|
ຕາມຂ່າວCRI: ຈີນພວມຄົ້ນຄວ້າສ້າງລະບອບຊ່ອຍເຫຼືອລູກກ່ຳພ້າທີ່ຂ້ອນຂ້າງສົມບູນອັນໃໝ່.
ວັນທີ 5 ມັງກອນ, ທ່ານຫຼີ້ລີ້ໂກວ ຮອງລັດຖະມົນຕີກະຊວງການປົກຄອງແລະປະຊາສົງເຄາະຈີນກ່າວໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງວ່າ, ລະບອບຊ່ອຍເຫຼືອລູກກ່ຳພ້າອັນໃໝ່ຈະບໍລິການລູກກ່ຳພ້າທີ່ຕ້ອງການດູແລໝົດທຸກຄົນ, ຮັບປະກັນຊີວິດການເປັນຢູ່ພື້ນຖານຂອງພວກເຂົາເຈົ້າ, ສະໜອງຄ່າຄອງຊີບໃຫ້ພວກເຂົາເຈົ້າຕາມລະດັບສະເລ່ຍຊີວິດການເປັນຢູ່ໃນແຫ່ງນີ້; ພ້ອມກັນນັ້ນ, ພາກສ່ວນທີ່ກ່ຽວຂ້ອງຍັງຈະເລັ່ງລັດສ້າງແລະສ້ອມແປງສິ່ງກໍ່ສ້າງສະຫວັດດີການເດັກນ້ອຍແລະສູນຊ່ອຍເຫຼືອແລະປົກປັກຮັກສາເດັກພະເນຈອນ, ສະໜອງເງື່ອນໄຂວັດຖຸອັນດີງາມໃຫ້ແກ່ເດັກນ້ອຍຖືກຮັບລ້ຽງ. ນອກນັ້ນ, ພາກສ່ວນທີ່ກ່ຽວຂ້ອງຍັງຈະສະໜອງການຊ່ອຍເຫຼືອໃຫ້ແກ່ລູກກ່ຳພ້າໃນຫຼາຍດ້ານເຊັ່ນ: ການສຶກສາ, ການປິ່ນປົວພະຍາດ, ປະກອບອາຊີບແລະເຮືອນຢູ່ເປັນຕົ້ນ.
|
