|
|
 |
| (GMT+08:00)
2005-12-20 15:56:46
|
 |
|
ຍອດບໍລິມາດເສດຖະກິດຂອງຈີນເພີ່ມຂຶ້ນເປັນທີ6ໃນໂລກ
cri
ຕາມຂ່າວCRI,ວັນທີ20ທັນວາ,ກົມສະຖິຕິແຫ່ງຊາດຈີນໄດ້ດັດແປງຕົວເລກGDPຂອງ
ຈີນສົກປີ2004ໃຫ້ສູງຂຶ້ນຮອດ1930ຕື້ໂດລາສະຫະລັດ,ອັນໄດ້ເຮັດໃຫ້ຍອດບໍລິມາດ
ເສດຖະກິດຂອງຈີນເພີ່ມຈາກທີ7ຂຶ້ນເປັນທີ6.
ໃນງານຖະແຫຼງຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນວັນທີ20ທັນວາ,ທ່ານລີເຕີສຸຍ ຫົວໜ້າກົມສະຖິຕິແຫ່ງຊາດຈີນກ່າວວ່າ,ຕົວເລກດັ່ງກ່າວແມ່ນຄິດໄລ່ຕາມຜົນການສຳຫຼວດເສດຖະກິດທົ່ວປະເທດຈີນທີ່ສຳເລັດໃໝ່ໆນີ້,ການສຳຫຼວດເທື່ອນີ້ໄດ້ກວດພົບວ່າ,ມູນຄ່າເພີ່ມ278ຕື້ໂດລາສະຫະລັດ ຂອງອຸດສາຫະກຳທີສອງແລະອຸດສາຫະກຳທີສາມ ບໍ່ໄດ້ສະຖິຕິ.ຕາມຕົວເລກGDP ໃໝ່,ຍອດບໍລິມາດເສດຖະກິດຂອງຈີນໄດ້ລື່ນກາຍອີຕາລີທີ່ແຕ່ເດີມເປັນທີ6,ແລະມໍ່ກັບອັງກິດທີ່ເປັນທີ4ແລະຝະຣັ່ງທີ່ເປັນທີ5.ແຕ່GDPສະເລ່ຍຕາມຫົວຄົນຂອງຈີນພຽງແຕ່ກວມ1/5ຂອງGDPສະເລ່ຍຕາມຫົວຄົນຂອງໂລກ,ສະນັ້ນ,ຖານະຂອງຈີນທີ່ເປັນປະເທດພວມພັດທະນາໃຫຍ່ກວ່າໝູ່ບໍ່ໄດ້ມີການປ່ຽນແປງ.
ທ່ານລີເຕີສຸຍ ກ່າວວ່າ,ຕົວເລກສຳຫຼວດເທື່ອນີ້ຍັງສະແດງໃຫ້ເຫັນວ່າ,ອັດຕາສ່ວນຂອງອຸດສາຫະກຳທີ3ໃນGDPໄດ້ເພີ່ມຂຶ້ນຢ່າງຫຼວງຫຼາຍ,ເຊິ່ງບັນລຸເຖິງ40,7%,ນີ້ສະແດງໃຫ້ເຫັນວ່າອົງປະກອບເສດຖະກິດຂອງຈີນແມ່ນສົມເຫດສົມຜົນແລະປອດໄສກວ່າທີ່ຄາດໄວ້ກ່ອນ.
ທ່ານລີເຕີສຸຍຍັງກ່າວວ່າ,ເຖິງວ່າຕົວເລກທີ່ກ່ຽວຂ້ອງຂອງGDPຂອງຈີນມີການປ່ຽນແປງໜ້ອຍໜຶ່ງກໍຕາມ,ແຕ່ຈີນບໍ່ຫ່ອນຊິປ່ຽນແປງນະໂຍບາຍເສດຖະກິດມະຫາພາກທີ່ປັດຕິບັດໃນປັດຈຸບັນ.
|
|
|
