|
ປີໜ້າຈີນຈະເລັ່ງລັດຊຸກຍູ້ການສ້າງສາລະບົບກອບກູ້ສັງຄົມ
cri
Author: shuo
ຕາມຂ່າວCRI:ວັນທີ30ທັນວາ,ຢູ່ທີ່ປັກກິ່ງ,ທ່ານຫຼີເຊຍຈູ ລັດຖະມົນຕີກະຊວງການປົກຄອງແລະປະຊາສົງເຄາະຂອງຈີນກ່າວວ່າ,ປີ2006,ຈີນຈະເລີ່ມຈາກການແກ້ໄຂບັນຫາຕົວຈິງຂອງປະຊາຊົນຜູ້ມີຄວາມຫຍຸ້ງຍາກ,ບູລະນະລະບອບທີ່ກ່ຽວຂ້ອງໃຫ້ສົມບູນ,ເລັ່ງລັດຊຸກຍູ້ການສ້າງສາລະບົບຊ່ອຍເຫຼືອທາງສັງຄົມໃຫ້ໄວເຂົ້າ.
ທ່ານຫຼີເຊຍຈູແມ່ນໃຫ້ທັດສະນະດັ່ງກ່າວໃນກອງປະຊຸມການປົກຄອງແລະປະຊາສົງເຄາະຂອງຈີນທີ່ໄຂຂຶ້ນໃນວັນທີ30ທັນວາ.ທ່ານຍັງກ່າວວ່າ,ຈີນຈະເຈາະຈົງຫ້າງຫາເງິນທຶນທີ່ຕ້ອງການດ່ວນໃນການກອບກູ້ຊ່ອຍເຫຼືອສັງຄົມຊົນນະບົດ.ນອກນີ້,ຈີນຍັງຈະເສີມສ້າງການຄຸ້ມຄອງເງິນທຶນກອບກູ້ຊ່ອຍເຫຼືອ,ຮັບປະກັນການເບີກເງິນທຶນກອບກູ້ຊ່ອຍເຫຼືອໃຫ້ປະຊາຊົນຜູ້ມີຄວາມຫຍຸ້ງຍາກຢ່າງທັນການແລະເຕັມສ່ວນ.
ທ່ານຍັງກ່າວວ່າ,ປີໜ້າຈີນຍັງຈະຄ້ຳຊູອົງການກຸສົນປະເພດຕ່າງໆ,ລະດົມກຳລັງສັງຄົມ,ຊຸກຍູ້ໃຫ້ພາລະກິດກຸສົນມີການພັດທະນາ.
ຕາມແນະນຳວ່າ,ປີ2005,ຈີນໄດ້ກອບກູ້ຊ່ອຍເຫຼືອປະຊາຊົນຜູ້ປະສົບໄພເກືອບ100ລ້ານເທື່ອຄົນ,ຊີວິດການເປັນຢູ່ພື້ນຖານຂອງປະຊາຊົນຜູ້ມີຄວາມຫຍຸ້ງຍາກພິເສດໃນຕົວເມືອງແລະຊົນນະບົດສ່ວນຫຼາຍທີ່ສຸດໄດ້ຮັບການຮັບປະກັນ.
|
|
