ຕາມຂ່າວສານຊິນຮວາ: ວັນທີ 3 ມັງກອນນີ້, ການເຄື່ອນໄຫວແຂ່ງຂັນເລືອກຕັ້ງຄະນະກຳມະການນິຕິບັນຍັດປາເລັສຕິນເລີ່ມຈັດຂຶ້ນ.
ໃນມື້ດຽວກັນ 11 ອົງການຈັດຕັ້ງທີ່ເຂົ້າຮ່ວມການແຂ່ງຂັນເລືອກຕັ້ງເຊິ່ງລວມທັງອົງການອານ ຟາຕາແລະອົງການຮາມາສຕ່າງໄດ້ປະກາດໂຄງການແຂ່ງຂັນເລືອກຕັ້ງຂອງໃຜລາວຕໍ່ສື່ມວນຊົນຢູ່ກາຊາແລະລາມາລາ, ຜູ່ສະໝັກຮັບເລືອກຕັ້ງ 726 ຄົນຈະເຂົ້າຮ່ວມການເລືອກຕັ້ງຄະນະກຳມະການນິຕິບັນຍັດ 132 ບ່ອນນັ່ງຕາມສອງລະບອບ ຄືລະບອບອັດຕາສ່ວນແລະລະບອບສ່ວນຫຼາຍ.
ການເຄື່ອນໄຫວແຂ່ງຂັນເລືອກຕັ້ງຄະນະກຳມະການນິຕິບັນຍັດປາເລັສຕິນຈະ ດຳເນີນເປັນເວລາ 3 ອາທິດ, ແລະຈະສິ້ນສຸດລົງກ່ອນການປ່ອນບັດເລືອກຕັ້ງຄະນະກຳມະການນິຕິບັນຍັດໃນວັນທີ 25 ມັງກອນ.
ນອກນີ້ຂ່າວແຈ້ງວ່າ, ພາຍຫຼັງການເຄື່ອນໄຫວແຂ່ງຂັນເລືອກຕັ້ງໄດ້ຈັດຂຶ້ນໃນມື້ດຽວກັນແລ້ວ, ຕຳຫຼວດອິສຣາແອນໄດ້ໃຊ້ການເຄື່ອນໄຫວຄວບຄຸມຢູ່ເຈຣູຊາແລມຕາເວັນອອກ, ຫ້າມບໍ່ໃຫ້ຊາວປາເລັສຕິນຢູ່ແຫ່ງນັ້ນເຂົ້າຮ່ວມການເຄື່ອນໄຫວແຂ່ງຂັນເລືອກຕັ້ງ.
|