|
ຍອດຜົນຜະລິດທັນຍາຫານຂອງຈີນໃນປີ2005ຈະລື່ນກາຍ480ລ້ານໂຕນ
cri
ຕາມຂ່າວສານຊີນຮວາ,ທ່ານດູ້ຊີ່ງລີນ ລັດຖະມົນຕີກະຊວງກະສິກຳຂອງຈີນກ່າວວ່າ,ຄາດວ່າຍອດຜົນຜະລິດທັນຍາຫານຂອງຈີນໃນປີ2005ນີ້ຈະລື່ນກາຍ480ລ້ານໂຕນ,ຫຼາຍກວ່າປີ2004ປະມານ15ລ້ານໂຕນ.
ວັນທີ28ທັນວາ,ໃນກອງປະຊຸມກະສິກຳທີ່ໄຂຂຶ້ນຢູ່ປັກກິ່ງ,ທ່ານດູ້ຊີ່ງລີນເວົ້າວ່າ,ໃນສອງປີມານີ້,ຜົນຜະລິດທັນຍາຫານຂອງຈີນໄດ້ເພີ່ມຂຶ້ນຢ່າງຕໍ່ເນື່ອງ,ຍອດປະລິມານເພີ່ມຂຶ້ນໄດ້ລື່ນກາຍ50ລ້ານໂຕນ.
ເຈົ້າໜ້າທີ່ຜູ້ນີ້ຍັງເຜີຍໃຫ້ຮູ້ວ່າ,ການຄ້າຜະລິດຕະພັນກະສິກຳກັບຕ່າງປະເທດຂອງຈີນໃນປີນີ້ໄດ້ເຕີບໂຕຢ່າງວ່ອງໄວ,ໃນ10ເດືອນຕົ້ນປີ2005,ຍອດມູນຄ່າການຄ້າຂາເຂົ້າຂາອອກຜະລິດຕະພັນກະສິກຳທົ່ວປະເທດຈີນໄດ້ລື່ນກາຍ45ຕື້ໂດລາ,ໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍນີ້9%.ຈີນໄດ້ກາຍເປັນປະເທດໃຫຍ່ທີສີ່ດ້ານການຄ້າຜະລິດຕະພັນກະສິກຳໃນໂລກ.
|
|
