|
|
 |
| (GMT+08:00)
2005-12-16 14:46:01
|
 |
|
ການກຳເນີດຂອງວິທະຍາສາດເຕັກນິກນາໂນແມັດ
cri
Author: li
 ຕາມຂ່າວ CRI: ຄຽງຄູ່ກັບຄວາມຮັບຮູ້ຂອງມະນຸດຕໍ່ໂລກວັດຖຸຈຸນລະພາກນັບມື້ນັບກ້າວໜ້າ,ໃນໄລຍະສະຕະວັດທີ 20 ມໍ່ຈະສິ້ນສຸດລົງ,ວິຊາຈະເລີນໃໝ່ວິຊາໜຶ່ງໄດ້ກຳເນີດເກີດຂຶ້ນ. ປີ 1990,ກອງປະຊຸມວິທະຍາສາດເຕັກນິກນາໂນແມັດຄັ້ງປະຖົມມະເລີກໄດ້ໄຂຂຶ້ນຢູ່ອາເມລິກາ,ວິທະຍາສາດເຕັກນິກນາໂນແມັດໄດ້ກຳເນີດຂຶ້ນຢ່າງເປັນທາງການ.
ອັນທີ່ວ່າວິທະຍາສາດນາໂນແມັດແມ່ນວິທະຍາສາດທີ່ຄົນເຮົາຄົ້ນຄວ້າປະກົດການແລະສັບພະຄຸນພິເສດຂອງວັດຖຸພາຍໃນຂອບເຂດຈຸນລະພາກແຕ່ 100 ນາໂນແມັດຮອດ 0,1 ນາໂນແມັດ; ສ່ວນເຕັກນິກນາໂນແມັດໝາຍເຖິງວິທີແລະພາຫະນະໃນການຜະລິດອຸປະກອນໃໝ່ແລະຄົ້ນຄວ້າກຳມະວິທີໃໝ່ບົນພື້ນຖານວິທະຍາສາດນາໂນແມັດ.
ທີ່ຈິງແລ້ວ,ເວົ້າໃນດ້ານຄວາມໝາຍທີ່ອ່າວຖືກຕ້ອງແລ້ວ,ເວລາກຳເນີດຂອງວິທະຍາສາດເຕັກນິກນາໂນແມັດຍັງດົນກວ່ານີ້ອີກ.
ປີ 1984,ທ່ານເກຼດນັກປາດທີ່ມີຊື່ສຽງຂອງເຢຍລະມັນໄດ້ນຳໃຊ້ເຕັກນິກຍຸກປັດຈຸບັນໜີບກ້ອນຜະລຶກເຫຼັກ 6 ນາໂນແມັດໃຫ້ເປັນກ້ອນນາໂນແມັດ,ແລະໄດ້ຄົ້ນຄວ້າອົງປະກອບພາຍໃນຂອງມັນຢ່າງລະອຽດ,ໃນທີ່ສຸດໄດ້ປະກົດເຫັນວ່າ,ມັນເຂັ້ມກວ່າເຫຼັກກ້າທຳມະດາຕັ້ງ 12 ເທົ່າ,ແຂງກວ່າ 2-3 ຂັ້ນປະລິມານ. ໃຕ້ອຸນຫະພູມຕ່ຳ,ໂລຫະນາໂນແມັດຊະນິດນີ້ຈົນກະທັ້ງເສຍຄວາມສາມາດສົ່ງຕໍ່,ຄຽງຄູ່ກັບຂະໜາດນ້ອຍລົງ,ຈຸດລະລາຍຂອງອຸປະກອນນາໂນແມັດກໍຈະຕ່ຳລົງ.
