|
ທ່ານຫູຈິນທ່າວກ່າວວ່າ,ການພັດທະນາປະຊາທິປະໄຕຮົງກົງຕ້ອງດຳເນີນໄປຢ່າງໝັ້ນທ່ຽງ ໜັກແໜ້ນແລະມີລະບຽບ
cri
Author: zhangshuo
|
ຕາມຂ່າວCRI:ທ່ານຫູຈິນທ່າວ ປະທານປະເທດຈີນກ່າວວ່າ,ການສະໜັບສະໜູນເຂດບໍລິຫານພິເສດຮົງກົງພັດທະນາລະບອບປະຊາທິປະໄຕທີ່ສອດຄ່ອງກັບສະພາບຕົວຈິງຂອງຮົງກົງຕາມການກຳນົດຂອງກົດໝາຍພື້ນຖານນັ້ນແມ່ນຫຼັກໝັ້ນສະເໝີຕົ້ນສະເໝີປາຍຂອງລັດຖະບານສູນກາງ;ແຕ່ການພັດທະນາປະຊາທິປະໄຕຂອງຮົງກົງຕ້ອງດຳເນີນໄປຢ່າງໝັ້ນທ່ຽງ ໜັກແໜ້ນແລະມີລະບຽບ.
ວັນທີ27ທັນວາ,ໃນເວລາພົບປະທ່ານເຈິ່ງອິ່ນຊວນ ຜູ້ວ່າການເຂດບໍລິຫານພິເສດຮົງກົງທີ່ມາລາຍງານວຽກງານຢູ່ປັກກິ່ງ,ທ່ານຫູຈິນທ່າວກ່າວວ່າ,ແຜນການປະຕິຮູບໂຄງປະ ກອບການເມືອງທີ່ອົງການປົກຄອງເຂດພິເສດຮົງກົງສະເໜີອອກມາໃນໄລຍະມໍ່ໆມານີ້ສອດຄ່ອງກັບກົດໝາຍພື້ນຖານແລະການຕີຄວາມໝາຍແລະຂໍ້ຕົກລົງທີ່ກ່ຽວຂ້ອງຂອງຄະນະປະຈຳສະພາປະຊາຊົນແຫ່ງຊາດຈີນ,ໄດ້ຮັບການສະໜັບສະໜູນຈາກປະຊາມະຕິຢ່າງກວ້າງຂວາງ,ແມ່ນແຜນການທີ່ຊຸກຍູ້ປະຊາທິປະໄຕຕື່ມອີກ.ທ່ານເວົ້າວ່າ,ການພັດທະນາໂຄງປະກອບການເມືອງຂອງຮົງກົງພົວພັນເຖິງການປະຕິບັດທິດທາງປະເທດດຽວສອງລະບອບແລະກົດໝາຍພື້ນຖານຢູ່ເຂດພິເສດຮົງກົງ,ພົວພັນເຖິງຜົນປະໂຫຍດຂອງທຸກຊັ້ນຄົນແລະວົງການຕ່າງໆໃນສັງຄົມຮົງກົງພ້ອມດ້ວຍຄວາມຈະເລີນຮຸ່ງເຮືອງແລະສະຖຽນລະພາບເປັນເວລາຍາວນານຂອງຮົງກົງ.ແຕ່ວ່າມັນກໍຄືກັນກັບການພັດທະນາປະຊາທິປະໄຕຂອງທຸກປະເທດແລະເຂດແຄ້ວນເຊິ່ງລ້ວນແຕ່ຕ້ອງຜ່ານຂະບວນວິວັດປະຫວັດສາດທີ່ຄ່ອຍເປັນຄ່ອຍໄປ,ການພັດທະນາປະຊາທິປະໄຕຂອງຮົງກົງກໍຕ້ອງດຳເນີນໄປຢ່າງໝັ້ນທ່ຽງ ໜັກແໜ້ນແລະມີລະບຽບ.
ໃນຕອນບ່າຍວັນທີ27ທັນວາ,ທ່ານຫູຈິນທ່າວຍັງໄດ້ພົບປະທ່ານເຮີໂຮ້ຮວາ ຜູ້ວ່າການເຂດບໍລິຫານພິເສດມາກາວທີ່ມາລາຍງານວຽກງານຢູ່ປັກກິ່ງ.
|
|
