|
ທ່ານຜູ້ຟັງທີ່ໂຄລົບ,ວັນທີ25 ພະຈິກ,ຢູ່ສຳນັກງານໃຫຍ່ທີ່ປາຣີ,ອົງການຢູເນັສໂກໄດ້ປະກາດ"ບົດປະພັນຕົວແທນຂອງມໍລະດົກທາງປາກແລະບໍ່ແມ່ນວັດຖຸຂອງມະນຸດ"ງວດທີ່ສາມ,"ສິລະປະມູຄາມເຜົ່າເວອູເອີຂອງເຂດຊິນຈ່ຽງຈີນ"ທີ່ຈີນຮ້ອງຂໍແລະ"ເພງພື້ນເມືອງທຳນອງຍາວຂອງເຜົ່າມົງໂກນ"ທີ່ຈີນແລະມົງໂກລີຮ່ວມກັນຮ້ອງຂໍໄດ້ຮັບເລືອກຢ່າງມີກຽດ.ໃນລາຍການວັດທະນາທຳຈີນມື້ນີ້,ເຊີນຟັງລາຍງານຂ່າວທີ່ກ່ຽວຂ້ອງ.
ວັນທີ28 ພະຈິກ,ຢູ່ປັກກິ່ງ,ທ່ານໂຄອີຈີໂຣ ມາຊູອູຣາ ຜູ້ອຳນວຍການໃຫຍ່ອົງການຢູເນັສໂກໄດ້ມອບໃບຢັ້ງຢືນໂຄງການທີ່ໄດ້ຮັບເລືອກໃຫ້ທ່ານຊຸ່ນເຈ່ຍເຈີ້ງ ລັດຖະມົນຕີກະຊວງວັດທະນະທຳຈີນ.ຢູ່ບ່ອນມອບໃບຢັ້ງຢືນ,ທ່ານພູໂທ່ງ ເຈົ້າຫນ້າທີ່ ກະຊວງວັດທະນະທຳຈີນກ່າວວ່າ,ຫວັງຜ່ານຈາກອົງການຢູເນັສໂກມອບໃບຢັ້ງຢືນມາ,ຊຸກຍູ້ວຽກງານອະນຸລັກມໍລະດົກວັດທະນະທຳຂອງຈີນຕື່ມອີກ.
ດົນຕີທີ່ທ່ານພວມຟັງຢູ່ນີ້ແມ່ນດົນຕີມູຄາມເຜົ່າເວອູເອີຂອງເຂດຊິນຈ່ຽງຈີນ.
"ສິລະປະມູຄາມເຜົ່າເວອູເອີຂອງເຂດຊິນຈ່ຽງຈີນ"ແມ່ນຊື່ລວມຂອງມູຄາມຊະນິດຕ່າງໆທີ່ເຜີຍແຜ່ຢູ່ເຂດທີ່ເຜົ່າເວອູເອີຂອງເຂດຊິນຈຽງຕັ້ງພູມລຳເນົາຈຸ້ມກັນ,ແມ່ນຮູບການສິລະປະສັງລວມຂະຫນາດໃຫຍ່ທີ່ໂຮມເອົາເພງ,ການຟ້ອນ,ແລະດົນຕີເຂົ້າເປັນອັນຫນຶ່ງອັນດຽວກັນ,ມັນສະແດງອອກເຖິງມູນເຊື້ອວັດທະນະທຳປະຫວັດສາດຂອງເຂດຊິນຈຽງແລະເຜົ່າເວອູເອີຢ່າງຮອບດ້ານແລະມີຊີວິດຊີວາ.ຫລັງຈາກຊຸມປີ60 ສະຕະວັດທີ່20,ຄຽງຄູ່ກັບການຫັນປ່ຽນໂຄງປະກອບເສດຖະກິດແລະການປ່ຽນແປງຂອງຮີດຄອງປະເພນີຊີວິດການເປັນຢູ່ຂອງຄົນທັງຫລາຍ,ພ້ອມດ້ວຍການຊຸທັ່ງຂອງວັດທະນະທຳພາຍນອກແລະວັດທະນະທສະໄສໄຫມນິຍົມ,ມູຄາມເຜົ່າເວອູເອີໄດ້ປະເຊີນກັບຄວາມຫຍຸ້ງຍາກຕ່າງໆເຊັ່ນບໍ່ມີຄົນສືບທອດເປັນຕົ້ນ.ທ່ານນາງຫລີຈີ້ລຽນ ຮອງຫົວຫນ້າສະຖາບັນຄົ້ນຄວ້າສິລະປະເຂດຊິນຈຽງເວົ້າວ່າ,ການຮ້ອງຂໍ"ບົດປະພັນຕົວແທນຂອງມໍລະດົກທາງປາກແລະບໍ່ແມ່ນວັດຖຸຂອງມະນຸດ"ຢ່າງສຳເລັດຜົນເທື່ອນີ້,ຈະຊຸກຍູ້ການອະຈຸລັກແລະການສືບທອດຂອງ"ສິລະປະມູຄາມເຜົ່າເວອູເອີຂອງເຂດຊິນຈ່ຽງຈີນ"ຢ່າງຫລວງຫລາຍ:
