|
ຕາມຂ່າວCRI:ວັນທີ18ທັນວາ,ຢູ່ທຳນຽບຂາວ,ທ່ານບຸສ ປະທານາທິບໍດີອາເມລິກາໄດ້ກ່າວຄຳປາໄສທາງໂທລະພາບຕໍ່ທົ່ວປະເທດ,ຮຽກຮ້ອງໃຫ້ສາທາລະນະຊົນອາເມລິກາສະໜັບສະໜູນນະໂຍບາຍອີຣັກຂອງທ່ານ,ແລະໄດ້ເວົ້າແກ້ຕົວອີກໃຫ້ອາເມລິກາທີ່ກໍ່ສົງຄາມອີຣັກ.
ໃນຄຳປາໄສທາງໂທລະພາບ,ທ່ານບຸສເວົ້າວ່າ,ປະຊາຊົນອາເມລິກາບໍ່ຄວນປະລະສົງຄາມ ທີ່ດຳເນີນເພື່ອເສລີພາບບັ້ນນີ້.
ທ່ານບຸສຮັບຮອງວ່າສົງຄາມອີຣັກໄດ້ພາໃຫ້ບຸກຄົນບາດເຈັບແລະເສຍຊີວິດຢ່າງຫຼວງຫຼາຍ, ແຕ່ທ່ານກ່າວວ່າ,ໃນຖານເປັນປະທານາທິບໍດີ,ທ່ານຍຶດໝັ້ນເຫັນວ່າ,ການຕົກລົງທີ່ກໍ່ສົງຄາມອີຣັກແມ່ນຖືກຕ້ອງ,ແລະຍິນດີຫາບແບກໜ້າທີ່ຮັບຜິດຊອບຕໍ່ຜົນຮ້າຍຢ້ອນຫັຼງທີ່ກ່ຽວຂ້ອງ.
ພ້ອມກັນນັ້ນ,ທ່ານບຸສຍັງຊີ້ອອກວ່າ,ການຈັດການເລືອກຕັ້ງລັດຖະສະພາອີຣັກບໍ່ໝາຍຄວາມວ່າການເຄື່ອນໄຫວກຳລັງຮຸນແຮງໃນແດນອີຣັກສິ້ນສຸດລົງ,ໃນຫຼາຍເດືອນຂ້າງໜ້າ,ຢູ່ອີຣັກອາດຈະເກີດການຫຼອນໂຈມຕີດ້ວຍກຳລັງຮຸນແຮງຫຼາຍກວ່າເກົ່າ.ທ່ານບຸສຍັງເວົ້າວ່າ,ກອງທະຫານອາເມລິກາປະຈຳອີຣັກບໍ່ຫ່ອນຊິຖອນອອກຈາກອີຣັກໃນໄວໆນີ້.
|
