|
ຕາມຂ່າວສານຊິນຮວາ,ວັນທີ 27 ແລະວັນທີ 28 ທັນວາ,ຢູ່ທີ່ພະນົມເປັນ,ທ່ານຮຸນແຊນ ນາຍົກລັດຖະມົນຕີແລະສົມເດັດລະນະລິດ ປະທານສະພາແຫ່ງຊາດກຳປູເຈຍໄດ້ແຍກອອກພົບປະທ່ານຮູຊຽນເວີນ ເອກອັກຄະລັດຖະທູດຈີນປະຈຳກຳປູເຈຍທີ່ຈະພົ້ນຕຳແຫນ່ງໃນໄວໆນີ້,ຜູ່ນຳສອງທ່ານໄດ້ຕີລາຄາສູງຕໍ່ຈີນທີ່ໄດ້ເສີມຂະຫຍາຍບົດບາດສຳຄັນໃນການປົກປັກຮັກສາສັນຕິພາບ ສະຖຽນລະພາບແລະການພັດທະນາຂອງກຳປູເຈຍ.
ທ່ານຮຸນແຊນແລະສົມເດັດລະນະລິດເປັນເອກະສັນກັນເຫັນວ່າ,ປະຈຸບັນ, ສະພາບການເມືອງຂອງກຳປູເຈຍໄດ້ຫມັ້ນທ່ຽງ,ສັງຄົມສະຫງົບແລະເສດຖະກິດພັດທະນາຢ່າງບໍ່ຢຸດຢັ້ງ,ຊີວິດການເປັນຢູ່ຂອງປະຊາຊົນໄດ້ປົວແປງໃຫ້ດີຂຶ້ນເທື່ອລະກ້າວ.ນີ້ແມ່ນປາສະຈາກການສະຫນັບສະຫນູນແລະການຊ່ອຍເຫຼືອທີ່ຈີນສະຫນອງໃຫ້ເປັນເວລາຍາວນານນັ້ນບໍ່ໄດ້.
ຜູ່ນຳທັງສອງກ່າວວ່າ,ກຳປູເຈຍໄດ້ຖືການປັບປຸງແລະຂະຫຍາຍການພົວພັນກັບຈີນເປັນວຽກງານສຳຄັນກວ່າຫມູ່ໃນນະໂຍບາຍການຕ່າງປະເທດຂອງກຳປູເຈຍ,ກຳປູເຈຍຈະປະຕິບັດນະໂຍບາຍ ປະເທດຈີນດຽວຢ່າງຫມັ້ນຫນຽວບໍ່ປ່ຽນແປງ,ບໍ່ໃຫ້ມີການພົວພັນທາງການໃດໆກັບເຈົ້າຫນ້າທີ່ໄຕ້ຫວັນ,ເດັດດ່ຽວຄັດຄ້ານການເຄື່ອນໄຫວແຍກໃຫ້ໄຕ້ຫວັນອອກເປັນເອກະລາດດ້ວຍທຸກຮູບການບ,ສະຫນັບສະຫນູນພາລະກິດໂຮມປະເທດຈີນເຂົ້າເປັນເອກະພາບກັນ
|
