|
ແຕ່ປີ2006ເປັນຕົ້ນໄປກະຊວງສາທາລະນະສຸກ,ກະຊວງສຶກສາທິການ,ກະຊວງປ້ອງກັນຄວາມສະຫງົບຂອງຈີນຈະຖະແຫຼງຂ່າວເປັນປະຈຳ
cri
ຕາມຂ່າວສານຊີນຮວາ,ວັນທີ29ທັນວາ,ທ່ານຊ້າຍອູ,ຫົວໜ້າຫ້ອງການຖະແຫຼງຂ່າວຂອງລັດຖະບານຈີນເຜີຍໃຫ້ຮູ້ວ່າ,ແຕ່ປີ2006ເປັນຕົ້ນໄປ,ກະຊວງສາທາລະນະສຸກ,ກະຊວງສຶກສາທິການ,ກະຊວງປ້ອງກັນຄວາມສະຫງົບຂອງຈີນເປັນຕົ້ນຈະຈັດຕັ້ງງານຖະແຫຼງຂ່າວຢ່າງເປັນປະຈຳເພື່ອປະກາດຂໍ້ມູນຂ່າວສານຕໍ່ສັງຄົມ.
ຕາມແນະນຳວ່າ,ກະຊວງສາທາລະນະສຸກຈີນຈະຈັດງານຖະແຫຼງຂ່າວໃນວັນທີ10ທຸກໆເດືອນ,ສ່ວນກະຊວງສຶກສາທິການຈະຈັດໃນວັນພຸດໃນອາ ທິດທຳອິດຂອງທຸກເດືອນ,ແລະຂອງກະຊວງປ້ອງກັນຄວາມສະ ຫງົບແມ່ນໃນວັນອັງຄານໃນອາທິດທີສອງຂອງທຸກເດືອນ.
ຕາມຕົວເລກຂອງຫ້ອງການຖະແຫຼງຂ່າວຂອງລັດຖະບານຈີນ,ປັດຈຸບັນມີເກືອບ 70ພາກສ່ວນທີ່ສັງກັດຄະນະລັດຖະບານແລະ27ແຂວງ,ເຂດແລະກຳແພງນະຄອນໄດ້ສ້າງຕັ້ງລະບອບຖະແຫຼງຂ່າວແລະໂຄສົກຖະແຫຼງຂ່າວ.ແຕ່ວ່າ,ມີແຕ່10ກວ່າກະຊວງແລະຄະນະກຳມະການທຽບເທົ່າຂອງສູນກາງແລະທ້ອງຖິ່ນເຊັ່ນກະຊວງການຕ່າງປະເທດ,ຫ້ອງການວຽກງານໄຕ້ຫວັນຂອງຄະນະລັດຖະບານຈີນເປັນຕົ້ນໄດ້ປະຕິບັດການເຄື່ອນໄຫວຖະແຫຼງ ຂ່າວຢ່າງເປັນປະຈຳ.
|
|
