|
 
ຈຸດພິເສດອັນຫນຶ່ງແຫ່ງຮີດຄອງປະເພນີການກິນຂອງຊາວຈີນແມ່ນໃຊ້ໄຄວ້ຈື້ແປວ່າໄມ້ຖູ່ ໄມ້ຖູ່ ໃນສະໄຫມບູຮານເອີ້ນວ່າຈູ້ ,ຢູ່ຈີນມີປະຫວັດມາດົນແລ້ວເມື່ອເວົ້າເຖິງໄມ້ຖູ່ ເກືອບຮູ້ຫມົດທຸກຄົນວ່າ.ຢູ່ຈີນມີການບັນທຶກໃນປະຫວັດສາດ 3100 ປີແລ້ວ ໃນສະໄຫມປະຖົມບູຮານ ໄມ້ຖູ່ສ່ວນຫຼາຍແມ່ນຕົ້ນໄມ້ນ້ອຍຫຼືງ່າໄມ້ຫຼືເຂົາກະດູກສັດທຳມະຊາດ ໃນໄລຍະທ້າຍສັງຄົມປະຖົມບູຮານແມ່ນໄມ້ຖູ່ທີ່ເຮັດດ້ວຍໄມ້ຫຼືໄມ້ໄຜ່ທີ່ໄດ້ເຫຼົາແລ້ວ .
 
ໃນສະໄຫມລາດຊະວົງເຊ້ຍຊັ່ງໄດ້ປະກົດມີໄມ້ຖູ່ທີ່ເຮັດດ້ວຍແຂ້ວສັກ ຍົກ ໃນສະໄຫມຍຸດທະຈັກຊຸນຊິວ ມີໄມ້ຖູ່ເຮັດດ້ວຍທອງແລະເຫຼັກທີ່ທັງງາມທັງມີແບບບູຮານ ໃນສະໄຫມ 6 ລາດຊະວົງຮ້ານເວ້ ມີໄມ້ຖູ່ທີ່ທານ້ຳກ້ຽງທີ່ເຫຼື້ອມງາມ ໄມ້ຖູ່ທີ່ເຮັດດ້ວຍເງິນແລະຄຳອັນປານີດແລະລ້ຳຄ່າ ໃນຫຼາຍປີມານີ້ ໄມ້ຖູ່ທີ່ເຮັດດ້ວຍວັດຖຸດິບຕ່າງກັນມີຫຼາຍຢ່າງຫຼາຍແນວ ມີໄມ້ຖູ່ທີ່ເຮັດດ້ວຍງາຊ້າງ ເຂົາແຮດ ໄມ້ເນື້ອແຂງຂອບ ຄຳແລະຍົກເປັນຕົ້ນ.
  
ໃນສະໄຫມລາຊະວົງຖ້າງຂອງຈີນ ໄມ້ຖູ່ເງິນໄດ້ມີຊື່ສຽງກວ່າຫມູ່,ເພາະວ່າໄມ້ຖູ່ຄຳຖືກພະບໍລົມມະວົງສານຸວົງຜູກຂາດ ເມື່ອເຈົ້າຊີວິດໃຊ້ແລ້ວ ຜູ່ອື່ນກໍໃຊ້ບໍ່ໄດ້,ແຕ່ວ່າເວົ້າທົ່ວໄປແລ້ວ ຄອບຄົວຮັ່ງມີແມ່ນໃຊ້ໄມ້ຖູ່ເງິນ, ຫຼັງຈາກສະໄຫມຊາສະວົງຖ້າງໄດ້ຜະລິດໄມ້ຖູ່ເງິນແລ້ວ ນັບມາຮອດປັດຈຸບັນ ໄມ້ຖູ່ເງິນກໍໄດ້ຮັບຄວາມນິຍົມຊົມຊອບທີ່ສຸດໂດຍຕະຫຼອດເປັນຫຍັງຈຶ່ງໄດ້ຮັບຄວາມນິຍົມຊົມຊອບ? ຕົ້ນຕໍມີການເລົ່າລືກັນວ່າ ໄມ້ຖູ່ເງິນສາມາດກວດກາສິ່ງມີພິດ ຫຼັງຈາກໃຊ້ໄມ້ຖູ່ເງິນຄີບສິ່ງມີພິດແລ້ວ ເງິນສີຂາວຈະປ່ຽນເປັນສີດຳ
  
ໄມ້ຖູ່ເບິ່ງຄືວ່າເປັນງ່າຍໆແລະຄ່ອງແຄ້ວ ແຕ່ເຮັດດ້ວຍວັດຖຸຕ່າງກັນ ມີ ຫຼາຍຢ່າງຫຼາຍແນວ,ໄມ້ຖູ່ໃນປະຫວັດສາດຈີນກໍມີ 100 ກວ່າຊະນິດ ປັດຈຸບັນ ພວກເຮົາມັກໃຊ້ໄມ້ຖູ່ທີ່ເຮັດດ້ວຍໄມ້ແລະໄມ້ໄຜ່ ແຕ່ມີໄມ້ຖູ່ຍິ່ງຫຼາຍແມ່ນພວກເຮົາບໍ່ສູ້ເຫັນເລື້ອຍໆ,ໄມ້ຖູ່ຈີນແບ່ງເປັນ 5 ຊະນິດໃຫຍ່ຄື ໄມ້ຖູ່ທີ່ເຮັດດ້ວຍໄມ້ໄຜ່ ໂລຫະ ແຂ້ວກະດູກ ຍົກແລະເຄມີພັນ
 
