|
|
(GMT+08:00)
2005-12-28 21:47:58
|
|
ພັກກຳມະກອນອີສຣາແອນພວມວາງແຜນການແກ້ໄຂບັນຫາປາເລັສຕິນກັບອີສຣາແອນ
cri
ຕາມຂ່າວCRI,ຕາມໜັງສືພິມຮາຣິດສ໌ຂອງອີສຣາແອນສະບັບວັນທີ28ທັນວາລາຍງານວ່າ,ພັກກຳມະກອນອີສຣາແອນພວມວາງແຜນການແກ້ໄຂບັນຫາລະຫວ່າງປາເລັສຕິນກັບອີສຣາແອນ,ໃນນັ້ນລວມທັງບັນຫາຕ່າງໆເຊັ່ນ,ຈຸດຕັ້ງຖິ່ນຖານຂອງຊາວຢິວຢູ່ເຂດຝັ່ງຕາເວັນຕົກແມ່ນ້ຳຈໍແດນ,ການເຈລະຈາກ່ຽວກັບຖານະຂອງປາເລັສຕິນໃນທີ່ສຸດ,ບັນຫາເຢຣູຊາເລັມແລະອື່ນໆ.
ຕາມແຜນການດັ່ງກ່າວ,ອິສຣາແອນຈະໄຊ້ແທນດ້ວຍຮູບການຈ່າຍຄ່າເຊົ່າຫຼືໂອນດິນແດນສ່ວນໜຶ່ງໃຫ້,ສືບຕໍ່ຄວບຄຸມຈຸດຕັ້ງຖິ່ນຖານຂະໜາດໃຫຍ່ຂອງຊາວຢິວສາມແຫ່ງຢູ່ຝັ່ງຕາເວັນຕົກແມ່ນ້ຳຈໍແດນ.
ແຜນການດັ່ງກ່າວຍັງຈະລວມທັງຕາລາງເວລາກ່ຽວກັບປາເລັສຕີນແລະອິສຣາແອນຈັດການເຈລະຈາກ່ຽວກັບບັນຫາຖານະສຸດທ້າຍຂອງປາເລັສຕິນ.ຕາມໄດ້ຊາບ,ອີສຣາແອນມີແຜນຈະເຈລະຈາກັບຜູ້ນຳປາເລັສຕີນ,ແຕ່ບໍ່ຫ່ອນຈະເຈລະຈາກັບອົງການຮາມາສ.
ໃນບັນຫາເຢຣູຊາເລັມ,ແຜນການດັ່ງກ່າວຊີ້ອອກວ່າ,ອີສຣາແອນຈະຖືເມືອງເຢຣູຊາເລັມອັນຄົບຖ້ວນເປັນນະຄອນຫຼວງ,ແຕ່ໃຫ້ຄຳໝັ້ນສັນຍາວ່າຈະພິຈາລະນາຄືນໃໝ່ກ່ຽວກັບບັນຫາຖານະຂອງຕົວເມືອງປາເລັສຕິນທີ່ຢູ່ມໍ່ເມືອງເຢຣູຊາເລັມ.
ຕາມໄດ້ຊາບ,ພັກກຳມະກອນຈະປະກາດແຜນການດັ່ງກ່າວພາຍໃນບໍ່ເທົ່າໃດອາທິດຂ້າງໜ້ານີ້.
|
|
|