|
ຕາມຂ່າວCRI:ໂດຍແນໃສ່ບັນຫາທີ່ພະຍາດສັດເຊັ່ນ ພະຍາດໄຂ້ຫວັດສັດປີກແລະພະ ຍາດລົງເລັບປາກເປື່ອຍເປັນຕົ້ນໄດ້ເກີດຂຶ້ນບາງຄັ້ງບາງຄາວໃນຫຼາຍປີມານີ້,ກົດໝາຍວ່າດ້ວຍປະສຸສັດທີ່ຈີນວາງອອກໃນວັນທີ29ທັນວາໄດ້ກຳນົດໄວ້ວ່າ,ຜູ້ຜະລິດທຸລະກິດການປະສຸສັດຄວນປະຕິບັດພັນທະປ້ອງກັນພະຍາດສັດ.
ກົດໝາຍວ່າດ້ວຍປະສຸສັດທີ່ຈີນວາງອອກໃໝ່ໄດ້ກຳນົດການເຄື່ອນໄຫວຜະລິດທຸລະກິດ ການປະສຸສັດຂອງຈີນໃຫ້ເປັນແບບສະບັບຕື່ມອີກ,ໄດ້ກຳນົດຢ່າງລະອຽດກ່ຽວກັບບັນຫາຕ່າງໆທີ່ສັງຄົມຂ້ອນຂ້າງເອົາໃຈໃສ່ໃນຫຼາຍປີມານີ້ ເຊັ່ນການປົກປ້ອງແນວພັນສັດແລະສັດປີກອັນລ້ຳຄ່າແລະການຮັບປະກັນຄຸນນະພາບແລະຄວາມປອດໄພຂອງຜະລິດຕະພັນສັດແລະສັດປີກເປັນຕົ້ນ.ກົດໝາຍສະບັບນີ້ຍັງກຳນົດວ່າ,ອົງການປົກຄອງທຸກຂັ້ນຂອງຈີນຄວນໃຊ້ມາດຕະການຄ້ຳຊູການພັດທະນາການລ້ຽງສັດໃຫ້ເປັນແບບຂະໜາດ,ຊຸກຍູ້ການທຸລະກິດການປະສຸສັດເປັນແບບອຸດສາຫະກຳ,ພ້ອມທັງປົກປ້ອງແລະນຳໃຊ້ທົ່ງຫຍ້າຢ່າງສົມເຫດສົມຜົນ,ແລະປົວແປງເງື່ອນໄຂການຜະລິດຂອງການປະສຸສັດໃຫ້ດີຂຶ້ນເປັນຕົ້ນ.
ກົດໝາຍສະບັບນີ້ຈະເລີ່ມປະຕິບັດແຕ່ວັນທີ1ກໍລະກົດປີ2006ເປັນຕົ້ນໄປ.
|
