ຝ່າຍຈີນຍິນດີຮັກສາການແລກປ່ຽນແລະປຶກສາຫາລືກັບບັນດາຝ່າຍກ່ຽວກັບການຊຸກຍູ້ການເຈລະຈາຫົກຝ່າຍ
cri
ຕາມຂ່າວCRI, ວັນທີ20ທັນວາ, ທ່ານສິນກາງ ໂຄສົກກະຊວງການຕ່າງປະເທດຈີນກ່າວວ່າ, ໃນຖານເປັນຝ່າຍປະທານຂອງການເຈລະຈາຫົກຝ່າຍ, ຝ່າຍຈີນຍິນດີຮັກສາການແລກປ່ຽນແລະປຶກສາຫາລືກັບບັນດາຝ່າຍກ່ຽວກັບການຊຸກຍູ້ການເຈລະຈາຫົກຝ່າຍ.
ໃນເວລາຕອບຄຳຖາມຂອງນັກຂ່າວໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ20ທັນວາ, ທ່ານສິນກາງກ່າວວ່າ, ໃນສະເພາະໜ້ານີ້, ການເຈລະຈາຫົກຝ່າຍປະເຊີນກັບປັດໄຈທີ່ບໍ່ແນ່ນອນຈຳນວນໜຶ່ງ, ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງຖືການເຈະລຈາເປັນຈຸດສຳຄັນ, ໂຄລົບເຊິ່ງກັນແລະກັນ, ຊອກຫາວິທີແກ້ໄຂບັນຫາທີ່ກ່ຽວຂ້ອງຢ່າງເໝາະສົມ. ຝ່າຍຈີນຈະເຮັດຄືແຕ່ເກົ່າເມືອຫຼັງ, ສືບຕໍ່ຊຸກຍູ້ຂະບວນການເຈລະຈາຫົກຝ່າຍ.
|
|