|
ຖ້າວ່າໃນຕັບມີໄຂມັນລື່ນກາຍ 5% ຂອງນ້ຳຫນັກຂອງຕັບ,ກໍ່ເອີ້ນວ່າຕັບໄຂມັນ,ໃນຫຼາຍປີມານີ້,ມີຜູ່ເປັນຕັບໄຂມັນຫຼາຍຂຶ້ນເລື້ອຍໆ
ໄຂມັນໃນຕັບແມ່ນພະຍາດເຮືອຮັງທີ່ເປັນໄພຕໍ່ຕັບຫຼາຍ,ທຳມະດາແລ້ວ,ມັນແມ່ນປະກົດການໃນໄລຍະຕົ້ນທີ່ການຂັບຖ່າຍຂອງຮ່າງກາຍສົນລະວົນ,ພ້ອມກັນນັ້ນຍັງແມ່ນສັນຍານທີ່ເຕືອນໃຫ້ຮູ້ວ່າພະຍາດບາງຢ່າງອາດຈະເກີດຂຶ້ນ.ບາງຄົນຂຸ້ນນຳແຕ່ວຽກແຕ່ງານແລະການຄົບຄ້າສະມາຄົມຈຶ່ງນັບມື້ນັບມັກເມື່ອຍງ່າຍ,ຮູ້ສຶກອິດເມື່ອຍໂຮຍແຮງ,ຍື່ງທ້ອງ,ບາງທີເຈັບທ້ອງເບື້ອງຂວາ,ເມື່ອເປັນແນວນີ້,ກໍ່ຕ້ອງຮູ້ແລ້ວວ່າ:ຮ່າງກາຍມີບັນຫາແລ້ວ,ຕັບສົ່ງສັນຍານໄພແລ້ວ,ຄັນຊັ້ນຄົນປະເພດໃດມັກເປັນໄຂມັນໃນຕັບ.
ຫນຶ່ງແມ່ນຜູ່ທີ່ມັກກິນເຫຼົ້າແລະກິນຈົນເມົາເລື້ອຍໆ.
ຍ້ອນອັງໂກນເປັນໄພຕໍ່ຈຸ,ລິນຊີຕັບຢ່າງແຮງໂດຍກົງ,ມັນຈະເຮັດໃຫ້ໄຂມັນຍ້າຍໄປຫາຕັບຫຼາຍຂຶ້ນ,ແຕ່ພັດຂັບຖ່າຍອອກຫນ້ອຍ,ເຮັດໃຫ້ຕັບເກີດອຸປະສັກໃນການແຍກທາດແລະປ່ຽນຖ່າຍໄຂມັນ,ສະນັ້ນ,ຜູ່ທີ່ມັກກິນເຫຼົ້າແລະເມົາເຫຼົ້າເລື້ອຍໆ,ອາຊິດໄຂມັນໃນຕັບກໍຈະສະສົມຢູ່ໃນຕັບ,ແລ້ວເຮັດໃຫ້ເປັນພະຍາດໄຂມັນຕັບລັກສະນະອັງໂກນ,ໄຂມັນຕັບອັງໂກນແມ່ນອາການທີ່ມີຂຶ້ນກ່ອນຫມູ່ແລະມີຜູ່ເປັນຫຼາຍໃນພະຍາດຕັບອັງໂກນ,ຄວາມເປັນແຮງຫຼືເບົາກ່ຽວພັນກັບຜູ່ກ່ຽວກິນເຫຼົ້າຫຼາຍຫຼືຫນ້ອຍໂດຍສະເພາະແມ່ນເຫຼົ້າຂາວເຫຼົ້າເດັດ.
ຄົນປະເພດທີ່ສອງທີ່ມັກເປັນພະຍາດໄຂມັນໃນຕັບແມ່ນຄົນຕຸ້ຍ.
ຈາກຂໍ້ມູນການກວດກາເນື້ອເຍື້ອຕັບໄດ້ປະກົດເຫັນວ່າ,ຄົນຕຸ້ຍປະມານ 50% ເປັນພະຍາດໄຂມັນຕັບ.
ການສຳຫຼວດຂອງນັກປາດພາຍໃນປະເທດໄດ້ປະກົດເຫັນວ່າ,ໃນເດັກນ້ອຍທີ່ຕຸ້ຍ 10 ຄົນໃດກໍ່ມີ 8 ຄົນເປັນໄຂມັນໃນຕັບ,ມູນເຫດສຳຄັນແມ່ນຍ້ອນໃນເລືອດຂອງຄົນຕຸ້ຍມີອາຊິດໄຂມັນເສລີຢ່າງຫຼວງຫຼາຍ,ຖືກຂົນສົ່ງໄປໄຂຕັບຢ່າງບໍ່ຢຸດຢັ້ງ,ລື່ນກາຍຄວາມສາມາດປ່ຽນຖ່າຍຢ່າງຫຼາຍຈຶ່ງພາໃຫ້ໃນຕັບມີໄຂມັນສະສົມຫຼາຍຈົນເຮັດໃຫ້ໄຂມັນຕັບຍ້ອນຕຸ້ຍ.
ສາມແມ່ນຜູ່ທີ່ມີທາດບຳລຸງເຫຼືອເຟືອກໍມັກເປັນໄຂມັນຕັບ
ທາດບຳລຸງຫຼາຍໂພດຫຼາຍເຖິງຜູ່ມັກກິນຊິ້ນແລະມັກກິນຂອງຫວານຫຼາຍ,ຈົນເຮັດໃຫ້ຕັບຫາບແບກເກີດຄວນ,ລົບກວນການປ່ຽນຖ່າຍໄຂມັນ,ພາໃຫ້ສະພາບດຸນດ່ຽງສົນລະວົນ,ແລ້ວເປັນພະຍາດໄຂມັນຕັບປະເພດທາດບຳລຸງເຫຼືອເຟືອ.
