|
|
(GMT+08:00)
2005-12-28 13:08:48
|
|
ບຸນຄຼິສມັສກ້າວເຂົ້າໃນຄອບຄົວທຳມະດາຂອງຈີນ
cri
ທ່ານລິວສົ່ງທີ່ອາຍຸສາມສິບປີປາຍແມ່ນກຳມະກອນຂອງໂຮງງານຜະລິດລົດໄຟຟ້າແຫ່ງໜຶ່ງຢູ່ປັກກິ່ງ,ຫາກໍ່ຮອດເດືອນທັນວາ,ຕົ້ນຄຼິສມັສໃນຄອບຄົວຂອງທ່ານກໍ່ຖືກຈັດ ວາງໄວ້ຢູ່ຫ້ອງຮັບແຂກແລ້ວ,ແສງໄຟຫຼາຍສີຫຼາຍສັນເຫຼື້ອມຍິບຍັບໃນທ່າມກາງກິ່ງໄມ້.ທ່ານລີວເວົ້າວ່າ,ເພິ່ນກັບເມຍໄດ້ຕົກລົງກັນກ່ອນລ່ວງໜ້າແລ້ວວ່າຈະໄປກິນອາຫານຝລັ່ງໃນຄືນກ່ອນມື້ບຸນຄຼິສມັສ. ພວກເຮົາໄປກິນອາຫານຝລັ່ງຄາບໜຶ່ງຢູ່ຮ້ານອາຫານມັກຊິມ,ແລ້ວໄປເລາະທ່ຽວຮ້ານຄ້າ,ມື້ນັ້ນຈະມີຮ້ານຄ້າຫຼາຍໆແຫ່ງບໍລິການລູກຄ້າຕະຫຼອດຄືນ. ປີແລ້ວ ນີ້ພວກເຮົາກໍ່ຫຼິ້ນບຸນຄຼິສມັສແບບນີ້,ໄປກິນ,ໄປເລາະ,ໄປຫຼິ້ນ,ດີຫຼາຍ.
ຄອບຄົວທີ່ສະຫຼອງບຸນຄຼິສມັສຢ່າງພຽນໃຈຄືຄອບຄົວຂອງທ່ານລີວຢູ່ປັກກິ່ງແລະແຫ່ງຕ່າງໆຂອງຈີນຍັງມີຈຳນວນຫຼວງຫຼາຍ,ບຸນຄຼິສມັສທີ່ເປັນມື້ບຸນຝ່າຍຕາເວັນຕົກກໍ່ໄດ້ເຮັດໃຫ້ຊີວິດການເປັນຢູ່ຂອງຄອບຄົວທຳມະດາຂອງຈີນນັບມື້ນັບນັບອຸດົມສົມບູນຂຶ້ນ.ຄຽງຄູ່ກັບເສດຖະກິດຂອງຈີນຂະຫຍາຍຕົວແລະລະດັບຊີວິດການເປັນຢູ່ຂອງປະຊາຊົນໄດ້ຍົກສູງຂຶ້ນ,ຄວາມສາມາດບໍລິໂພກຂອງຊາວຈີນກໍ່ນັບມື້ນັບເຂັ້ມ ແຂງຂຶ້ນ.ແລະຄຽງຄູ່ກັບການຂະຫຍາຍຕົວຂອງການເປີດປະຕູສູ່ພາຍນອກຂອງຈີນແລະຄົນຈີນຕິດຕໍ່ກັບຄົນຕ່າງປະເທດຫຼາຍຂຶ້ນຢ່າງບໍ່ຢຸດຢັ້ງ,ຈຶ່ງມີຄົນຈີນນັບມື້ນັບຫຼາຍຂຶ້ນຮູ້ຈັກແລະຍອມຮັບບຸນຄຼິສມັສ.ໃນໃຈຂອງຫຼາຍໆຄົນ,ບໍ່ວ່າມື້ບຸນທີ່ມີມູນເຊື້ອຂອງຈີນຫຼືມື້ບຸນຝ່າຍຕາເວັນຕົກ,ພວກເຂົາເຈົ້າກໍ່ສະຫຼອງຄືກັນ,ເພື່ອສວຍໂອກາດນີ້ສະເຫວີຍ ຄວາມມ່ວນຊື່ນຂອງຊີວິດ.ສ່ວນບຸນຄຼິສມັສໝາຍເຖິງຄວາມປອດໄພ,ຄວາມສະຫງົບສຸກແລະຄວາມອວຍພອນ,ກໍ່ໄດ້ຕອບສະໜອງຄວາມປາຖະໜາແລະຄວາມສະແຫວງຫາໃນໃຈຂອງຄົນທັງຫຼາຍທີ່ມີຕໍ່ຊີວິດອັນດີງາມ. ໃນໄລຍະບຸນຄຼິສມັສ,ຄົນທັງຫຼາຍພາກັນມອບຂອງຂວັນໃຫ້ແກ່ກັນ,ຈັດງານຊຸມແຊວ,ລ້ຽງຍາດພີ່ນ້ອງແລະໝູ່ເພື່ອນ.