|
ໂຄສົກກະຊວງການຕ່າງປະເທດຈີນກ່າວວ່າ ຈີນກັບອົງການອະນາໄມໂລກສ້າງຕັ້ງກົນໄກແລກປ່ຽນແລະຮ່ວມມືກ່ຽວກັບການປ້ອງກັນແລະຄວບຄຸມຄົນຕິດພະຍາດໄຂ້ຫວັດສັດປີກ
cri
ຕາມຂ່າວCRI,ທ່ານຊີນກາງ ໂຄສົກກະຊວງການຕ່າງປະເທດຈີນກ່າວວ່າ, ຈີນກັບອົງການອະນາໄມໂລກໄດ້ສ້າງຕັ້ງກົນໄກແລກປ່ຽນແລະຮ່ວມມືອັນດີງາມໃນດ້ານປ້ອງກັນແລະຄວບຄຸມຄົນຕິດພະຍາດໄຂ້ຫວັດສັດປີກປະເພດຮ້າຍແຮງ.
ວັນທີ20ທັນວາ,ສູນປ້ອງກັນແລະຄວບຄຸມພະຍາດຂອງຈີນໄດ້ສະເໜີຂໍ້ມູນຂ່າວສານສອງສະບັບຂອງເຊື້ອພະຍາດຂອງຄົນຕິດພະຍາດໄຂ້ຫວັດສັດປີກແລະໝວດພັນທຸກຳຂອງເຊື້ອພະຍາດ,ນີ້ແມ່ນຈີນສະເໜີຂໍ້ມູນຂ່າວສານຂອງເຊື້ອພະຍາດທີ່ກ່ຽວຂ້ອງຂອງຄົນຕິດພະຍາດໄຂ້ຫວັດສັດປີກໃຫ້ອົງການອະນາໄມໂລກເປັນເທື່ອທຳອິດ.ນອກນີ້,ຄະນະສຳຫຼວດຂອງອົງການອະນາໄມໂລກກໍ່ໄດ້ໄປສຳຫຼວດຢູ່ເຂດໜຶ່ງຂອງຈີນໃນປາຍເດືອນທັນວາ,ໄດ້ໄປຢາມຜູ້ຕິດພະຍາດໄຂ້ຫວັດສັດປີກຜູ້ທຳອິດຂອງຈີນ,ແລະພ້ອມກັບຜູ້ຊ່ຽວຊານດ້ານແພດສາດໃນທ້ອງຖິ່ນສະຫຼຸບບົດຮຽນໃນການປ້ອງກັນແລະປິ່ນປົວພະຍາດໄຂ້ຫວັດສັດປີກ.ວັນທີ29ທັນວາ,ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຊິນກາງກ່າວວ່າ,ການກະທຳຂອງຈີນພິສູດໃຫ້ເຫັນເຖິງຄວາມຈິງຈັງແລະຄວາມຕັດສິນໃຈຂອງຈີນທີ່ເພີ່ມທະວີການແລກປ່ຽນແລະການຮ່ວມມືກັບປະຊາຄົມໂລກໃນດ້ານປ້ອງກັນແລະຄວບຄຸມພະຍາດໄຂ້ຫວັດສັດປີກ.
|
|
