|
|
 |
| (GMT+08:00)
2006-01-03 10:46:18
|
 |
|
ເສັ້ນທາງພັດທະນາຢູ່ພົ້ນທະເລຂອງລົດໂດຍສານຢູທົງ
cri
|
ໃນເດືອນທີ່ແລ້ວ,ລົດໂດຍສານຫຼູຫຼາໃໝ່ຄັນໜຶ່ງໄດ້ເດີນທາງອອກຈາກທ່າກຳປັ່ນທຽນສິນພາກເໜືອຂອງຈີນ,ຂ້າມມະຫາສະໝຸດໄປອາເມລິກາ,ນີ້ໄດ້ທຳລາຍຮີດເກົ່າທີ່ລົດໂດຍສານຈີນເຂົ້າໃນຕະຫຼາດປະເທດພັດທະນາຢູ່ເອີລົບແລະອາເມລິກາບໍ່ໄດ້.ປີ2006,ຍັງຈະມີລົດໂດຍສານໃຫຍ່ຄ້າຍຄືກັນ100ຄັນຖືກສົ່ງອອກໄປອາເມລິກາ.ໂຮງງານທີ່ຜະລິດລົດໂດຍສານຫຼູຫຼານີ້,ກໍ່ແມ່ນບໍລິສັດຢູທົງເຈີ້ງໂຈ່ວຜະ ລິດລົດໂດຍສານຫຸ້ນສ່ວນຈຳກັດທີ່ແມ່ນໂຮງງານຜະລິດລົດໂດຍສານຂະໜາດກາງແລະໃຫຍ່ທີ່ໃຫຍ່ກວ່າໝູ່ຂອງຈີນ.
ບໍລິສັດທີ່ຈຳໜ່າຍລົດໂດຍສານໄປສູ່ອາເມລິການີ້ໃນສິບກວ່າປີກ່ອນຍັງແມ່ນໂຮງງານທີ່ບໍ່ມີຊື່ສຽງປານໃດ,ເພາະໃນເວລານັ້ນ,ຢູ່ຈີນມີໂຮງງານຜະລິດລົດຍົນແບບນີ້ເປັນຮ້ອຍເປັນພັນ.ໃນເວລາຫາກໍ່ຕັ້ງໂຮງງານຂຶ້ນ,ບໍລິສັດຢູທົງພຽງແຕ່ຜະລິດລົດຍົນທຳມະດາສິບກວ່າຊະນິດເທົ່ານັ້ນ.ແຕ່າຜ່ານຈາກການບາກບັ່ນສູ້ຊົນຂອງຊາວຢູທົງ,ພວກເຂົາເຈົ້າໄດ້ຜະລິດລົດຍົນຫຼາຍສິບຊະນິດທັງໄດ້ຈຳໜ່າຍລົດໂດຍສານຂະໜາດກາງແລະໃຫຍ່ທີ່ເປັນຜະລິດຕະພັນປາຍແຫຼມຂອງຕົນໄປຮອດູເກືອບ30ປະເທດແລະເຂດແຄວ້ນ, ຄືລັດເຊຍ,ເອຢິບ,ອີຣານແລະກູບາເປັນຕົ້ນ,ໃນນັ້ນຍາກກວ່າໝູ່ກໍ່ແມ່ນຈຳໜ່າຍລົດໂດຍສານຢູ່ຕະຫຼາດອາເມລິກາ.
ມາດຖານເຕັກນິກຂອງລົດໂດຍສານທີ່ເຂົ້າຕະຫຼາດອາເມລິກາແມ່ນສູງກວ່າເພິ່ນໃນທົ່ວໂລກ,ນັບມາຮອດປັດຈຸບັນ,ລົດບາສທີ່ພະລິດຢູ່ເອີລົບ,ຍີ່ປຸ່ນແລະສ.ເກົາຫຼີຕີເຂົ້າຕະຫຼາດອາເມລິການັ້ນກໍ່ໜ້ອຍທີ່ສຸດ.