ແຕ່ວ່າຄົນຈີນສະຫຼອງບຸນຄຼິສມັສກໍ່ມີຈຸດພິເສດຂອງຈີນ,ຄົນສ່ວນຫຼາຍແມ່ນຖືບຸນຄຼິສມັສເປັນໂອກາດໃໝ່ສຳລັບພັກຜ່ອນສັງສັນລື່ນ ເລີງ.ນາງຊູມີງ ນັກສືກສາປີທີສີ່ຂອງມະຫາວິທະຍາໄລອຸດສາຫະກຳພາກເໜືອທີ່ຢູ່ປັກກິ່ງເວົ້າວ່າ, ບຸນຄຼິສມັສປີນີ້,ຍ້ອນວ່າຂ້ອຍແມ່ນນັກສຶກສາປີທີ4,ຂ້ອຍໄດ້ໄປເຂົ້າຮ່ວມງານລາຕີໃສ່ໜ້າກາກ,ເພື່ອຕ້ອນຮັບບຸນຄຼິສມັສຄັ້ງສຸດທ້າຍໃນໄລຍະຮຽນຢູ່ມະຫາວິທະຍາໄລດ້ວຍແບບວິທີທີ່ຂ້ອນຂ້າງພິເສດແນວນີ້. ສຳລັບຜູ່ທີ່ໄດ້ເປັນພໍ່ແມ່ແລ້ວນັ້ນກໍ່ຄິດວ່າເຮັດແນວໃດໃຫ້ລູກໄດ້ຫຼິ້ນບຸນຢ່າງມ່ວນ ຊື່ນ.ນາງລູສຽວເວີ້ຍທີ່ຢູ່ນະຄອນຊຽງໄຮ້ໄດ້ສັ່ງຈອງການເຄື່ອນໄຫວຫຼິ້ນບຸນຄຼິສມັສກັບລູກທີ່ບໍລິສັດຂອງກິນແຫ່ງໜຶ່ງເປັນຜູ້ຈັດ,ນາງກັບຜົວໄດ້ພາລູກອາຍຸ6ຂວບໄປຮ່ວມມ່ວນຊື່ນໃນບຸນຄຼິສມັສ. ໃນໂຮງງານຜະລິດຂອງກິນແຫ່ງນັ້ນມີການເຄື່ອນໄຫວຫຼິ້ນບຸນຄຼິສມັສກັບລູກໂດຍຈຳເພາະ,ໃຫ້ພໍ່ແມ່ພາລູກໄປເຮັດເຂົ້າໜົມເຄັກນຳກັນ.ໃຫ້ລູກມ່ວນຊື່ນນຳກັນກັບພວກເຮົາໃນບຸນຄຼິສມັສ. ຄືກັນກັບບໍລິສັດຂອງກິນທີ່ນາງລູໄດ້ເວົ້າເຖິງນັ້ນ,ເພື່ອກຳແໜ້ນບຸນຄຼິສມັສທີ່ເປັນໂອກາດການຄ້າທີ່ນັບມື້ນັບຄຶກຄັກຂຶ້ນ,ພໍ່ຄ້າຢູ່ແຫ່ງຕ່າງໆໄດ້ກຽມການເຄື່ອນໄຫວຫຼາຍຢ່າງຫຼາຍແນວໄວ້ໃຫ້ແກ່ບຸນຄຼິສມັສໂດຍຈຳເພາະ.ກ່ອນນີ້ຫຼາຍມື້,ຮ້ານຄ້າຈຳນວນບໍ່ໜ້ອຍກໍ່ໄດ້ໂຄສະນາວ່າຈະບໍລິການລູກຄ້າທັງເວັນທັງຄືນໃນໄລຍະບຸນຄຼິສມັສ,ແລະຫຼຸດລາຄາພິເສດໃນຄ່ຳຄືນກ່ອນບຸນຄຼິສມັສ,ຮ້ານອາຫານກໍໄດ້ສະເໜີລາຍການອາ ຫານບຸນຄຼິສມັສລະດັບຕ່າງໆ.ຢູ່ຖະໜົນໃຫຍ່ວາງຝູຈີງທີ່ເປັນຖະໜົນການຄ້າຕົ້ນຕໍຂອງປັກກິ່ງ,ຮ້ານຄ້ານ້ອຍໃຫຍ່ລ້ວນແຕ່ໄດ້ປະດັບເຄື່ອງເອ້ຄຼິສມັສ,ຕົ້ນຄຼິສມັສອັນປານີດ,ຮູບພາບໂຄສະນາຄຼິສມັສຕ່າງໆນາໆໄດ້ປະດັບປະດາຮ້ານຄ້າຕ່າງໆ.