ທີ່ຈິງແລ້ວ,ການຄົ້ນຄວ້າຂອງທ່ານເກຼດພຽງແຕ່ເປັນການເລີ່ມຕົ້ນເທົ່ານັ້ນເຊິ່ງໄດ້ພາໃຫ້ນັກວິທະຍາສາດທັງຫຼາຍຄົ້ນຄວ້າຢ່າງກວ້າງຂວາງຕໍ່ການປ່ຽນແປງແລະນຳໃຊ້ສັບພະຄຸນຟິຊິກສາດຂອງວັດຖຸໃນຂັ້ນປະລິມານນາໂນແມັດ. ເມື່ອທຽບກັບອຸປະກອນທຳມະດາແລ້ວ,ອຸປະກອນທີ່ເຮັດດ້ວຍເມັດນາໂນແມັດນັ້ນມີຄວາມແຕກຕ່າງກັນຫຼາຍໃນດ້ານຄວາມແຂງ,ແມ່ເຫຼັກ,ແສງ,ສຽງແລະຄວາມຮ້ອນເປັນຕົ້ນ,ຈາກນີ້ຈະເກີດມີສັບພະຄຸນຕ່າງກັນຫຼາຍຢ່າງ.
ເປັນອັນຈະແຈ້ງແລ້ວວ່າ,ວິທະຍາສາດເຕັກນິກນາໂນແມັດແມ່ນອົງກອນສັງລວມຫຼາຍຂະແໜງວິຊາທີ່ມີເນື້ອໃນກວ້າງຂວາງທີ່ຖືທິດສະດີຄົ້ນຄວ້າຈຸນລະພາກຂອງສອງວິຊາພື້ນຖານຄືຟິຊິກແລະເຄມີເປັນພື້ນຖານ,ຖືເຕັກນິກວິເຄາະແລະພາຫະນະກຳມະວິທີທີ່ກ້າວໜ້າເປັນປະຖົມປັດໄຈ. ມັນບໍ່ແມ່ນການແກ່ຍາວແລະການຂະຫຍາຍຂອງວິຊາໃດໜຶ່ງ,ທັງບໍ່ແມ່ນສິ່ງກຳເນີດຫຼືຫັນປ່ຽນຂອງການດັດສ້າງເຕັກນິກກຳມະວິທີໃດໜຶ່ງ. ມັນແມ່ນສິ່ງກຳເນີດຈາກວິຊາທິດທະດີພື້ນຖານແລະເຕັກນິກສູງຍຸກປັດຈຸບັນທີ່ປະສານກັນຢ່າງແໜ້ນແຟ້ນ.
ການກຳເນີດຂອງເຕັກນິກນາໂນແມັດຍັງໄດ້ສະແດງໃຫ້ເຫັນທ່ວງທາຂະຫຍາຍຕົວແນວໜຶ່ງຄື: ໃນຂົງເຂດວິທະຍາສາດເຕັກນິກຍຸກປັດຈຸບັນ,ການຄົ້ນຄວ້າວິທະຍາສາດພື້ນຖານປະສານສົມທົບກັບການຂະຫຍາຍຕົວຂອງເຕັກນິກປະຍຸກນັ້ນໄດ້ປະກົດມີທ່ວງທ່າທີ່ນັບມື້ນັບແຍກອອກຈາກກັນບໍ່ໄດ້, ຈົນກະທັ້ງໃນກໍລະນີຫຼາຍສົມຄວນ,ຄົນທັງຫຼາຍຮູ້ສຶກຍາກທີ່ຈະຈຳແນກຄວາມແຕກຕ່າງກັນລະຫວ່າງການຄົ້ນຄວ້າກັບການປະຍຸກຢ່າງສິ້ນເຊີງ.
