ຕາມຂ່າວCRI: ວັນທີ 25 ທັນວາ, ທ່ານຊາຣອນ ນາຍົກລັດຖະມົນຕີອິສຣາແອນໄດ້ສັ່ງໃຫ້ກະຊວງປ້ອງກັນປະເທດອິສຣາແອນປະຕິບັດແຜນການທີ່ສະກັດກັ້ນຊາວປາເລັສຕິນເຂົ້າສູ່ເຂດພາກເໜືອແຖບກາຊາທີ່ແປະກັບອິສຣາແອນນັ້ນໃນທັນທີ.
ຈຸດປະສົງຂອງແຜນການນີ້ຢາກເຮັດໃຫ້ຊາວປາເລັສຕິນໄກຈາກເຂດດັ່ງກ່າວ, ເພື່ອປ້ອງກັນບໍ່ໃຫ້ພວກເຂົາເຈົ້າຍິງລອກແກັດໃສ່ອິສຣາແອນ.
ໃນມື້ດຽວກັນ ທ່ານຊາຣອນຍັງກ່າວວ່າ, ທ່ານໄດ້ສັ່ງໃຫ້ໂຈມຕີຢ່າງເຂັ້ມງວດຕໍ່ຜູ່ປະກອບອາວຸດປາເລັສຕິນທີ່ຍິງລອກແກັດໃສ່ອິສຣາແອນ.
ພາຍຫຼັງອິສຣາແອນໄດ້ສຳເລັດການຖອນອອກຈາກແຖບກາຊາໃນກາງເດືອນກັນຍາແລ້ວ, ຜູ່ປະກອບອາວຸດປາເລັສຕິນໄດ້ຍິງລອກແກັດຈາກແຖບກາຊາໃສ່ອິສຣາແອນ 200 ກວ່າລູກ. ກອງທະຫານອິສຣາແອນກໍ່ຖິ້ມລະເບີດແລະດຳເນີນການເຄື່ອນໄຫວກຳຈັດຕາມຈຸດກຳນົດຢູ່ແຖບກາຊາຫຼາຍເທື່ອ, ໄດ້ຍິງຊາວປາເລັສຕິນຕາຍຫຼາຍຄົນ.
|