ໃນຮ້ານຄ້າແຫ່ງໜຶ່ງ,ທ່ານເຈີງຮວາ ພະນັກງານຂາຍບອກນັກຂ່າວວ່າ, ປີນີ້ຮ້ານຄ້າພວກເຮົາມີສິນຄ້າຄຼິສມັສຮ້ອຍກວ່າຊະນິດ,ຕົວຢ່າງຄືຕຸກກະຕາແຊນຕະຄຼອສ໌ກໍ່ໄດ້ຮັບຄວາມນິຍົມຊົມຊອບຈາກຄົນທັງຫຼາຍ.ຕຸກກະຕາໝາຄຼິສມັສກໍ່ແມ່ນສິນຄ້າຊະນິດໃໝ່ໃນປີນີ້,ຂາຍໄດ້ດີຫຼາຍ,ພຽງແຕ່ມື້ນີ້ມື້ດຽວກໍ່ຂາຍໄດ້ສາມສີ່ພັນຢວນແລ້ວ. ບໍ່ພຽງແຕ່ໄທເມືອງຫຼິ້ນບຸນຄຼິສມັສເທົ່ານັ້ນ,ບັນຍາກາດຄຼິສມັສກໍ່ຄ່ອຍໆແຜ່ລາມໄປຮອດຄອບຄົວຊາວກະສິກອນຢູ່ແຫ່ງຕ່າງໆຂອງຈີນ.ຢູ່ແຂວງເຫີຍລົງຈຽງພາກຕາເວັນອອກສຽງເໜືອຂອງຈີນ,ອຸນຫະພູມລົບສິບກວ່າອົງສາແລ້ວ,ຫິມະປົກຫຸ້ມໄປທົ່ວແຜ່ນດິນ.ໃນຄອບຄົວຂອງທ່ານວາງຈີ້ເວີນ ຊາວກະສິກອນທີ່ຢູ່ເມືອງທາງຢວນນະຄອນຈາມູສ,ຢູ່ເທິງປ້ອງຢ້ຽມໄດ້ຕິດຮູບແຊນຕະຄຼອສ໌ສີແດງ.ທ່ານວາງຈີ້ເວີນເວົ້າວ່າ,ປັດຈຸບັນ,ຫຼາຍຄອບຄົວໃນໝູ່ບ້ານກໍ່ໄດ້ຫຼິ້ນບຸນຄຼິສມັສ. ປີນີ້,ຄົວຄົວຂ້າພະເຈົ້າກໍ່ຫຼິ້ນບຸນຄຼິສມັສ.ປີນີ້ຄອບຄົວຂ້າພະເຈົ້າໄດ້ຮັບຜົນເກັບກ່ຽວອຸດົມສົມບູນ,ບຸນຄຼິສມັສປີນີ້ໄດ້ຂ້າໝູເປັນອາຫານ. ຂ້າໝູເປັນອາຫານກໍ່ແມ່ນເພື່ອສະເຫຼີມສະຫຼອງ,ທາງຄອບຄົວຈະຂ້າໝູໂຕໜຶ່ງ ໂດຍຈຳະເພາະ,ຕົ້ມຊິ້ນໝູເປັນໝໍ້ໃຫຍ່,ແລ້ວໃສ່ຜັກປ່າພິເສດຂອງພາກອິສານແລະຜັກຊະນິດອື່ນໆຕົ້ມນຳກັນ.ນີ້ກໍ່ແມ່ນຄາບເຂົ້າອຸດົມສົມບູນກວ່າໝູ່ໃນຊົນນະບົດພາກອິສານຂອງຈີນແລ້ວ, ຕາມທຳມະດາອາຫານແບບນີ້ມີແຕ່ກິນໃນຍາມບຸນກຸດຈີນ.ນິ້ສະແດງໃຫ້ເຫັນວ່າ,ບຸນຄຼິສມັສຂອງຕ່າງປະເທດກໍ່ນັບມື້ນັບຄຶກຄື້ນກວ່າເກົ່າໃນເຂດຊົນນະບົດຂອງຈີນ. ຄືຊິແມ່ນເພື່ອເພີ່ມບັນຍາກາດບຸນຄຼິສມັສ,ຫຼາຍມື້ກ່ອນ,ອຸນຫະພູມຢູ່ຫຼາຍພາກ ພື້ນຂອງຈີນໄດ້ຫຼຸດລົງຢ່າງຫຼວງຫຼາຍ,ອາກາດໜາວທີ່ສຸດ.ໃນລົມໜາວ,ເຄື່ອງເອ້ຫຼາຍສີຫຼາຍສັນຕາມຖະໜົນຫົນທາງນັ້ນຍິ່ງປະຈັກຕາຄົນ.
|
|
|