|
ຕາມຂ່າວCRI: ວັນທີ 5 ມັງກອນ, ທ່ານຊີນກາງ ໂຄສົກກະຊວງການຕ່າງປະເທດຈີນກ່າວວ່າ, ຈີນໄດ້ຮັກສາການຕິດຕໍ່ແລະການປຶກສາຫາລືກັບບັດດາຝ່າຍອື່ນໆໂດຍຕະຫຼອດເພື່ອຊຸກຍູ້ຂະບວນວິວັດການເຈລະຈາ6ຝ່າຍກ່ຽວກັບບັນຫານີວເຄຼຍແຫຼມເກົາຫຼີ, ຝ່າຍຈີນຫວັງໃຫ້ການເຈລະຈາ6ຝ່າຍຈະໄດ້ຮັບຄວາມຄືບໜ້າໃນປີໃໝ່ນີ້.
ໄລຍະທີໜຶ່ງຂອງການເຈລະຈາ6ຝ່າຍຮອບ5ກ່ຽວກັບບັນຫານີວເຄຼຍແຫຼມເກົາຫຼີໄດ້ສິ້ນສຸດລົງຢູ່ປັກກິ່ງໃນເດືອນພະຈິກປີ2005. ຈີນ ສ.ປ.ປ.ເກົາຫຼີ ອາເມລິກາ ສ.ເກົາຫຼີ ລັດເຊຍແລະຍີ່ປຸ່ນໄດ້ອອກ"ຖະແຫຼງການປະທານ" ຫຼັງກອງປະຊຸມໂດຍກ່າວວ່າ, ບັນດາຝ່າຍປຶກສາຕົກລົງວ່າຈະຈັດກອງປະຊຸມໄລຍະທີ2ຂອງການເຈລະຈາຮອບ 5 ໂດຍໄວ.
ໃນງານຊຸມນຸມນັກຂ່າວທີ່ຈັດຂຶ້ນໃນວັນທີ 5 ມັງກອນ, ທ່ານຊີນກາງເວົ້າວ່າ, ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງລ້ວນແຕ່ຈົ່ງຖືພາກສ່ວນໃຫຍ່ເປັນແກ່, ແລກປ່ຽນກັນແລະປຶກສາຫາລືກັນຢ່າງເຕັມສ່ວນ, ເພື່ອຊຳລະບັນຫາທີ່ກ່ຽວຂ້ອງດ້ວຍຮູບການອັນເໝາະສົມ, ພ້ອມກັນສ້າງເງື່ອນໄຂອັນດີງາມໃຫ້ແກ່ການຊຸກຍູ້ການເຈລະຈາ6ຝ່າຍ.
|
