|
|
 |
| (GMT+08:00)
2005-12-23 19:59:16
|
|
ຈີນຈະລົງເລິກການປະຕິຮູບການສຶກສາພາກບັງຄັບຢູ່ຊົນນະບົດຕື່ມອີກ
cri
ຕາມຂ່າວສານຊິນຮວາ, ວັນທີ23ທັນວາ, ຄະນະລັດຖະບານຈີນໄດ້ຈັດກອງປະຊຸມຕົກລົງວ່າ, ຈີນຈະສືບຕໍ່ລົງເລິກການປະຕິຮູບການສຶກສາພາກບັງຄັບຢູ່ຊົນນະບົດ, ຮັບປະກັນໃຫ້ຊົນນະບົດໄດ້ຮັບຄ່າໃຊ້ຈ່າຍການສຶກສາພາກບັງຄັບຢ່າງເຕັມສ່ວນ.
ກອງປະຊຸມຄະນະລັດຖະບານຈີນຊີ້ອອກວ່າ, ແຕ່ປີ2006ເປັນຕົ້ນໄປ, ຈະຍົກເວັ້ນຄ່າຮຽນແລະຄ່າສັບປະປິຂອງນັກຮຽນໃນໄລຍະຮັບການສຶກສາພາກບັງຄັບຢູ່ຊົນນະບົດເຂດພາກຕາເວັນຕົກ, ປີ2007ຂໍ້ກຳນົດດັ່ງກ່າວຈະຂະຫຍາຍໄປຮອດພາກກາງແລະພາກຕາເວັນອອກ; ຍົກມາດຖານພື້ນຖານຂອງຄ່າໃຊ້ຈ່າຍສ່ວນລວມຂອງໂຮງຮຽນປະຖົມແລະມັດທະຍົມໄລຍະການສຶກສາພາກບັງຄັບໃນຊົນນະບົດໃຫ້ສູງຂຶ້ນ; ຮັບປະກັນທຶນສ້ອມແປງອາຄານໂຮງຮຽນຊົນນະບົດເປັນຕົ້ນ.
ປະຈຸບັນ, ອັດຕາເຜີຍແຜ່ການສຶກສາພາກບັງຄັບ9ປີຂອງຈີນໄດ້ເພີ່ມຂຶ້ນຈາກ85%ໃນປີ2000ຮອດ93.6%ແລ້ວ.
|
|
|
