|
ຕາມຂ່າວສານຊິນຮວາ,ກອງປະຊຸມຂັ້ນລັດຖະມົນຕີຂອງອົງການການຄ້າໂລກຄັ້ງທີ6ທີ່ຈັດຂຶ້ນຢູ່ຮົງກົງໄດ້ອັດລົງແລ້ວໃນວັນທີ18ທັນວາ,ກອງປະຊຸມໄດ້ຮັບຄວາມຄືບໜ້າໃນບັນຫາກະສິກຳ,ດອກຝ້າຍແລະການພັດທະນາ.ປະຊາຄົມໂລກພາກັນຊົມເຊີຍຕໍ່ເລື່ອງນີ້.
ທ່ານຊີລັກ ປະທານາທິບໍດີຝະຣັ່ງກ່າວວ່າ,ໝາກຜົນທີ່ກອງປະຊຸມໄດ້ຮັບໃນສຸດທ້າຍຈະມີຜົນດີຕໍ່ເສດຖະກິດເຕີບໂຕແລະການປະກອບອາຊີບຂອງຝະຣັ່ງ,ເອີລົບແລະທົ່ວໂລກ.ທ່ານນາງເຮເລັນ ຄຼັກນາຍົກລັດຖະມົນຕີນູແວນເຊລັງໄດ້ສະແດງຄວາມຊົມເຊີຍຕໍ່ໝາກຜົນຂອງກອງປະຊຸມ,ແລະຮຽກຮ້ອງສະມາຊິກອົງການການຄ້າໂລກໃຫ້ໄດ້ຮັບຄວາມຄືບໜ້າຫຼາຍກວ່າເກົ່າໃນການເຈລະຈາໃນອະນາຄົດ. ທ່ານອາໂມຣິມ ລັດຖະມົນຕີກະຊວງການຕ່າງປະເທດເບຼຊີນ,ທ່ານມາກແວເລລັດຖະມົນຕີກະຊວງການຄ້າອົສຕຼາລີ,ທ່ານພັອດແມນ ຜູ່ຕາງໜ້າການຄ້າອາເມລິກາ,ທ່ານຄາມານ ນາດ ລັດຖະມົນຕີກະຊວງການຄ້າແລະອຸດສາຫະກຳອິນເດຍແລະເຈົ້າໜ້າທີ່ອື່ນໆກໍໄດ້ຕີລາຄາຢ່າງຕັ້ງໜ້າຕໍ່ຄວາມຄືບໜ້າຂອງກອງປະຊຸມຮົງກົງ.
ນອກນີ້,ທ່ານລາມີ ຜູ່ອຳນວຍການໃຫຍ່ອົງການການຄ້າໂລກແລະທ່ານມານແດວຊັນ ກຳມາທິການການຄ້າຂອງສະຫະພາບເອີລົບກໍໄດ້ຢືນຢັນຄວາມຄືບໜ້າຂອງກອງປະຊຸມຮົງກົງ.
|
