|
|
 |
| (GMT+08:00)
2005-12-21 19:05:40
|
 |
|
ກະຊວງສາທາລະນະສຸກຈີນຈະຈັດຕັ້ງຖັນແຖວກະທົບໄວລະດັບຊາດ
cri
ຕາມ ໜັງສືພິມເຢິນມີນຢຶ້ປ້າວຂອງຈີນ:ໃນໄລຍະໄວໆນີ້,ກະຊວງສາທາລະນະສຸກຈີນຈະຈັດຕັ້ງຖັນແຖວກະທົບໄວລະດັບຊາດຫຼາຍກອງ,ເພື່ອຮັບມືກັບເຫດການສາທາລະນະສຸກທີ່ເກີດຂຶ້ນຢ່າງກະທັນຫັນ.
ຖັນແຖວກະທົບໄວເຫຼົ່ານີ້ຕົ້ນຕໍຈະຮັບມືກັບເຫດການຄົນຕິດພະຍາດໄຂ້ ຫວັດສັດປີກປະເພດຮ້າຍແຮງ,ພະຍາດຊາສແລະພະຍາດທີ່ບໍ່ຮູ້ສາຍເຫດ,ເຫດການຖືກພິດທີ່ໜັກໜ່ວງແລະອຸປະຕິເຫດແຜ່ລັງສີ.ນອກນີ້,ຖັນແຖວກູ້ໄພປ້ອງກັນພະຍາດ,ປິ່ນປົວພະຍາດແລະປ້ອງກັນພະຍາດຕິດແປດໂດຍດ່ວນລະດັບຊາດແລະກອງກອບກູ້ປິ່ນປົວທີ່ຕ້ານການກໍ່ການຮ້າຍທີ່ຈີນໄດ້ຈັດຕັ້ງຂຶ້ນນັ້ນກໍຈະບູລະນະໃຫ້ສົມບູນຂຶ້ນຕື່ມອີກ.
ກະຊວງສາທາລະນະສຸກຈີນກ່າວວ່າ,ການສ້າງຕັ້ງຖັນແຖວກະທົບໄວດ້ານສາທາລະນະສຸກລະດັບຊາດ,ສາມາດສຳເລັດວຽກງານຊຳລະໂດຍດ່ວນຕໍ່ເຫດການສາທາລະນະສຸກທີ່ເກີດຂຶ້ນຢ່າງກະທັນຫັນແລະວຽກງານກອບກູ້ແລະປິ່ນປົວພະຍາດພາຍຫຼັງເກີດເຫດການສາທາ ລະນະຢ່າງກະທັນຫັນນັ້ນໃຫ້ດີກວ່າເກົ່າ.
|
|
|
