ຕາມ​ຂ່າວ​ສານ​ຊີນຮວາ,​ວັນ​ທີ22​ທັນວາ,​ໃນ​ເວລາ​ສຳ​ຫຼວດ​ຢູ່​ແຂວງ​ຫູ​ນານ,​ຄະ​ນະ​ສຳ​ຫຼວດ​ທີ່​ນຳ​ໂດຍ​ທ່ານ​ໂອ​ມີ ຊີ​ຈີຣູ ຫົວ​ໜ້າ​ອົງ​ການ​ອະນາ​ໄມ​ໂລກປະ​ຈຳ​ເຂດ​ປາຊິ​ຟິກ​ຕາ​ເວັນ​ຕົກ​ກ່າວ​ເຕືອນ​ວ່າ,​ໃນ​ລະ​ດູ​ໜາວ,​ໄຂ້​ຫວັດ​ສັດ​ປີກ​ຈະ​ເກີດ​ຂຶ້ນ​ຫຼາຍ,​ຈະ​ລະ​ເຫຼີງ​ສະ​ຕິ​ຕໍ່​ການ​ປ້ອງ​ກັນ​ແລະ​ຄວບ​ຄຸມ​ບໍ່​ໄດ້, ຕ້ອງ​ເພີ່ມ​ທະ​ວີ​ວຽກ​ງານ​ປ້ອງ​ກັນ​ລ່ວງ​ໜ້າ​ແລະ​ກວດ​ກາຕື່ມ​ອີກ.

ມື້​ດຽວ​ກັນ,​ຄະນະ​ສຳ​ຫຼວດ​ຂອງ​ອົງ​ການ​ອະນາ​ໄມ​ໂລກ​ຍັງໄດ້​ຢ້ຽມ​ຢາມ​ທ້າວ​ເຫີ້​ຈຸ້ນ​ຢາວ ຜູ້​​ຕິດ​ພະ​ຍາດ​ໄຂ້​ຫວັດ​ສັດ​ປີກ​ຜູ້​ທຳ​ອິດ​ຂອງ​ຈີນ,​ແລະ​ໄດ້ສະ​ຫຼຸບ​ບົດຮຽນ​ທີ່​ປ້ອງ​ກັນ​ແລະ​ປິ່ນ​ປົວ​ຄົນ​ທີ່​ຕິດ​ພະ​ຍາດ​ໄຂ້​ຫວັດ​ສັດ​ປີກ ກັບ​ຜູ້​ຊ່ຽວຊານ​ດ້ານ​ແພດ​ຢູ່​ທ້ອງ​ຖິ່ນ​ນັ້ນ.​ຜູ້​ຊ່ຽວ​ຊານ​ເປັນ​ເອ​ກະ​ສັນ​ກັນ​ເຫັນ​ວ່າ,​ຜ່ານ​ການ​ຈັດ​ຕັ້ງ​ຢ່າງ​ແນບ​ນຽນ​ແລ້ວ,​ທີ່​ຄົນ​ຕິດ​ພະ​ຍາດ​ໄຂ້​ຫວັດ​ສັດ​ປີກ​ນັ້ນ​ແມ່ນ​ສາ​ມາດ​ປ້ອງ​ກັນ​ຄວບ​ຄຸມ​ແລະ​ປິ່ນປົວ​ໄດ້.