|
ຕາມຂ່າວສານຊິນຮວາ: ພັກກົກມິນຕັງສະເໜີໃຫ້ສຳຫຼວດພິຈາລະນາອີກເທື່ອນຶ່ງກ່ຽວກັບທ່ານເສິນຢຸນລິນ ຫົວໜ້າຫ້ອງການວຽກງານໄຕ້ຫວັນຈີນນຳພາຄະນະຜູ່ແທນໄປໄຕ້ຫວັນເພື່ອເຂົ້າຮ່ວມເວທີປາໄສເສດຖະກິດການຄ້າແລະວັດທະນະທຳລະຫວ່າງສອງຝັ່ງນັ້ນຖືກພາກສ່ວນທີ່ກ່ຽວຂ້ອງຂອງເຈົ້າໜ້າທີ່ໄຕ້ຫວັນປະຕິເສດ ຕອນບ່າຍວັນທີ 19 ທັນວາ .
ຕາມສື່ມວນຊົນໄຕ້ຫວັນລາຍງານວ່າ, ວັນທີ 19 ທັນວາ ພາຍຫຼັງໄຂກອງປະຊຸມສຳຫຼວດພິຈາລະນາຮ່ວມແລ້ວ, "ກົມກວດຄົນເຂົ້າເມືອງກະຊວງພາຍໃນ" ຂອງເຈົ້າໜ້າທີ່ໄຕ້ຫວັນບໍ່ເຫັນດີຂໍ້ສະເໜີຂອງພັກກົກມິນຕັງ, ຮັກສາການຕົກລົງເດີມທີ່ວ່າ "ບໍ່ອະນຸຍາດ".
ທ່ານຈາງຢົງກົງ ຫົວໜ້າພະແນກວຽກງານແຜ່ນດິນໃຫຍ່ຂອງພັກກົກມິນຕັງກ່າວວ່າ, ພັກກົກມິນຕັງຮູ້ສຶກເສຍໃຈແລະບໍ່ພໍໃຈ. ທ່ານກ່າວວ່າ, ເວທີປາໄສເທື່ອນີ້ມີຄວາມໝາຍເລິກເຊິ່ງຍາວໄກຕໍ່ສັນຕິພາບຊ່ອງແຄບໄຕ້ຫວັນ, ພັກກົກມິນຕັງຈະສືບຕໍ່ສະແຫວງຫາວິທີອື່ນໆເພື່ອຊຸກຍູ້ໃຫ້ປະກົດຜົນເປັນຈິງ.
|
