|
|
 |
| (GMT+08:00)
2005-12-16 14:45:39
|
 |
|
ລົມເລື່ອງເປັນຫວັດ
cri
Author: li
 ເປັນຫວັດແມ່ນພະຍາດເລື້ອຍໆໃນຊີວິດປະຈຳວັນຂອງຄົນເຮົາ. ການຄົ້ນຄວ້າຂອງແພດສາດສະແດງໃຫ້ເຫັນວ່າ,ຄົນເຮົາເປັນຫວັດສຳຄັນແມ່ນມີສ່ວນກ່ຽວຂ້ອງກັບແບບແຜນຊີວິດການເປັນຢູ່ຂອງຄົນເຮົາ,ກ່ອນອື່ນແມ່ນກ່ຽວກັບຄວາມຊີນເຄີຍດ້ານອາຫານການກິນ. ຜູ້ທີ່ມັກກິນເຄັມຈະກະທົບກະເທືອນເຖິງນ້ຳລາຍທີ່ຊຶມອອກ,ທາດນາຕຼີໃນເກືອມີລັກສະນະຊາບຊຶມຂ້ອນຂ້າງສູງ,ມີບົດບາດລະງັບຄວາມສາມາດຕ້ານທານຈຸລັງໃນປາກແລະຄໍ,ກະທົບກະເທືອນການເກີດຕົວປະກອບຕ້ານທານພະຍາດໃນຮ່າງກາຍ,ຈຸລິນຊີຕົວເຊືອໂຣກຕ່າງໆເຊັ່ນເຊື້ອໂຣກໄຂ້ຫວັດເປັນຕົ້ນກໍຈະສວຍໂອກາດແຊກເຂົ້າໃນຮ່າງກາຍ.
ຖັດມາ,ເປັນຫວັດຍັງມີສ່ວນກ່ຽວຂ້ອງກັບຕີນຈັບໜາວ. ຢູ່ຈີນມີສຸພາສິດເວົ້າວ່າ"ຄວາມໜາວເຂົ້າທາງຕີນ". ຕີນສອງເບື້ອງໄກຈາກໝາກຫົວໃຈທີ່ສຸດ,ສະດຸ້ງໄວຫຼາຍຕໍ່ຄວາມໜາວ,ຕາບໃດຕີນຈັບໜາວ,ກໍຈະພາໃຫ້ເສັ້ນເລືອດເຈ້ຍເມືອກໃນຫຼອດຫາຍໃຈເທິງເຊັ່ງດັງ,ຄໍແລະຫຼອດລົມຫົດຫູ່,ຄວາມສາມາດສະສາງເຊື້ອໂຣກຂອງຂົນເສື່ອມລົງ,ຈຸລິນຊີທີ່ພາໃຫ້ເປັນພະຍາດທີ່ຟັກຕົວຢູ່ໃນດັງແລະຄໍກໍຈະເຂົ້າໄປໃນຮ່າງກາຍ,ໂດຍສະເພາະແມ່ນເດັກແດງແລະເດັກນ້ອຍ,ຍ້ອນວ່າສູນປັບອຸນຫະພູມຮ່າງກາຍໃນສະໝອງຍັງບໍ່ທັນເຕີບໃຫຍ່ຄົບສົມບູນເທື່ອ,ໄຂມັນໃຕ້ໜັງຂອງຕີນຍັງໜ້ອຍ,ຄວາມສາມາດຕ້ານອາກາດໜາວບໍ່ແຂງແຮງ,ຖ້າບໍ່ລະວັງກໍຈະຈັບໜາວໂລດ,ມັກເປັນຫວັດຊ້ຳແລ້ວຊ້ຳອີກ.
ການຫັດກາຍໜ້ອຍໂພດກໍແມ່ນມູນເຫດໜຶ່ງທີ່ພາໃຫ້ເປັນຫວັດ. ຕາມສັງເກດ,ບາງຄົນທີ່ຮ່າງກາຍອ່ອນແອແດ່ນັ້ນບໍ່ມັກໄປເຄື່ອນໄຫວຢູ່ນອກເຮືອນ,ບໍ່ຫຼິ້ນກິລາປານໃດ,ພູມຕ້ານທານພະຍາດຂອງຮ່າງກາຍຈຶ່ງອ່ອນລົງໂດຍທຽບຖານ,ຈຶ່ງມັກເປັນຫວັດຫຼາຍກວ່າຜູ້ທີ່ຫຼິ້ນກິລາເລື້ອຍໆນັ້ນ 2-3 ເທົ່າ.
ຖ້າທ່ານແມ່ນຜູ້ທີ່ນິດໄສດີແລະມັກມ່ວນມັກຕະຫຼົກ,ພວກເຮົາຂໍຊົມເຊີຍ; ຖ້າບໍ່ແມ່ນ,ກໍຂໍເຕືອນທ່ານວ່າຮີບປ່ຽນນິດໄສໄວໆ,ເພາະວ່າ,ຖ້າທ່ານມັກຄຽດມັກໃຈຮ້າຍນອກຈາກເຮັດໃຫ້ຜູ້ອື່ນບໍ່ມ່ວນບໍ່ສະບາຍແລ້ວ,ຕາມການຄົ້ນຄວ້າຂອງນັກວິທະຍາສາດ,ຍິງຮູ້ວ່າຜູ້ມັກຮ້າຍນັ້ນຈະເປັນຫວັດງ່າຍກວ່າຜູ້ມີອາລົມເບີກບານນັ້ນຫຼາຍ.
