|
ທິດທາງປະເທດດຽວສອງລະບອບກາຍເປັນທ່າແຮງພິເສດແລະແມ່ແຮງທີ່ຊຸກຍູ້ການພັດທະນາແບບຍືນຍົງຂອງມາກາວ
cri
ຕາມຂ່າວສານຊີນຮວາ,ວັນທີ19ທັນວາ,ທ່ານນາງເຊີນລິ້ໝີນ ຫົວໜ້າພະແນກວຽກງານປົກຄອງແລະກົດໝາຍຂອງອົງການປົກຄອງເຂດພິເສດມາກາວກ່າວວ່າ,ພຶດຕິກຳຢັ້ງຢືນໃຫ້ເຫັນວ່າ,ທິດທາງປະເທດດຽວສອງລະບອບບໍ່ພຽງແຕ່ໄດ້ຮັກສາສະຖຽນລະພາບຂອງສັງຄົມມາກາວທໍ່ນັ້ນ,ແລະຍັງໄດ້ກາຍເປັນທ່າແຮງພິເສດແລະແມ່ແຮງທີ່ຊຸກຍູ້ການພັດທະນາແບບຍືນຍົງຂອງມາກາວ.
ວັນທີ20ທັນວາແມ່ນວັນລະລຶກມາກາວກັບຄືນສູ່ປະເທດຊາດຄົບຮອບ 6ປີ,ວັນທີ19ທັນວາ,ມາກາວໄດ້ຈັດງານສົນທະນາລະລຶກທີ່ກ່ຽວຂ້ອງ.ໃນງານສົນທະນາ,ທ່ານນາງເຊີນລິ້ໝີນເວົ້າວ່າ,ແຕ່ສ້າງຕັ້ງເຂດພິເສດມາກາວຄົບຮອບ6ປີມານີ້,ໄດ້ປະຕິບັດທິດທາງປະເທດດຽວສອງລະບອບ,ໃຫ້ຊາວມາກາວປົກຄອງມາກາວແລະປົກຄອງຕົນເອງໃນລະດັບສູງໂດຍຕະຫຼອດ,ປະຕິບັດຕາມກົດໝາຍພື້ນຖານຢ່າງເຄັ່ງຄັດ,ເຮັດໃຫ້ສັງຄົມມາກາວກ້າວໄປສູ່ຂັ້ນໄດຂັ້ນໃໝ່ເທື່ອລະກ້າວ.
ໃນງານສົນທະນາ,ທ່ານຊີເຈີ ຮອງຫົວໜ້າຫ້ອງການຕິດຕໍ່ພົວພັນຂອງ ລັດຖະບານກາງປະຈຳມາກາວກໍ່ເວົ້າວ່າ,ໃນ6ປີມານີ້,ເຂດພິເສດມາກາວມີການເມືອງອັນໜັກແໜ້ນ,ເສດຖະກິດພັດທະນາ,ສັງຄົມກົມກຽວກັນ,ທັງນີ້ໄດ້ພິສູດໃຫ້ເຫັນວ່າ,ທິດທາງປະເທດດຽວສອງລະບອບ,ໃຫ້ຊາວມາກາວປົກຄອງມາກາວແລະປົກຄອງຕົນເອງໃນລະດັບສູງມີກຳລັງຊີວິດຢ່າງແຂງແຮງ.
|
|