ພາຍຫຼັງຮັບໃບສັ່ງຈອງຈາກອາເມລິກາແລ້ວ,ວຽກອັນດັບໜຶ່ງທີ່ພະນັກງານ ພະແນກຕະຫຼາດພົ້ນທະເລແລະນັກວິຊາການຂອງບໍລິສັດຢູທົງກໍ່ແມ່ນຄົ້ວຄວ້າກົດໝາຍແລະມາດຖານເຕັກນິກທີ່ກ່ຽວຂ້ອງຂອງກະຊວງຄົມມະນາຄົມອາເມລິກາ.ທ່ານຈາງຢ້າວອູ ພະນັກງານບໍລິສັດຢູທົງທີ່ຮັບຜິດຊອບທະວີບອາເມລິກາແນະນຳວ່າ,
ກ່ອນອື່ນໝົດຕ້ອງຮູ້ຄວາມຮຽກຮ້ອງຕ້ອງການທີ່ກ່ຽວຂ້ອງຂອງອາເມລິກາ,ໃນເວລາອອກແບບຜະລິດຕະພັນໃນເບື້ອງຕົ້ນນັ້ນ,ກໍ່ສາມາດພິຈາລະນາເຖິງມາດຖານອາເມລິກາທີ່ກ່ຽວຂ້ອງ.
ທີ່ຈິງແລ້ວ,ກຳລັງໜີບທີ່ມາຈາກຕະຫຼາດອາເມລິການັ້ນບໍ່ພຽງແຕ່ຈຳກັດໃນດ້ານກົດໝາຍ,ທັດສະນະວັດທະນະທຳ,ຄວາມຊິນເຄີຍຂອງການບໍລິໂພກ,ຕົ້ນທຶນສູງເປັນຕົ້ນທັງໝົດເຫຼົ່ານີ້ລ້ວນແຕ່ແມ່ນການທົດສອບຢູ່ຕໍ່ໜ້າພະນັກງານອອກແບບ.ທ່ານຈູ່ຢົງເຊິ້ງ,ນັກວິສະວະກອໜຸ່ມນທີ່ອາຍຸ28ປີໄດ້ເຂົ້າຮ່ວມຕະຫຼອດຂະບວນຂອງໂຄງການ,ທ່ານບອກນັກຂ່າວວ່າ,
ອາເມລິກາມິຄວາມຮຽກຮ້ອງຂ້ອນຂ້າງເຄັ່ງຄັດຕໍ່ຄວາມປອດໄພ.ຕົວຢ່າງວ່າປ່ອງຢ້ຽມຂ້າງ,ຢູ່ຈີນເປັນແກ້ວອັດແຈບໝົດ,ແຕ່ຢູ່ອາເມລິກາພັດບໍ່ເຫັນດີນຳວິທີປ້ອງກັນຄວາມປອດໄພແນວນີ້.ພວກເຂົາເຈົ້າຮຽກຮ້ອງເຮັດເປັນປ່ອງຢ້ຽມຂ້າງເລື່ອນ,ທັງເປັນແບບຍູ້ໄປທາງນອກ.ລວງກວ້າງຂອງທາງຜ່ານແລະບ່ອນນັ່ງກໍ່ໄດ້ມີການປ່ຽນແປງຫຼາຍ.
