|
|
 |
| (GMT+08:00)
2005-12-28 21:54:14
|
 |
|
ປັກກິ່ງສ້າງກຳແພງແຫ່ງຄວາມປອດໄພໃຫ້ງານກິລາໂອລິມປິກ
cri
ຕາມຂ່າວສານຊີນຮວາ,ວັນທີ28ທັນວາຢູ່ປັກກິ່ງ,ຜູ້ຮັບຜິດຊອບລະບົບປ້ອງກັນຄວາມສະຫງົບຂອງປັກກິ່ງກ່າວວ່າ,ວຽກງານກະກຽມການປ້ອງກັນຄວາມປອດໄພຂອງງານໂອລິມປິກປັກກິ່ງໃນປີ2005ໄດ້ດຳເນີນໄປຢ່າງສະດວກ.
ທ່ານມາເຈີ້ນສ່ວນ ຫົວໜ້າພະແນກປ້ອງກັນຄວາມສະຫງົບປັກກິ່ງ ຮອງຫົວ ໜ້າໜ່ວຍປະສານງານການປ້ອງກັນຄວາມປອດໄພຂອງງານໂອລິມປິກແນະນຳວ່າ, ປີ2005,ປັກກິ່ງໄດ້ສ້າງສູນບັນຊາການປ້ອງກັນຄວາມປອດໄພຂອງງານໂອລິມ ປິກ,ໄດ້ສ້າງຕັ້ງລະບົບບັນຊາການປ້ອງກັນຄວາມປອດໄພຂອງງານໂອລິມປິກ ຢ່າງເປັນເອກະພາບແລະມີປະສິດທິພາບສູງໃນຂັ້ນເບື້ອງຕົ້ນ.ພ້ອມກັນນັ້ນໄດ້ຖອດຖອນບົດຮຽນຂອງງານໂອລິມປິກທຸກຄັ້ງທີ່ຜ່ານມາ,ແລະວາງແຜນການສັງລວມປ້ອງກັນຄວາມປອດໄພ30ສະບັບ.
ໃນດ້ານກໍ່ສ້າງຫໍໂຮງແລະສະໜາມກິລາຂອງງານກິລາໂອລິມປິກປັກກິ່ງ,ປີນີ້ໜ່ວຍປະສານງານການປ້ອງກັນຄວາມປອດໄພຂອງງານໂອລິມປິກໄດ້ກວດສອບຕົວເລກຄາດໝາຍດ້ານຄວາມປອດໄພຂອງແຜນອອກແບບຂອງຫໍໂຮງແລະສະໜາມກິລາ,ໄດ້ວາງຂໍ້ສະເໜີດັດແປງເກືອບ600ຂໍ້ເປັນລຳດັບ,ຂໍ້ສະເໜີເຫຼົ່ານິ້ໄດ້ຮັບການປະຕິບັດຕົວຈິງແລະປົວແປງເທື່ອລະກ້າວ.
ໃນດ້ານຝຶກແອບບຸກຄະລາກອນ,ແຜນການອົບຮົມການປ້ອງກັນຄວາມປອດໄພຂອງງານໂອລິມປິກປັກກິ່ງໄດ້ສ້າງສຳເລັດແລ້ວ.ວຽກງານອົມຮົມຈະປະຕິບັດຕົວຈິງຢ່າງຮອບດ້ານໃນປີໜ້າ
|
|
|
