|
|
 |
| (GMT+08:00)
2005-12-20 15:19:15
|
 |
|
ພັກກອມມູນິດຈີນແລະລັດຖະບານຈີນສຸດທີ່ເອົາໃຈໃສ່ນຳວຽກງານຕ້ານການສໍ້ລາດບັງຫຼວງ
cri
Author: zhangshuo
ຕາມຂ່າວCRI:ວັນທີ19ທັນວາ,ຢູ່ທີ່ປັກກິ່ງ,ທ່ານເຮີຢົງ ເລຂາຄະນະພັກສູນກາງພັກກອມມູນິດຈີນ ຮອງເລຂາຄະນະກຳມະການກວດກາວິໄນສູນກາງພັກກອມມູນິດຈີນໄດ້ພົບປະຄະນະຜູ້ແທນອົງການກວດກາແຫ່ງລັດລາວທີ່ນຳໂດຍທ່ານແຫວນທອງ ຫຼວງວິໄລ ກຳມະການສູນກາງພັກປະຊາຊົນປະຕິວັດລາວ ປະທານອົງການກວດກາແຫ່ງລັດລາວ.
ທ່ານເຮີຢົງໄດ້ແນະນຳສະຖານະການການເມືອງ ເສດຖະກິດໃນສະເພາະໜ້າແລະສະພາບປະຈຸບັນຂອງວຽກງານຕ້ານການສໍ້ລາດບັງຫຼວງຂອງຈີນໃຫ້ແຂກລາວຊາບ.ທ່ານເວົ້າວ່າ,ພັກກອມມູນິດຈີນແລະລັດຖະບານຈີນສຸດທີ່ເອົາໃຈໃສ່ນຳວຽກງານຕ້ານການສໍ້ລາດບັງຫຼວງ.ການກໍ່ສ້າງແບບແຜນຂອງພັກ ການເຮັດໃຫ້ກົງຈັກພັກລັດມີຄວາມໂປ່ງໃສແລະການຕ້ານການສໍ້ລາດບັງຫຼວງແມ່ນບັນຫາສຳຄັນທີ່ພົວພັນເຖິງອະນາຄົດແລະຊະຕາກຳຂອງຊາດ,ພັກກຳອຳນາດຕ້ອງຍົກຄວາມສາມາດຕ້ານການສໍ້ລາດບັງຫຼວງແລະຕ້ານຢັນໄພຄວາມສ່ຽງໃຫ້ສູງຂຶ້ນຢ່າງບໍ່ຢຸດຢັ້ງ.
ທ່ານແຫວນທອງ ຫຼວງວິໄລເວົ້າວ່າ,ພັກກອມມູນິດຈີນແລະລັດຖະບານຈີນຕ້ານການສໍ້ລາດບັງຫຼວງຢ່າງແຂງແຮງກວ່າເກົ່າ,ໄດ້ຮັບຜົນສຳເລັດຢ່າງໃຫຍ່ຫຼວງ,ທ່ານສະແດງຄວາມຊົມເຊີຍຕໍ່ເລື່ອງນີ້.
ສອງຝ່າຍເປັນເອກະສັນກັນກ່າວວ່າ,ຄຽງຄູ່ກັບການພົວພັນມິດຕະພາບລະຫວ່າງຈີນກັບລາວຂະ ຫຍາຍຕົວຢ່າງບໍ່ຢຸດຢັ້ງ,ພາກສ່ວນກວດກາຂອງສອງປະເທດດຳເນີນການແລກປ່ຽນກັນມີຜົນດີຕໍ່ສອງຝ່າຍຮ່ຳຮຽນແລະຖອດຖອນເອົາບົດຮຽນໃນຂົງເຂດວຽກງານກວດກາບໍລິຫານແລະຕ້ານການສໍ້ລາດບັງຫຼວງ.
|
|
|
