|
|
 |
| (GMT+08:00)
2005-12-28 21:09:22
|
 |
|
ອົງການຈີຮາດປະຕິເສດຄຳຮຽກຮ້ອງຂອງທ່ານອັບບາສທີ່ຮັກສາສະຖານະການໃຫ້ມີຄວາມສະຫງົບ
cri
ຕາມຂ່າວCRI,ວັນທີ27ທັນວາ,ອົງການຈີຮາດປາເລັສຕິນໄດ້ປະຕິເສດຄຳຮຽກຮ້ອງຂອງທ່ານອັບບາສ ປະທານອົງການອຳນາດແຫ່ງຊາດປາເລັສຕິນທີ່ຮຽກຮ້ອງໃຫ້ອົງການປະກອບອາວຸດຕ່າງໆຮັກສາໃຫ້ສະຖານະການມີຄວາມສະຫງົບ.
ມື້ດຽວກັນ,ທ່ານອັບບາສໄດ້ເຈລະຈາກັບບັນດາອົງການປະກອບອາວຸດປາເລັສຕິນຢູ່ແຖບກາຊາ,ຮຽກຮ້ອງໃຫ້ພວກເຂົາເຈົ້າເຄົາລົບສັນຍາຢຸດຍິງ,ຢຸດຕິການຫຼອນໂຈມຕີອີສຣາແອນ.
ຕໍ່ຈາກນັ້ນ,ໂຄສົກຜູ່ໜຶ່ງຂອງອົງການຈີຮາດກ່າວວ່າ,ຍ້ອນອີສຣາແອນບໍ່ໄດ້ເຄົາລົບສັນຍາຢຸດຍິງ,ການສືບຕໍ່ດຳເນີນການເຄື່ອນໄຫວປະກອບອາວຸດທີ່ແນໃສ່ອີສຣາແອນນັ້ນແມ່ນສອດຄ່ອງກັບຜົນປະໂຫຍດຂອງຊາວປາເລັສຕີນ.
ຕັ້ງແຕ່ອີສຣາແອນຖອນອອກຈາກແຖບກາຊາໃນເດືອນກັນຍາແລ້ວ,ການປະທະກັນດ້ວຍກຳລັງຮຸນແຮງລະຫວ່າງທະຫານອີສຣາແອນກັບຜູ້ປະກອບອາວຸດປາເລັສຕິນຍັງເກີດຂຶ້ນຢ່າງບໍ່ຢຸດຢັ້ງ.ຜູ້ປະກອບອາວຸດປາເລັສຕີນໄດ້ຍິງລູກສອນໄຟຫຼາຍເທື່ອຈາກແຖບກາຊາໄປສູ່ຕົວເມືອງອີສຣາແອນທີ່ຢູ່ມໍ່ແຖບກາຊາ.ໂດຍຖືເປັນການແກ້ແຄ້ນ,ທະຫານອີສຣາແອນກໍ່ໄດ້ຫຼອນໂຈມຕີແຖບກາຊາທາງອາກາດຫຼາຍເທື່ອ,ພາໃຫ້ຫຼາຍຄົນເສຍຊີວິດ.
|
|
|
