|
|
 |
| (GMT+08:00)
2005-12-29 20:47:28
|
 |
|
ຈີນຈະຍົກເລີກອາກອນກະສິກຳຢ່າງສິ້ນເຊີງ
cri
ຕາມຂ່າວCRI,ວັນທີ29ທັນວາ,ຄະນະປະຈຳສະພາປະຊາຊົນແຫ່ງຊາດຈີນໄດ່ຕົກລົງວ່າ,ນັບແຕ່ວັນທີ1ເດືອນມັງກອນປີ2006ເປັນຕົ້ນໄປ,ຈະຍົກເລີກແລະຢຸດຕິການປະຕິບັດຂໍ້ລະບຽບອາກອນກະສິກຳທີ່ໄດ້ປະຕິບັດມາເປັນເວລາ50ປີແລ້ວນັ້ນ,ອາກອນກະສິກຳທີ່ໄດ້ມີປະຫວັດຢູ່ຈີນ2600ປີແລ້ວນັ້ນຈະຖືກຍົກເລີກຢ່າງສິ້ນເຊີງ.
ຂໍ້ລະບຽບອາກອນກະສິກຳຂອງຈີນເລີ່ມປະຕິບັດເມື່ອປີ1958,ຕາມຂໍ້ກຳນົດດັ່ງກ່າວ,ລະບອບອາກອນກະສິກຳທີ່ປະຕິບັດຢູ່ຈີນໃນປັດຈຸບັນລວມ ທັງອາກອນກະສິກຳ,ອາກອນສີຜົນຜະລິດພິເສດດ້ານກະສິກຳແລະອາກອນລ້ຽງສັດ.ພາຍຫຼັງຂໍ້ລະບຽບດັ່ງກ່າວຖືກຍົກເລີກ,ເວັ້ນເສຍແຕ່ອາກອນຜົນຜະລິດພິເສດດ້ານກະສິກຳຂອງໃບຢາສູບແລ້ວ,ອາກອນຊະນິດອື່ນໆລ້ວນແຕ່ຖືກຍົກເລີກໝົດ.ຕາມສະຖິຕິເບື້ອງຕົ້ນ,ນີ້ຈະຜ່ອນຄາຍການຫາບແບກຂອງຊາວກະສິກອນຈີນປະມານ50ຕື້ຢວນຕໍ່ປີ.
ແຕ່ປີ2004ມານີ້,ລັດຖະບານຈີນໄດ້ຫຼຸດແລະຍົກເວັ້ນອາກອນກະສິກຳຢ່າງຫຼວງຫຼາຍໃນຂອບເຂດກວ້າງ,ປີ2005ໄດ້ຍົກເລີກອາກອນລ້ຽງສັດຢ່າງຮອບດ້ານ,ແລະກຳນົດຢ່າງຈະແຈ້ງວ່ານັບແຕ່ປີ2006ເປັນຕົ້ນໄປ,ຈະ ຢຸດຕິການເກັບອາກອນກະສິກຳໃນທົ່ວປະເທດ.ເທື່ອນີ້ຄະນະປະຈຳສະພາປະຊາຊົນແຫ່ງຊາດຈີນແມ່ນຍົກເລີກອາກອນກະສິກຳຢ່າງສິ້ນເຊີງຈາກດ້ານກົດໝາຍ.
|
|
|