ເມື່ອໄດ້ພະຍາຍາມສູ້ຊົນ16ເດືອນ,ໜ່ວຍໂຄງການໄດ້ຄົ້ນຄວ້າຜະລິດລົດໂດຍສານທີ່ສອດຄ່ອງກັບຄວາມຮຽກຮ້ອງຕ້ອງການຂອງຕະຫຼາດອາເມລິກາໃນນັ້ນຢ່າງສຳເລັດ.ທີ່ຈິງແລ້ວ,ລົດໂດຍສານທີ່ຢູທົງຜະລິດສົ່ງອອກຈຳໜ່າຍຢູ່ອາເມລິກາບໍ່ແມ່ນສະຖິຕິດຽວຂອງບໍລິສັດ.ປີ2005,ລົດໂດຍສານ400ຄັນທີ່ບໍລິສັດຢູທົງຜະລິດນັ້ນໄດ້ສົ່ງອອກຈຳໜ່າຍຢູ່ກູບາ,ນີ້ແມ່ນເທື່ອໜຶ່ງທີ່ລົດໂດຍສານຈີນສົ່ງອອກເປັນງວດດຽວມີຈຳນວນຫຼາຍກວ່າໝູ່.ຫົກເດືອນຕົ້ນປີ2005,ລາຍໄດ້ຈຳໜ່າຍຂອງລົດໂດຍສານຢູທົງຢູ່ຕະຫຼາດພົ້ນທະເລໄດ້ບັນລຸ37ລ້ານໂດລາ,ຫຼາຍກວ່າໄລຍະດຽວປີ2004ເກືອບ7ເທົ່າ.ປັດຈຸບັນ,ບໍລິສັດຢູທົງໄດ້ກາຍເປັນແຫຼ່ງຜະລິດລົດໂດຍສານກວ່າໝູ່ຢູ່ທະວີບອາຊີ.ທ່ານລິວສຽວມີງ ເລຂາທິການໃຫຍ່ສະມາຄົມອຸດສາຫະກຳລົດຍົນແຂວງເຫີນານບອກນັກຂ່າວວ່າ,ມູນເຫດທີ່ບໍລິສັດຢູທົງໄດ້ຮັບຜົນສຳເລັດຢູ່ຕະຫຼາດພົ້ນທະເລ,ສ່ວນຫຼາຍແມ່ນຢູ່ນຳພວກເຂົາເຈົ້າໄດ້ນຳໃຊ້ເຕັກນິກກ້າວໜ້າ.
ບໍລິສັດຢູທົງບໍ່ພຽງແຕ່ຖອດຖອນແລະຮ່ຳຮຽນເຕັກນິກກ້າວໜ້າແລະບົດຮຽນ ຄຸ້ມຄອງທີ່ກ້າວໜ້າຂອງບໍລິສັດລົດໂດຍສານແຫ່ງໜຶ່ງທີ່ມີຊື່ສຽງດົ່ງດັງກວ່າໝູ່ໃນໂລກ,ພ້ອມກັນນັ້ນກໍ່ໄດ້ຮັກສາເອກະລັກຂອງຍີ່ຫໍ້ຕົນແລະເອກະລັກເຕັກນິກບາງຢ່າງຂອງຕົນຢ່າງບັງເກີດຜົນ,ດ້ານນີ້ແມ່ນປະເສີດລ້ຳຄ່າທີ່ສຸດ.ກໍ່ເປັນຕົວຢ່າງທີ່ຂ້ອນຂ້າງບັງເກີດຜົນໃນຂະແໜງການລົດໂດຍສານໃນທົ່ວປະເທດຈີນ.
ບໍລິສັດລົດໂດຍສານຊື່ດັງທີ່ທ່ານລິວເວົ້າເຖິງນັ້ນແມ່ນແມນບໍລິສັດລົດຍົນ ການຄ້າຈຳກັດຂອງເຢຍລະມັນຊຶ່ງແມ່ນໜຶ່ງໃນບໍລິສັດໃຫຍ່500ແຫ່ງໂລກ. ປີ2002,ບໍລິສັດຢູທົງກັບບໍລິສັດແມນລົດຍົນການຄ້າຈຳກັດໄດ້ລົງທຶນ320ລ້ານຢວນສ້າງຕັ້ງບໍລິສັດຮ່ວມທຶນ,ແລະໄດ້ຮ່ວມກັນຕັ້ງສູນເຕັກນິກຢູ່ມູນິສ.ບໍລິສັດຮ່ວມທຶນຕົ້ນຕໍແມ່ນເຮັດທຸລະກິດຜະລິດແລະຈຳໜ່າຍສັກຊີລົດແລະອາໄຫຼ່ລົດໂດຍສານຂະໜາດກາງແລະໃຫຍ່ປະເພດແນວດີລາຄາແພງ.
