ຕາມ​ຂ່າວ​​ໜັງສືພິມ​ເຢັນ​ມິນ​ຢື້​ປ້າວ​ຂອງ​ຈີນ: ຫວ່າງ​ມໍ່ໆ​ນີ້ ທ່ານ​ຢວນຫຼົງຜິ​ງ ບັນດິດ​ສະ​ພາ​ບັນ​ດິດ​ວິສະວະກຳ​ຈີນ ທີ່​ຖືກ​ເອີ້ນ​ເປັນ​ "ບິດາ​ແຫ່ງ​ເຂົ້ານາ​ນ້ຳ​ປະສົມ​ພັນ" ກ່າວ​ວ່າ, ຮອດ​ປີ 2010, ຜົນ​ຜະລິດ​ເຂົ້ານາ​ນ້ຳ​ເໜືອຊັ້ນ ຫຼື​ເຂົ້ານາ​ນ້ຳ​ປະສົມ​ພັນ​ຜົນ​ຜະລິດ​ສູງ ທີ່​ທ່ານ​ກຳ​ກັບ​​ການ​ຄົ້ນ​ຄວ້າ​ນັ້ນ ຈະ​ບັນລຸ 1 ໝື່ນ 3500 ກິ​ໂລ​ຕໍ່​ເຮັກຕາ.

ທ່ານ​ຢວນຫຼົງຜິ​ງຍັງ​ແນະນຳ​ວ່າ, ​ໃນ​ໂລກ​ໄດ້​ມີ 20 ກວ່າ​ປະ​ເທດ​ຄົ້ນຄວ້າເຂົ້ານາ​ນ້ຳ​ປະ​ສົມ​ພັນ​ແລ້ວ, ການ​ປູກ​ທົດ​ລອງ​ຂອງຫຼາຍ​ປະ​ເທດ​ຢູ່​ອາຊີ​ອາຄະ​ເນ ອາຊີ​ໃຕ້ ທະວີບອາ​ເມ​ລິ​ກາ​ໃຕ້​ແລະ​ທະວີບອາ​ຟິຼກກາ​ເປັນຕົ້ນ ລ້ວນ​ແຕ່​ໄດ້​ຮັບ​ຜົນ​​ເພີ່ມ​ຫຼາຍ​ຂຶ້ນ​ຢ່າງ​ເດັ່ນ​ຊັດ​.

ທ່ານ​ຢວນຫຼົງຜິ​ງກ່າວ​ວ່າ, ​ເພື່ອ​ເຮັດ​ໃຫ້​ຄົນ​ຍິ່ງຫຼາຍຈະ​ໄດ້​ຮັບ​ຜົນ​ປະ​ໂຫຍ​ດ, ປັດຈຸບັນ ​ເຕັກ​ນິກ​ປູກເຂົ້ານາ​ນ້ຳ​ປະສົມ​ພັນ​ຂອງ​ຈີນ​ແມ່ນ​ເປີດ​ເຜີຍ​ທັງ​ໝົດ​ຕໍ່​ທົ່ວ​​ໂລກ.