|
|
 |
| (GMT+08:00)
2005-12-16 17:51:40
|
 |
|
ອົງການຮາມາສໄດ້ຮັບໄຊຊະນະໃນການເລືອກຕັ້ງທ້ອງຖິ່ນຂອງປາເລັສຕິນ
cri
ຕາມຂ່າວCRI,4ຕົວເມືອງຕົ້ນຕໍຂອງປາເລັສຕິນຢູ່ເຂດຝັ່ງຕາເວັນຕົກແມ່ນ້ຳຈໍແດນໄດ້ຈັດການເລືອກຕັ້ງທ້ອງຖິ່ນໃນວັນທີ15ທັນວາ,ຜົນການນັບບັດເບື້ອງຕົ້ນສະແດງໃຫ້ເຫັນວ່າ,ຂະບວນການຕໍ່ຕ້ານອິສລາມປາເລັສຕິນຄືອົງການຮາມາສໄດ້ຮັບໄຊຊະນະໃນ3ຕົວເມືອງ.
ຢູ່ນາບຼູສ ເມືອງຝັ່ງຕາເວັນຕົກແມ່ນ້ຳຈໍແດນ,ອົງການຮາມາສໄດ້ບັດເລືອກຕັ້ງ65%,ສ່ວນຂະບວນການປົດປ່ອຍຊາດປາເລັສຕິນຄືອານຟາຕາທີ່ຄອງຖານະພັກກຳອຳນາດໄດ້ແຕ່15%ເທົ່ານັ້ນ.ຢູ່ເມືອງເຈນິນແລະເມືອງອານບີເຣ,ອົງການຮາມາສກໍໄດ້ເອົາຊະນະຟາຕາດ້ວຍທ່າແຮງເດັດຖານ.ອານຟາຕາມີແຕ່ໄດ້ຮັບໄຊຊະນະດ້ວຍທ່າແຮງໜ້ອຍດຽວຢູ່ເມືອງລາມາລາເທົ່ານັ້ນ.
ວັນທີ15ທັນວາ,ທ່ານຄູໄລ ນາຍົກລັດຖະມົນຕີລັດຖະບານປາເລັສຕິນປົກຄອງຕົນເອງໄດ້ຍື່ນໃບຮ້ອງຂໍລາອອກຈາກຕຳແໜ່ງແກ່ທ່ານອັບບັສ ປະທານອົງການອຳນາດແຫ່ງຊາດປາເລັສຕິນ,ເພື່ອ ກະກຽມໃຫ້ແກ່ການເຂົ້າຮ່ວມການເລືອກຕັ້ງຄະນະກຳມະການນິຕິບັນຍັດ.
ປາເລັສຕິນຈະຈັດການເລືອກຕັ້ງຄະນະກຳມະການນິຕິບັນຍັດໃນເດືອນມັງກອນປີໜ້າ,ການເລືອກຕັ້ງທ້ອງຖິ່ນທີ່ຈັດຂຶ້ນໃນວັນທີ15ທັນວາແມ່ນເພື່ອເລືອກຕັ້ງຜູ່ສະໝັກຮັບເລືອກຕັ້ງຄະນະກຳມະການນິຕິບັນຍັດ.
|
|
|
