|
ປີນີ້ ສ.ເກົາຫຼີຈະພະຍາຍາມຢ່າງຕັ້ງໜ້າເພື່ອແກ້ໄຂບັນຫານິວເຄຼຍຂອງແຫຼມເກົາຫຼີດ້ວຍສັນຕິວິທີ
cri
Author: cai
ຕາມຂ່າວCRI:ວັນທີ 2 ມັງກອນ,ຢູ່ເຊອຸ່ນ ນະຄອນຫຼວງສ.ເກົາຫຼີ,ທ່ານປານກີມູນ ລັດຖະມົນຕີກະຊວງການຕ່າງປະເທດແລະການຄ້າສ.ເກົາຫຼີເວົ້າວ່າ,ປີນີ້,ສ.ເກົາຫຼີຈະພະຍາຍາມຢ່າງຕັ້ງໜ້າເພື່ອແກ້ໄຂບັນຫານິວເຄຼຍຂອງແຫຼມເກົາຫຼີດ້ວຍສັນຕິວິທີ.
ວັນທີ 2 ມັງກອນ,ໃນພິທີເລີ່ມເຮັດວຽກປີ 2006 ຂອງກະຊວງການຕ່າງປະເທດແລະການຄ້າສ.ເກົາຫຼີ,ທ່ານປານກີມູນເວົ້າວ່າ,ກອງປະຊຸມໄລຍະທີ 2 ຂອງການເຈລະຈາ 6 ຝ່າຍຮອບ 5 ມີແຜນຈະຈັດຂຶ້ນໃນກາງເດືອນມັງກອນປີນີ້.ສ.ເກົາຫຼີຈະສືບຕໍ່ຊຸກຍູ້ການແກ້ໄຂບັນຫານິວເຄຼຍຂອງແຫຼມເກົາຫຼີຕາມເປົ້າໝາຍເດີມ.ທ່ານກ່າວວ່າ,ປີນີ້,ລັດຖະບານສ.ເກົາຫຼີຈະຈັດເອົາບັນຫານິວເຄຼຍແຫຼມເກົາຫຼີເປັນບັນຫາການຕ່າງປະເທດທີ່ຈະເຈາະຈົງແກ້ໄຂ,ແລະຈະທຳຄວາມພະຍາຍາມກ່ອນໝູ່ເພື່ອແກ້ໄຂບັນຫາດັ່ງກ່າວດ້ວຍສັນຕິວິທີໂດຍໄວເທົ່າທີ່ຈະໄວໄດ້.
|
|
