|
ຕາມຂ່າວສານຊິນຮວາ:ວັນທີ16 ທັນວາ,ທ່ານນາງວ້ານເຢ້ນ ເຈົ້າຫນ້າທີ່ ຫ້ອງການຄະນະກຳມະການວຽກງານແມ່ແລະເດັກຂອງລັດຖະບານຈີນຮຽກຮ້ອງຢູ່ປັກກິ່ງວ່າ, ວົງການຕ່າງໆຂອງສັງຄົມຕ້ອງເອົາໃຈໃສ່ເດັກນ້ອຍເຄື່ອນຍ້າຍເກືອບສອງລ້ານຄົນໃຫ້ຫລາຍກວ່າເກົ່າ,ຮັບປະກັນສິດແລະຜົນປະໂຫຍດທີ່ຊອບກົດຫມາຍຂອງພວກເຂົາເຈົ້າຮັບການປົກປ້ອງ.
ມື້ດຽວກັນ,ມູນນິທິເດັກນ້ອຍສະຫະປະຊາຊາດໄດ້ປະກາດ ບົດລາຍງານສະພາບເດັກນ້ອຍຂອງໂລກປີ2006 ຢູ່ປັກກິ່ງ.ທ່ານນາງວ້ານເຢ້ນແນະນຳໃນງານປະກາດບົດລາຍງານວ່າ,ໃນບໍ່ເທົ່າໃດປີມານີ້,ຈຳນວນເດັກນ້ອຍໃນປະຊາກອນເຄື່ອນຍ້າຍຂອງຈີນເພີ່ມຂຶ້ນຢ່າງໄວວາ,ແຕ່ນະໂຍບາຍປົກປ້ອງເດັກນ້ອຍແລະການຄ້ຳປະກັນສັງຄົມທີ່ຈີນປະຕິບັດໃນປະຈຸບັນບໍ່ສອດຄ່ອງກັບປະຊາກອນເຄື່ອນຍ້າຍຢ່າງເດັ່ນຊັດແລ້ວ.ປະຈຸບັນ,ຈີນພວມດັດແກ້ກົດຫມາຍປົກປ້ອງຜູ້ບໍ່ເຕັມກະສຽນອາຍຸ,ທັງນີ້ມີຜົນດີຕໍ່ການຄ້ຳປະກັນສິດແລະຜົນປະໂຫຍດທີ່ຊອບກົດຫມາຍຂອງເດັກນ້ອຍເຄື່ອນຍ້າຍ.
|
