ຍັດຕິດັດແກ້ວິທີກຳເນີດຜູ່ວ່າການເຂດບໍລິຫານປີ2007ແລະສະພານິຕິບັນຍັດປີ2008ຂອງເຂດພິເສດຮົງກົງບໍ່ໄດ້ຜ່ານຮັບຮອງ
cri
ຕາມຂ່າວສານຊິນຮວາ,ວັນທີ21ທັນວາ, ຍັດຕິດັດແກ້ວິທີກຳເນີດຜູ່ວ່າການເຂດບໍລິຫານປີ2007ແລະສະພານິຕິບັນຍັດປີ2008ຂອງເຂດພິເສດຮົງກົງບໍ່ໄດ້ຜ່ານຮັບຮອງຍ້ອນບໍ່ໄດ້ຮັບຄະແນນສຽງສ່ວນຫຼາຍຄື2/3ທີ່ຕ້ອງການໃນການຜ່ານຮັບຮອງ.
ຕອນຄ່ຳມື້ດຽວກັນ,ທ່ານເຈິ່ງອິນສວນ ຜູ່ວ່າການເຂດບໍລິຫານພິເສດຮົງກົງໄດ້ໃຫ້ສຳພາດ,ສະແດງຄວາມເສຍດາຍແລະຜິດຫວັງຕໍ່ຍັດຕິທີ່ຕາງໜ້າປະຊາມະຕິດຕົ້ນຕໍນັ້ນບໍ່ໄດ້ຮັບການຜ່ານຮັບຮອງ.ທ່ານຍັງກ່າວວ່າ,ອົງການປົກຄອງຈະບໍ່ວາງແຜນການໃໝ່ກ່ຽວກັບບັນຫານີ້,ອີງຕາມການອະທິບາຍຂອງສະພາປະຊາຊົນແຫ່ງຊາດຈີນໃນປີກາຍນີ້,ວີທີເລືອກຕັ້ງໃນປີ2007ແລະປີ2008ຈະປະຕິບັດຕາມວິທີປັດຈຸບັນ.
ຕອນຄ່ຳມື້ດຽວກັນ,ຫ້ອງການວຽກງານຮົງກົງມາກາວຂອງຄະນະລັດຖະບານຈີນກໍກ່າວວ່າ,ເຫັນດີເຫັນພ້ອມແລະສະໜັບສະໜູນຄວາມເວົ້າດັ່ງກ່າວຂອງທ່ານເຈິ່ງອິນສວນ,ຫວັງໃຫ້ບຸກຄົນວົງການຕ່າງໆຂອງຮົງກົງໃຊ້ທ່າທີສະຕິສຳປະຊັນຍະ,ຕິດແທດຕົວຈິງແລະຮັບຜິດຊອບຕໍ່ປະຫວັດສາດ,ຊອກຄົ້ນເສັ້ນທາງພັດທະນາປະຊາທິປະໄຕທີ່ສອດຄ່ອງກັບສະພາບຕົວຈິງຂອງຮົງກົງ,ເພື່ອບັນລຸເປົ້າໝາຍການເລືອກຕັ້ງທົ່ວໄປທີ່ລະບຸໄວ້ໃນກົດໝາຍພື້ນຖານໃນທີ່ສຸດ.
|
|