"ມູຄາມເຜົ່າເອອູເອີຂອງເຂດຊິນຈ່ຽງຈີນຖືກອົງການຢູເນັສໂກຈັດເຂົ້າໃນບົດປະພັນຕົວແທນຂອງມໍລະດົກທາງປາກແລະບໍ່ແມ່ນວັດຖຸຂອງມະນຸດ,ແມ່ນຢືນຢັນຄຸນຄ່າປະຫວັດສາດແລະຄຸນຄ່າວັດທະນະທຳສັງຄົມດ້ານສິລະປະຂອງມັນ.ການຮ້ອງຂໍພຽງແຕ່ແມ່ນພາຫະນະອັນຫນຶ່ງເທົ່ານັ້ນ,ຈຸດປະສົງຂອງມັນຍັງຄົງແມ່ນເພື່ອອະນຸລັກແລະສືບທອດ."
ທ່ານນາງຫລີຈີ້ລຽນເວົ້າວ່າ,ພວກເພິ່ນໄດ້ວາງແຜນການອະນຸລັກເປັນເວລາ10ປີ,ຈະສ້າງຊ່ອງທາງສືບທອດເສັ້ນຫນຶ່ງຢູ່ເຂດຊິນຈຽງ.ໃນນັ້ນ,ກ່ອນອື່ນແມ່ນການສືບທອດສະພາບດັ້ງເດີມ,ຍ້ອນວ່າມູຄາມແມ່ນສິລະປະທີ່ມີຊີວິດຊີວາໃນພື້ນເມືອງ,ສະນັ້ນຕ້ອງສືບຕໍ່ກັນໄປໃນພື້ນເມືອງ.ສອງແມ່ນການສືບທອດວິຊາການ,ຫມາຍຄວາມວ່າແມ່ນສືບທອດໂດຍຄະນະວິຊາການ.ນອກນີ້ແມ່ນການສືບທອດດ້ານການສຶກສາ,ມັນສາມາດເຂົ້າໃນຫ້ອງຮຽນທຳມະດາ,ເຮັດໃຫ້ຄົນຮູ້ຈັກມູຄາມ,ຮັກມູຄາມ,ຮຽນມູຄາມຫລາຍກວ່າເກົ່າ.
ເພງທີ່ທ່ານພວມຟັງຢູ່ນີ້ແມ່ນເພງພື້ນເມືອງທຳນອງຍາວຂອງເຜົ່າມົງໂກນ.
ໃນໄລຍະເຜົ່າມົງໂກນຈໍ່ຕົວຂຶ້ນ,ເພງພື້ນເມືອງທຳນອງຍາວຂອງເຜົ່າມົງໂກນກໍ່ໄດ້ຄົງຕົວຢູ່ແລ້ວ.ມັນກ່ຽວພັນກັບທົ່ງຫຍ້າແລະວິຖີຊີວິດທ່ຽວລ້ຽງສັດຂອງເຜົ່າມົງໂກນຢ່າງແຫນ້ນແຟ້ນ,ໄດ້ສືບທອດປະຫວັດສາດເຜົ່າມົງໂກນ.ເພງພື້ນເມືອງທຳນອງຍາວຂອງເຜົ່າມົງໂກນແມ່ນວັດທະນະທຳຊະນິດຫນຶ່ງທີ່ແຈກຢາຍຂ້າມຊາຍແດນ,ຕົ້ນຕໍແຈກຢາຍຢູ່ເຂດມົງໂກໃນປົກຄອງຕົນເອງຂອງຈີນແລະປະເທດມົງໂກລີ.ເພື່ອພ້ອມກັນອະນຸລັກມໍລະດົກດັ່ງກ່າວນີ້ໃຫ້ດີກວ່າເກົ່າ,ຈີນກັບມົງໂກລີໄດ້ຮ້ອງຂໍຕໍ່ອົງການຢູເນັສໂກກ່ຽວກັບເພງພື້ນເມືອງທຳນອງຍາວຂອງເຜົ່າມົງໂກນ.ນີ້ກໍແມ່ນໂຄງການທີ່ຈີນພ້ອມກັບຕ່າງປະເທດຮ້ອງຂໍຕໍ່ອົງການຢູເນັສໂກກ່ຽວກັບມໍລະດົກທີ່ບໍ່ແມ່ນວັດຖຸອັນດຽວກັນແລະໄດ້ຮັບຜ່ານເປັນຄັ້ງທຳອິດ.
