|
ຈີນຍາດແຍ່ງສ້າງລະບົບກົດໝາຍກົດບັນຍັດກ່ຽວກັບລັດຖະກອນທີ່ຄົບຖ້ວນບໍລິບູນພາຍໃນ3ຮອດ5ປີ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ຢູ່ປັກກິ່ງ,ທ່ານຈ່າງໂປລິນ ລັດຖະມົນຕີກະຊວງບຸກຄະລາກອນຈີນກ່າວວ່າ,ຈີນຍາດແຍ່ງໃຊ້ເວລາ3ຮອດ5ປີ,ສ້າງລະບົບກົດໝາຍກົດບັນຍັດກ່ຽວກັບລັດຖະກອນທີ່ຄົບຖ້ວນບໍລິບູນເທື່ອລະກ້າວ.
ໃນກອງປະຊຸມບຸກຄະລາກອນທົ່ວປະເທດຈີນ,ທ່ານຈ່າງໂປລິນກ່າວວ່າ,ພາກສ່ວນບຸກຄະລາກອນຈະວາງກົດບັນຍັດປະກອບຊຸດໃຫ້ແກ່ກົດໝາຍວ່າດ້ວຍລັດຖະກອນ,ເຊິ່ງລວມທັງກົດຂໍ້ກຳນົດກ່ຽວກັບການເລືອກຮັບເອົາ,ກວດສອບແລະການຫຼົບຫຼີກຂອງລັດຖະກອນເປັນຕົ້ນ.ທ່ານຍັງກ່າວເນັ້ນວ່າ,ແຫ່ງຕ່າງໆແລະພາກ ສ່ວນຕ່າງໆຕ້ອງເຮັດວຽກຕາມຂໍ້ກຳນົດແລະຫຼັກການຂອງກົດໝາຍວ່າດ້ວຍລັດຖະກອນຢ່າງເຄັ່ງຄັດ.
ເດືອນເມສາປີນີ້,ອົງການນິຕິບັນຍັດຂອງຈີນໄດ້ຜ່ານຮັບຮອງກົດໝາຍວ່າດ້ວຍລັດຖະກອນ,ນີ້ແມ່ນກົດໝາຍກ່ຽວກັບການຄຸ້ມຄອງລັດຖະກອນສະບັບທຳອິດຂອງຈີນ.
|
|