ຢູ່ບາງແຫ່ງຂອງຈີນຍັງມີການຟ້ອນໄມ້ຖູ່ຊະນິດຫນຶ່ງ ແມ່ນການຟ້ອນທີ່ສະແດງໃນພິທີແຕ່ງງານ,ຫຼືວ່າໃນເວລາຈັດງານລ້ຽງສິລິມົງຄຸນ ໃຊ້ໄມ້ຖູ່ເຄາະມື ບ່າໄຫຼ່ ແອວແລະຂາເປັນຕົ້ນ ໃນເວລາເຄາະແຂນຂາ ທັງຍິກບ່າທັງບິດແອວແລະປີ້ນຂໍ້ມືຢ່າງຄ່ອງແຄ້ວ
 
ໃນແບບວິທີກິນເຂົ້າ ຊາວຈີນຫມົດຄອບຄົວມັກກິນເຂົ້ານຳມກັນ,ແລະແບບວິທີກິນເຂົ້ານີ້ທີ່ສາມາດເຜີຍແຜ່ເປັນເວລາດົນນານນັ້ນແມ່ນຍ້ອນວ່າຈີນເອົາໃຈໃສ່ນຳການພົວພັນຍາດພິນ້ອງເຊື້ອສາຍແລະທັດສະນະຄະຕິຄອບຄົວວົງຕະກຸນ,ໄມ້ຖູ່ຄູ່ຫນຶ່ງຈັບຢູ່ໃນມື ໃຊ້ຢ່າງຄ່ອງແຄ້ວ ທັງປະຢັດທັງຍສະດວກ.ຊາວເອີລົບອາເມລິກາຫຼາຍຄົນເມື່ອເຫັນຊາວຝ່າຍຕາເວັນອອກໃຊ້ໄມ້ຖູ່ ຮູ້ສຶກຕື່ນຕົກໃຈຫຼາຍ ຍ້ອງຍໍວ່ານີ້ແມ່ນການປະດິດສ້າງສີລະປະຢ່າງຫນຶ່ງ ໃນພາກຕົວຈິງແລ້ວ ບັນດາປະເທດຝ່າຍຕາເວັນອອກໃຊ້ໄມ້ຖູ່ນັ້ນມີກົກເຄົ້າເຫງົ້າມູນຈາກຈີນ ບັນພະບຸລຸດຂອງຈີນໄດ້ປະດິດສ້າງໄມ້ຖູ່ ມັນເປັນການປະກອບສ່ວນຢ່າງໃຫຍ່ຕໍ່ອາລິຍະທຳມະນຸດ
 
ວັດທະນະທຳໄມ້ຖູ່ມີປະຫວັດດົນມານານ ໄມ້ຖູ່ທີ່ເບິ່ງຄືສິ່ງທຳມະດາທີ່ສຸດພັດ ມີເນື້ອໃນວັດທະນະທຳອຸດົມສົມບູນ,ຊາວຈີນມີຮີດຄອງປະເພນີຄົມຄາຍແຕ່ບູຮານນະການມານີ້ ໄມ້ຖູ່ໃນພາສາຈີນເອີ້ນວ່າຄວາຍຈື້ມີຄວາມຫມາຍວ່າໄວໆ ສະນັ້ນ ຄວາຍຈື້ໃນດ້ານອອກສຽງຄ້າຍຄືກັນກັບຄວາຍເຊີງກຸ້ຍຈື້ ແປວ່າເອົາລູກໄວໆແລະຄວາຍໆເລີ້ໆ ແປວ່າເບີກບານມ່ວນຊື່ນ
 
ໃນເວລາກິນເຂົ້າ ຊາວຈີນໃຊ້ໄມ້ຖູ່ກໍມີແນວຍຄະລຳຕົວຢ່າງຄື:ໃນເວລາກິນເຂົ້າຢ່າເອົາໄມ້ຖູ່ເຄາະຈານຫຼືຖ້ວຍ, ເພາະວ່າມີແຕ່ຄົນຂໍທານກິນຈຶ່ງເອົາໄມ້ຖູ່ເຄາະ ຖ້ວຍຈານໃນຊີວິດປະຈຳວັນ ຄະລຳບໍ່ໃຫ້ປັກໄມ້ຖູ່ໃສ່ຈານຫຼືຖ້ວຍ, ເພາະວ່າມີແຕ່ໃນຈານຖ້ວຍລ້ຽງຜີຈຶ່ງປັກໄມ້ຖູ່ໄດ້
|