ປັດຈຸບັນ,ໃນດ້ານອຸປະກອນນາໂນແມັດ,ນັກວິທະຍາສາດທັງຫຼາຍໄດ້ຮັບຄວາມຄືບໜ້າທີ່ສຳຄັນບາງຢ່າງແລ້ວ. ຕົວຢ່າງຄືອຸປະກອນເຄື່ອງປັ້ນດິນເຜົາ,ອຸປະກອນເຄື່ອງປັ້ນດິນເຜົາທຳມະດາມີຈຸດພິເສດຄືຄວາມແຂງສູງ,ຄວາມໜຽວຂີ້ຮ້າຍ,ຈຸດລະລາຍສູງແລະປຸງແຕ່ງສຳເລັດຮູບຍາກ; ແຕ່ເຄື່ອງປັ້ນດິນເຜົານາໂນແມັດທີ່ປຸງແຕ່ງດ້ວຍເຕັກນິກນາໂນແມັດບໍ່ພຽງແຕ່ໄດ້ຮັກສາລັກສະນະພິເສດເດີມທໍ່ນັ້ນ,ແລະຍັງມີລັກສະນະຊຸບເປີພຼາສຕິກ,ແລະສາມາດປຸງແຕ່ງເປັນເຄື່ອງທີ່ທົນຕໍ່ອຸນຫະພູມສູງໄດ້ໃຕ້ອຸນຫະພູມຕ່ຳ,ອັນໄດ້ເປີດກວ້າງຂອບເຂດນຳໃຊ້ອຸປະກອນເຄື່ອງປັ້ນດິນເຜົາໃນຂົງເຂດການຜະລິດອຸດສາຫະກຳຢ່າງຫຼວງຫຼາຍ.
ບັນດານັກວິທະຍາສາດຍັງຊີ້ອອກວ່າ,ການພັດທະນາກຳມະວິທີທີ່ມີອັດຕາຈຳແນກຂັ້ນນາໂນແມັດນັ້ນແມ່ນທິດທີ່ກຳມະວິທີການຜະລິດວົງຈອນໄຟຟ້າ IC ທີ່ມີຢູ່ໃນປັດຈຸບັນຂະຫຍາຍໄປສູ່ເຕັກນິກມີໂກຼເອເລັກໂຕຼນິກ; ສ່ວນການຄົ້ນຄວ້າພັດທະນາຊີກສ່ວນເອເລັກໂຕຼນິກນາໂນແມັດໄດ້ສ້າງພື້ນຖານໃຫ້ແກ່ການຂະຫຍາຍຕົວຂອງຄອມພິວເຕີຮຸ້ນໃໝ່.
ບົນພື້ນຖານດັ່ງກ່າວ,ປະເທດຝ່າຍຕາເວັນຕົກໄດ້ລົງທຶນຢ່າງຫຼວງຫຼາຍເຂົ້າໃນຂົງເຂດດັ່ງກ່າວ,ຫຼາຍວິສາຫະກິດໃຫຍ່ພາກັນຄົ້ນຄວ້າພັດທະນາຂົງເຂດດັ່ງກ່າວ. ຕາມໄດ້ຊາບ,ບໍລິສັດໂທຊີບາຍີ່ປຸ່ນໄດ້ຮັບໝາກຜົນໃນດ້ານຮວມຕົວຊີກສ່ວນກັງຕາແລ້ວ,ຊີກສ່ວນຮວມຕົວຂັ້ນນາໂນແມັດຂະໜາດໃຫຍ່ກໍພວມຄົ້ນຄວ້າຢູ່. ການໃຊ້ຊີກສ່ວນນາໂນແມັດເຮັດມະນຸດກົນແລະລະບົບຊຳລະຂໍ້ມູນຂ່າວສານນາໂນແມັດແຮ່ງມີອະນາຄົດທີ່ດູດດຶງໃຈຄົນໃນຂົງເຂດຄົ້ນຄວ້າຊີວະຊາດໂມເລກຸນແລະການຄົ້ນຄວ້າແພດສາດ. ເອົາມະນຸດກົນນາໂນແມັດທີ່ມີສັບພະຄຸນພິເສດເຫຼົ່ານີ້ມາສັກເຂົ້າໃນເສັ້ນເລືອດຂອງຄົນເຮົາຈະສາມາດກວດກາສຸຂະພາບທົ່ວຮ່າງກາຍແລະປົວພະຍາດຢ່າງບັງເກີດຜົນ,ເຮັດໃຫ້ພະຍາດເສັ້ນເລືອດສະໝອງຕີບແລະເສັ້ນເລືອດຫົວໃຈຕີບເປັນຕົ້ນບໍ່ເປັນຄາຕະກອນທີ່ຂົ່ມຂູ່ຊີວິດຂອງຄົນເຮົາອີກ.
|
|
|
