|
ໃນ5ປີມານີ້,ຈີນໄດ້ດູດດຶງນັກທຸລະກິດຕ່າງປະເທດມາລົງທຶນໂດຍກົງລື່ນກາຍ270ຕື້ໂດລາ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ທ່ານຈັ່ງສຽວຊຽງ ຮອງປະທານຄະນະກຳມະການພັດທະນາແລະປະຕິຮູບແຫ່ງລັດຈີນເຜີຍໃຫ້ຮູ້ວ່າ,ໃນ 5 ປີມານີ້,ຈີນໄດ້ດູດດຶງນັກທຸລະກິດຕ່າງປະເທດລົງທຶນໂດຍກົງລື່ນກາຍ 270 ຕື້ໂດລາສະຫະລັດ.
ໃນກອງປະຊຸມທີ່ຈັດຂຶ້ນຢູ່ກຸ້ຍຢາງ ເມືອງພາກຕາເວັນຕົກສຽງໃຕ້ຂອງຈີນ,ທ່ານແນະນຳວ່າ,ຫຼັງຈາກເຂົ້າຮ່ວມອົງການການຄ້າໂລກແລ້ວ,ຈີນໄດ້ຂ້ຽວເລັ່ງສ້າງແລະປົວແປງລະບົບກົດບັນຍັດແລະນະໂຍບາຍທີ່ກ່ຽວ ຂ້ອງ,ດັດແກ້ແລະຍົກເລີກກົດຫມາຍກົດບັນຍັດທີ່ກ່ຽວຂ້ອງທີ່ບໍ່ສອດຄ່ອງກັບກະຕິກາຂອງອົງການການຄ້າໂລກ,ພ້ອມກັນນັ້ນ,ກໍໄດ້ໄຂຕະຫຼາດເງິນທຶນສູ່ພາຍນອກເທື່ອລະກ້າວ.
ປີ2003, ທຶນຕ່າງປະເທດທີ່ຈີນນຳເຂົ້າຕົວຈິງໄດ້ລື່ນກາຍອາເມລິກາເປັນຄັ້ງທຳອິດ,ກາຍເປັນປະເທດທີ່ບໍລິສັດຂ້າມຊາດໃນໂລກມັກລົງທຶນກວ່າຫມູ່,ນັບມາຮອດປະຈຸບັນ,ໃນ 500ບໍລິສັດຂ້າມຊາດທີ່ເຂັ້ມແຂງໃນໂລກມີ 400 ກວ່າຫຼັງໄດ້ລົງທຶນຢູ່ຈີນແລ້ວ.
|
|
