ຕາມ​ຂ່າວສາ​ນຊິນ​ຮວາ: ບົດ​ລາຍ​ງານ​ທີ່​ທະນາຄານ​ພັດທະນາ​ອາຊີ​ປະກາດ​ໃນ​ວັນ​ທີ 19 ທັນ​ວາ​ຊີ້​ອອກ​ວ່າ, ຈັງຫວະ​ເຕີບ​ໂຕ​ເສດຖະກິດ​ຂອງ​ເຂດ​ຈະ​ເລີ​ນ​ໃໝ່​ໃນ​ອາຊີ​ຕາ​ເວັນ​ອອກ​ປີ​ໜ້າ​ຈະ​ໄວ​ກວ່າ​ເກົ່າອີກ, ຄາດ​ວ່າ ອັດຕາ​ເຕີບ​ໂຕ​ເສດຖະກິດຈະ​ບັນລຸ 7,2%.

​ເຂດ​ຈະ​ເລີ​ນ​ໃໝ່​ໃນ​ອາຊີ​ຕາ​ເວັນ​ອອກ​ມີ​ດັ່ງ​ນີ້: 10 ປະ​ເທດ​ອາຊ​ຽນ ຈີນ​ແລະ​ສາ​ທາ​ລະ​ນະ​ລັດ​ເກົາຫຼີ. ບົດ​ລາຍ​ງານ​ຂອງ​ທະນາຄານ​ພັດທະນາອາຊີກ່າວ​ວ່າ, ປີ​ໜ້າ ຈັງ​ຫວະ​ເຕີບ​ໂຕ​ເສດຖະກິດ​ຂອງ​ເຂດ​ຈະ​ເລີ​ນ​ໃໝ່​ໃນ​ອາຊີ​ຕາ​ເວັນ​ອອກ​ຕົ້ນຕໍ​​ແມ່ນ​ໄດ້​ຜົນ​ດີ​ຈາກ​ປັດ​ໄຈ​ ​ດີ​ຫຼາຍດ້ານ ​ເຊັ່ນ ຄວາມ​ຕ້ອງການ​ຜະລິດ​ຕະພັນ​ຂໍ້​ມູນ​ຂ່າວສານ​ໃນ​ທົ່ວ​ໂລກ​ໄດ້​ຍາງ​ອອກ​ກົ້ນ​ເຫວ ​ແລະ​ເສດຖະກິດ​ຈີນ​ຮັກສາ​ການ​ເຕີບ​ໂຕ​ຢ່າງ​ແຂງ​ແຮງ​​ເປັນ​ຕົ້ນ.

ບົດ​ລາຍ​ງານ​ຍັງ​ຊີ້​ອອກ​ວ່າ, ​ເນື່ອງ​ຈາກ​ຈີນ​ແມ່ນ​ຄູ່​ການ​ຄ້າ​ຕົ້ນຕໍຂອງຫຼາຍປະ​ເທດ​ຈະ​ເລີ​ນ​ໃໝ່​ໃນ​ອາຊີ​ຕາ​ເວັນ​ອອກ, ການ​ນຳ​ເຂົ້າຂອງ​ຈີນ​ໄດ້​ເຕີບ​ໂຕ​ຂຶ້ນຢ່າງ​ບໍ່​ຢຸດ​ຢັ້ງ ຈະ​ສະ​ໜອງ​ພະລັງ​ແມ່​ແຮງຫຼາຍກວ່າ​ເກົ່າ​ໃຫ້​ແກ່​ອົງ​ກອນເສດຖະກິດ​​ເຫຼົ່າ​ນີ້.