ໃນເວລາໃຫ້ສຳພາດຕໍ່ນັກຂ່າວ,ທ່ານສຽວຢູ້ກວ່າງ ຫົວຫນ້າສະຖາບັນຄົ້ນຄວ້າສິລະປະຂອງເຂດມົງໂກໃນຈີນເວົ້າວ່າ,ເຖິງວ່າຈີນແລະມົງໂກລີລ້ວນແຕ່ອີງຕາມສະພາບຕົວຈິງຂອງປະເທດຕົນ,ໄດ້ອະນຸລັກເພງພື້ນເມືອງທຳນອງຍາວຂອງເຜົ່າມົງໂກນເທົ່າທີ່ສາມາດເຮັດໄດ້,ແລະໄດ້ຮັບຜົນສັກສິດໃນລະດັບໃດຫນຶ່ງແລ້ວກໍ່ຕາມ,ແຕ່ທ່ວງທ່າທີ່ເພງພື້ນເມືອງທຳນອງຍາວຂອງເຜົ່າມົງໂກນຊຸດໂຊມລົງໃນດ້ານກວມລວມນັ້ນພັດບໍ່ໄດ້ຮັບການສະກັດກັ້ນຈາກດ້ານກົກຮາກ. ຈີນມົງໂກລີຮ່ວມກັນຮ້ອງຂໍຢ່າງສຳເລັດຜົນເທື່ອນີ້,ຫມາຍຄວາມວ່າໃນ10ປີຂ້າງຫນ້ານີ້,ສອງປະເທດຈະຮ່ວມມືກັນໃນດ້ານອະນຸລັກເພງພື້ນເມືອງທຳນອງຍາວຂອງເຜົ່າມົງໂກນ,ແລະພ້ອມກັນປະສານງານໃຊ້ມາດຕະການອະນຸລັກ.ທ່ານເວົ້າວ່າ:
"ເພງພື້ນເມືອງທຳນອງຍາວບໍ່ພຽງແຕ່ແມ່ນສິລະປະຂອງເຜົ່າມົງໂກນເທົ່ານັ້ນ,ມັນໄດ້ກາຍເປັນມໍລະດົກວັດທະນະທທີ່ດີເດັ່ນຂອງທົ່ວມວນມະນຸດແລ້ວ.ການອະນຸລັກມັນໃຫ້ດີແມ່ນໜ້າທີ່ຮັບຜິດຊອບຂອງພວກເຮົາຮຸ່ນນີ້."
ທ່ານສຽວຢູ້ກວ່າງເວົ້າວ່າ,ພວກເພິ່ນໄດ້ວາງແຜນການອະນຸລັກເປັນເວລາ10ປີແລ້ວ.ໃນ10ປີນີ້,ພວກເພິ່ນຈະຜ່ານຈາກພາຫະນະຕ່າງໆ,ເຊັ່ນການສຳຫລວດຕາມທົ່ງນາ,ການເກັບກຳຂໍ້ມູນ,ການອັດສຽງຖ່າຍວິດີໂອ,ການອະນຸລັກຜູ້ສືບທອດ,ສ້າງອົງການອົບຮົມສະເພາະເປັນຕົ້ນມາອະນຸລັກເພງພື້ນເມືອງທຳນອງຍາວຂອງເຜົ່າມົງໂກນ,ເຮັດໃຫ້ມັນໄດ້ຮັບການສືບທອດດີກວ່າເກົ່າ.
|
