ຕາມຂ່າວCRI: ຈີນພວມປັບປຸງກົດໝາຍວ່າດ້ວຍການສຶກສາພາກບັງຄັບສະບັບປັດຈຸບັນ, ການຍົກສູງລະດັບການສຶກສາຢູ່ຊົນນະບົດແມ່ນໜຶ່ງໃນບັນດາຈຸດໜັກຂອງການປັບປຸງ.
ກອງປະຊຸມລັດຖະບານຈີນໃນວັນທີ 4 ມັງກອນນີ້ ໄດ້ຫາລືແລະຮັບຮອງເອົາຮ່າງ ກົດໝາຍວ່າດ້ວຍການສຶກສາພາກບັງຄັບສະບັບປັບປຸງ. ເນື້ອໃນຕົ້ນຕໍທີ່ປັບປຸງເທື່ອນີ້ ລວມມີດັ່ງນີ້: ຈັດສັນຊັບພະຍາກອນການສຶກສາພາກບັງຄັບໃຫ້ສົມເຫດສົມຜົນ, ການລົງທຶນຕ້ອງອ່ຽງໄປສູ່ໂຮງຮຽນຊົນນະບົດ, ຊັກນຳແລະລະດົມນັກສຶກສາທີ່ສຳເລັດການຮຽນແລະຄູໄປເຮັດວຽກການສຶກສາພາກບັງຄັບ, ໂດຍສະເພາະແມ່ນໄປສິດສອນຢູ່ຊົນນະບົດ, ໃຊ້ມາດຕະການຊຸກຍູ້ໃຫ້ໂຮງຮຽນພັດທະນາຢ່າງກ້ຳເກິ່ງກັນ. ນອກນີ້, ການສຶກສາທາງດ້ານຄຸນທາດ ການເພີ່ມທະວີການຄຸ້ມຄອງໂຮງຮຽນ ການຮັບປະກັນຄວາມປອດໄພຂອງໂຮນຮຽນກໍ່ຈະຖືກຈັດເຂົ້າໃນເນື້ອໃນປັບປຸງ.
|