ຕາມ​ຂ່າວCRI: ​ເມື່ອ​ໄດ້​ຕິດຕາມກວດກາ​ແລ້ວ​ບໍ່​ໄດ້​ພົບ​ເຫັນ​ມີ​ແຫຼ່ງ​ເກີດ​ພະຍາດ​​ແຫ່ງ​ໃໝ່, ວັນ​ທີ 6 ມັງກອນ​ນີ້, ​ເຂດ​ເກີດ​ພະຍາດ​ໄຂ້ຫວັດ​ສັດ​ປີກ​ທີ່​ເມືອງ​ຊຸ້ຍຊວນ​ແຂວງ​ຈຽງ​ຊີ​ ທາງ​ພາກ​ກາງຂອງ​ຈີນ​ໄດ້​ຖືກ​ຍົກ​ເລີກ​ການອັດ​ຕັນ​ແລ້ວ.

ວັນ​ທີ 15 ທັນວາ​ປີ 2005, ຫ້ອງ​ທົດ​ລອງຄົ້ນຄວ້າ​ພະຍາດ​ໄຂ້ຫວັດ​ສັດ​ປີກ​ແຫ່ງ​ຊາດ​ຈີນ​ໄດ້​ບົ່ງມະຕິ​ຕົກລົງ​ວ່າ ຢູ່​ເມືອງ​ຊຸ້ຍຊວນ​ແຂວງ​ຈຽງ​ຊີ​ໄດ້​ເກີດ​ພະຍາດ​ໄຂ້ຫວັດ​ສັດ​ປີກ​ລະ​ບາດ​ຮ້າຍ​ແຮງ​ແບບ ຂ.H5N1, ພາກສ່ວນທີ່​ກ່ຽວຂ້ອງ​ໄດ້​ໃຊ້​ມາດ​ຕະການ​ຕ່າງໆ ​ເຊັ່ນ ອັດ​ຕັນ ຂ້າຕາຍ ດັບ​ເຊື້ອ​ແລະ​ສັກ​ຢາ​ປ້ອງ​ກັນ​ດ່ວນເປັນຕົ້ນຢູ່​ເຂດ​ເກີດ​ພະຍາດ, ​ໄດ້​ດັບ​ເຊື້ອ​ພະຍາດ​ຢ່າງ​ທັນ​ການ. ​ເມື່ອ​ໄດ້​ຕິດ​ຕາມ​ວັດ​ແທກ​ມາ​ເປັນ​ເວລາ 21 ມື້, ບໍ່​ໄດ້​ພົບ​ເຫັນ​ມີ​ແຫຼ່ງ​ເກີດ​ພະຍາດ​ແຫ່ງ​ໃໝ່. ​ເມື່ອ​ພາກສ່ວນ​ທີ່​ກ່ຽວຂ້ອງ​ໄດ້​ຕິດຕາມກວດກາ​ຢູ່​ສະຖານທີ່​ເກີດ​ພະຍາດ ​ເຫັນ​ວ່າ​ສອດ​ຄ່ອງ​ກັບ​ມາດ​ຖານ​ທີ່​ກ່ຽວ​ຂ້ອງ​ຂອງ​ການ​ຍົກ​ເລີກ​ການອັດ​ຕັນ​ເຂດ​​ເກີດ​ພະຍາດ​ໄຂ້​ຫວັດ​ສັດ​ປີກ​​ຮ້າຍ​ແຮງ.