ເມື່ອທຽບກັບຜູ້ທີ່ບໍ່ມັກໂມໂຫແລ້ວ,ອັດຕາຫຼອດຫາຍໃຈອັກເສບຂອງຜູ້ທີ່ມັກໂມໂຫຈະສູງກວ່າ 3 ເທົ່າຮອດ 5 ເທົ່າ. ນັກວິທະຍາສາດອັງກິດເຄີຍທົດລອງທາງຈິດໃຈຕໍ່ຜູ້ອາສາສະໝັກ 394 ຄົນ,ກ່ອນອື່ນໄດ້ວັດແທກລະດັບຄວາມເຄັ່ງຕຶງຂອງແຕ່ລະຄົນ,ແລ້ວໃຫ້ພວກເຂົາເຈົ້າຕິດເຊື້ອໂຣກຫວັດ,ໃນທີ່ສຸດໄດ້ປະກົດເຫັນວ່າ, ຜູ້ທີ່ຈິດໃຈສະຫງົບ ອັດຕາມີອາການເປັນຫວັດມີແຕ່ 27%; ສ່ວນຂອງຜູ້ທີ່ຈິດໃຈເຄັ່ງຕຶງນັ້ນພັດມັກເປັນຫວັດເຖິງ 47%. ນັກຄົ້ນຄວ້າເຫັນວ່າ,ກຳລັງໜີບດ້ານຈິດໃຈແຮງຈະເຮັດໃຫ້ສັບພະຄຸນເພີກພະຍາດຂອງຮ່າງກາຍຕ່ຳລົງ,ແລ້ວພາໃຫ້ສັບພະຄຸນປ້ອງກັນຂອງຫຼອດຫາຍໃຈເສື່ອມລົງຊົ່ວຄາວ,ກາຍເປັນມູນເຫດທີ່ພາໃຫ້ເປັນຫວັດ.
ນັກຄົ້ນຄວ້າຍັງໄດ້ສຳຫຼວດໃນໝູ່ພໍ່ເຖົ້າແມ່ເຖົ້າອາຍຸ 80 ປີຂຶ້ນໄປໃນໂຮງລ້ຽງຜູ້ເຖົ້າ 63 ຄົນ,ເອົາຜູ້ຊາຍໄວຊະລາເປັນຕົວຢ່າງ,ໃນການຕິດຕາມສຳຫຼວດເປັນເວລາສອງເດືອນ,ນັກຄົ້ນຄວ້າໄດ້ເຫັນວ່າ,ຜູ້ຊາຍທີ່ຈິດໃຈເບີກບານແລະມັກຫົວສຽງດັງເລື້ອຍໆມີສຸຂະພາບແຂງແຮງທີ່ສຸດ,ເມື່ອທຽບກັບຜູ້ເຖົ້າທີ່ອຸກອັ່ງບໍ່ມ່ວນບໍ່ຊື່ນໝົດມື້ນັ້ນແລ້ວແມ່ນຕ່າງກັນຢ່າງເດັ່ນຊັດທີ່ສຸດ.
ຖ້າມັກໃຈຮ້ອນມັກໂມໂຫໝົດມື້,ປະຊາສຳພັນກັບຜູ້ອື່ນບໍ່ດີ,ຜູ້ທີ່ນິດໄສປະຫຼາດແນວນີ້ຈະມັກເປັນຫວັດຫຼາຍກວ່າຜູ້ອື່ນຫຼາຍ.
ທ່ານຢູ່ລີຂອງມະຫາວິທະຍາໄລໜຶ່ງຂອງອັງກິດໄດ້ເປັນຜູ້ກຳກັບການສຳຫຼວດເທື່ອນີ້,ໃນກອງປະຊຸມສະມາຄົມຈິດຕະສາດຂອງອັງກິດ,ທ່ານໄດ້ປະກາດໝາກຜົນຄົ້ນຄວ້າຂອງຕົນ,ທ່ານເວົ້າວ່າ,"ຈິດໃຈອາລົມມີສ່ວນພົວພັນຫຼາຍທີ່ສຸດກັບການເປັນຫວັດ,ຜູ້ທີ່ມັກເວົ້າຕະຫຼົກແມ່ນໜ້ອຍທີ່ສຸດທີ່ຈະເປັນຫວັດ,ກົງກັນຂ້າມ,ຜູ້ທີ່ນິດໄສປະຫຼາດຈິດໃຈບໍ່ມ່ວນນັ້ນຈະເປັນຫວັດງ່າຍ,ຖ້າເປັນຫວັດແລ້ວກໍຕ້ອງຫຼາຍມື້ຈຶ່ງຈະຫາຍ. ເວົ້າສຳລັບຜູ້ຊາຍໄວຊະລາແລ້ວ,ນິດໄສມັກມ່ວນມັກເວົ້າຕະຫຼົກຈະເປັນຫວັດໜ້ອຍຢ່າງເດັ່ນຊັດຫຼາຍ,ຄົນມັກຄຽດມັກຮ້າຍກໍພໍດີກົງກັນຂ້າມ,ພະຍາດເປັນຫວັດມັກຫາຄົນແນວນີ້ໂດຍຈຳເພາະ.
|
|
|
