|
|
 |
| (GMT+08:00)
2005-12-21 18:24:03
|
 |
|
ອົງການຮ່ວມມືເສດຖະກິດອາຊີໃຕ້ແລະອາຊີອາຄະເນຫາລືແຜນການເຂດການຄ້າເສລີ
cri
ຕາມຂ່າວສານຊິນຮວາ: ແຕ່ວັນທີ 21 ທັນວາເປັນຕົ້ນໄປ, ກອງປະຊຸມຄະນະກຳມະທິການເຈລະຈາການຄ້າຂອງອົງການຮ່ວມມືເສດຖະກິດອາຊີໃຕ້ແລະອາຊີອາຄະເນຄັ້ງທີ 10 ຈະຈັດຂຶ້ນຢູ່ກັດມັນດູນະຄອນຫຼວງເນປານ.
ເຈົ້າໜ້າທີຊັ້ນສູງເນປານທີ່ເຂົ້າຮ່ວມກອງປະຊຸມເຜີຍໃຫ້ຮູ້ວ່າ, ກອງປະຊຸມເທື່ອນີ້ກິນເວລາໜຶ່ງອາທິດ, ຈະເຈາະຈົງຫາລືບັນຫາກ່ຽວກັບການຄ້າສິນຄ້າໃນການປະຕິບັດແຜນການເຂດການຄ້າເສລີ. ກອງປະຊຸມຍັງຈະຫາລືບັນຫາສະໜອງການບໍລິການລະຫວ່າງບັນດາປະເທດສະມາຊິກແລະການລົງທຶນຢູ່ຕ່າງຖິ່ນແລະບັນຫາອື່ນໆ.
ອົງການຮ່ວມມືເສດຖະກິດອາຊີໃຕ້ແລະອາຊີອາຄະເນສ້າງຂຶ້ນໃນປີ 1997, ປະເທດສະມາຊິກລວມມີບັງກະລາເດັດ, ອິນເດຍ, ມຽນມາ, ສີລັງກາ, ໄທ, ເນປານແລະບູຕານ. ກ່ອນໜ້ານີ້, ປະເທດສະມາຊິກຂອງອົງການຮ່ວມມືເສດຖະກິດດັ່ງກ່າວໄດ້ເຫັນດີເລີ່ມປະຕິບັດແຜນການການຄ້າສິນຄ້າເສລີເປັນກ້າວໆໃນໄລຍະຂ້າມຜ່ານ 10 ປີແຕ່ເດືອນກໍລະກົດປີ 2006 ເປັນຕົ້ນໄປ.
|
|
|
