສະພາບກ່ອນປະສົບໄພ,ບັນລຸການພັດທະນາເສດຖະກິດສັງຄົມໃນທ້ອງຖິ່ນແບບຍືນຍົງ,ຕ້ອງການເວລາ5ປີຫາ10ປີ.
ຫວ່າງມໍ່ໆນີ້,ທ່ານເຈກຄຸສ ດິໂອຟ ຜູ້ອຳນວຍການໃຫຍ່ອົງການຟາວຊີ້ອອກວ່າ,ເຂດປະສົບໄພຄື້ນຊູນາມີຕ້ອງການຄວາມຊ່ວຍເຫຼືອຂອງປະຊາຄົມໂລກຢ່າງຫຼວງຫຼາຍ,ແຕ່ຍ້ອນຄວາມສະໜັບສະໜູນດ້ານທຶນຮອນແລະເຕັກນິກ,ປະຊາຊົນໃນເຂດປະສົບໄພທີ່ຕ້ອງການຄວາມຊ່ວຍເຫຼືອທີ່ສຸດບໍ່ໄດ້ຮັບຄວາມຊ່ວຍເຫຼືອກອບກູ້ຢ່າງທັນການ. ສະນັ້ນ,ບັນດາປະເທດຕ້ອງການຕັ້ງກອງທຶນສຳຮອງໄພພິບັດທົ່ວໂລກ,ເພື່ອເສີມຂະຫຍາຍບົດບາດບັງເກີດຜົນທັນການເມື່ອເກີດເຫດການໄພພິບັດກະທັນຫັນຄືຄື້ນຊູນາມີເປັນຕົ້ນ.
|
|