ໃນເວລາດຽວກັນທີ່ຮ່ຳຮຽນເອົາເຕັກນິກກ້າວໜ້າຂອງເອີລົບ,ບໍລິສັດຢູທົງຍັງເອົາໃຈໃສ່ນຳການຄົ້ນຄວ້າເຕັກນິກໂດຍເປັນເອກະລາດເປັນເຈົ້າຕົນເອງ.ປັດຈຸບັນ,ບໍລິສັດຢູທົງມີສູນເຕັກນິກລະດັບຊາດແຕ່ແຫ່ງດຽວແລະສຳນັກງານວຽກງານຄົ້ນຄວ້າວິທະຍາສາດປະລິນຍາເອກແຫ່ງໜຶ່ງແຫ່ງດຽວໃນຂະແໜງການລົດໂດຍສານຂອງຈີນ,ແລະສະຖານີຄົ້ນຄວ້າຫຼັງສຳເລັດປະລິນຍາເອກແຫ່ງທຳອິດຂອງຈີນແຕ່ລະປີ,ບໍລິສັດກໍ່ລົງທຶນເທົ່າກັບ4%ຂອງຍອດມູນຄ່າການຈຳໜ່າຍປະຈຳປີເພື່ອໃຊ້ເຂົ້າໃນການຄົ້ນຄວ້າຜະລິດຕະພັນໃໝ່,ມາດຕາສ່ວນດັ່ງກ່າວແມ່ນມໍ່ລະດັບທຶນຄົ້ນຄວ້າຜະລິດຂອງວິສາຫະກິດລົດຍົນທີ່ກ້າວໜ້າຂອງໂລກ.
ນອກຈາກຖືເຕັກນິກເປັນຄວາມສາມາດແກ່ນກາງຂອງວິສາຫະກິດທີ່ແກ່ງແຍ່ງກັບຜູ່ອື່ນແລ້ວ,ບໍລິສັດຢູທົງຍັງເອົາການບໍລິການຫຼັງຈຳໜ່າຍເປັນວຽກງານສືບຕໍ່ຂອງຄຸນນະພາບຜະລິດຕະພັນ.ທ່ານວາງຈູ່ນເວີນ ຫົວໜ້າພະແນກພົ້ນທະເລຂອງກຸ່ມບໍລິສັດຢູທົງເວົ້າວ່າ,
ປັດຈຸບັນຢູ່ຕ່າງປະເທດ,ພວກຂ້າພະເຈົ້າໄດ້ຕັ້ງສຳນັກງານ,ສ້າງສາງອາໄຫຼ່ລົດ,ແຕ່ງຄົນໄປປະຈຳອອກແຮງ,ເປີດກວ້າງຕະຫຼາດ,ບໍລິການຫຼັງຈຳໜ່າຍແລະຄຸ້ມຄອງອາໄຫຼ່ລົດ.
ປັດຈຸບັນ,ບໍລິສັດຢູທົງໄດ້ມີຄວາມສາມາດຜະລິດລົດໂດຍສານຂະໜາດກາງແລະໃຫຍ່1ໝື່ນ8ພັນຄັນ,ສັກຊີລົດໂດຍສານ8ພັນເຄື່ອງຕໍ່ປີ.ເປົ້າໝາຍສຳຄັນອັນໜຶ່ງຂອງບໍລິສັດຢູທົງແມ່ນພະຍາຍາມເປັນເວລາ5ຫາ7ປີ,ລາຍໄດ້ທຸລະກິດໃຫ້ ບັນລຸ30ຕື້ຢວນ,ກ້າວເຂົ້າໃນ5ບໍລິສັດລົດໂດຍສານທີ່ໃຫຍ່ກວ່າໝູ່ໃນໂລກ.
|
|
|