ສີ່ແມ່ນຜູ່ຂາດທາດບຳລຸງ
ຖ້າຄົນເຮົາຕັ້ງອົດອາຫານ ອຶດຫິວ ດົນນານ ກໍຈະເປັນໂຣກເບື່ອອາຫານທີ່ມີລັກສະນະປະສາດ,ເຮັດໃຫ້ລຳໄສ້ຮັບເອົາທາດບຳລຸງບໍ່ສະດວກ,ການສະຫນອງກາໂລລີບໍ່ພຽງພໍແລະການສະຫນອງທາດໂປຼຕີນກໍຕ່ຳລົງ,ອາຊິດໄຂມັນປະລິມານຫຼວງຫຼາຍຖືກປ່ອຍເຂົ້າຕັບໄຕ,ພາໃຫ້ໄຂມັນໄປອັ່ງໃນຕັບແລ້ວພາໃຫ້ຂາດທາດບຳລຸງ.
ຫ້າແມ່ນຄົນໄວກາງແລະໄວຊະລາທີ່ບໍ່ມັກເຫນັງຕີງ
ເມື່ອຄົນເຮົາເຂົ້າສູ່ໄລຍະໄວກາງແລະໄວຊະລາແລ້ວ,ຍ້ອນສັບພະຄຸນຮ່າງກາຍເສື່ອມລົງ,ສັບພະຄຸນຕັບລະບົບປ່ຽນຖ່າຍກໍເສື່ອມລົງ,ຖ້າບໍ່ຫັດກາຍເລື້ອຍໆ,ໄຂມັນໃນຮ່າງກາຍປ່ຽນເປັນພະລັງ ງານຫນ້ອຍລົງ,ໄຂມັນເກີນກໍຈະໄປອັ່ງຢູ່ຕັບ ແລ້ວກາຍເປັນໄຂມັນໃນຕັບ.
ຫົກ:ມູນເຫດອື່ນໆ
ຜູ່ທີ່ເປັນພະຍາດຕັບອັກເສບ,ພະຍາດໄຂມັນເລືອດສູງແລະໂຣກເບົາຫວານເປັນຕົ້ນ,ແລະຜູ່ທີ່ຖືກພິດຍ້ອນຢາແລະຖືກພິດວັດຖຸເຄມີ,ແມ່ຍິງຖືພາ,ພ້ອມທັງໄດ້ພະຍາດປ່ຽນຖ່າຍຍ້ອນກຳມະພັນລ້ວນແຕ່ໄດ້ອາດຈະພາໃຫ້ເປັນພະຍາດໄຂມັນໃນຕັບ.
ເຖິງວ່າໄຂມັນໃນຕັບເປັນຕາຢ້ານກໍຕາມ,ແຕ່ຍັງປ້ອງກັນໄດ້ຢູ່ ຂໍແຕ່ທ່ານເອົາໃຈໃສ່ເຮັດໃຫ້ໄດ້ 4 ຂໍ້ດັ່ງລຸ່ມນີ້:
ຫນຶ່ງແມ່ນຕ້ອງຄວບຄຸມອາຫານຢ່າງເຄັ່ງຄັດ,ປ້ອງກັນບໍ່ໃຫ້ທາດບຳລຸງເຫຼືອເຟຶອ.
ສອງແມ່ນຕ້ອງຫັດກາຍໃຫ້ຫຼາຍຂຶ້ນ,ເຮັດໃຫ້ກາໂລລີທີ່ຮັບເອົາແລະສິ້ນເປືອງສະຫມ່ຳສະເຫມີກັນ
ສາມແມ່ນຕ້ອງຈຳກັດການກິນເຫຼົ້າ,ໂດຍສະເພາະແມ່ນບໍ່ຄວນກິນເຫຼົ້າຂາວທີ່ປຸກຫຼາຍເລື້ອຍໆ,ຍິ່ງບໍ່ຄວນກິນຈົນເມົາ.
ສີ່ແມ່ນຕ້ອງຕັ້ງໃຈປົວພະຍາດທີ່ເປັນແຕ່ເດີມໃຫ້ເຊົາ.
ຖ້າເປັນໄຂມັນໃນຕັບແລະກໍ່ຕ້ອງຫຼຸດໄຂມັນໃນເລືອດໃຫ້ຫນ້ອຍລົງ,ມີຫຼາຍຄົນເລືອກກິນຢາຫຼຸດໄຂມັນເລືອດ,ທີ່ຈິງແລ້ວ,ຜັກສົດບາງຢ່າງທີ່ເລືອດດັນສູງແລະສາຍເລືອດແດງແຂງ
ສີ່ແມ່ນຜັກທຽນ
ຜັກທຽນມີບົດບາດທີ່ລົດໄຂມັນເລືອດແລະປ້ອງກັນບໍ່ໃຫ້ສາຍເລືອດແດງແຂງຢ່າງເດັ່ນຊັດ,ແລະສາມາດປ້ອງກັນບໍ່ໃຫ້ສາຍເລືອດຕັນຕີບ,ມີບົດບາດຮັກສາສາຍເລືອດຫົວໃຈຢ່າງເດັ່ນຊັດ,ມີຄົນເອີ້ນຜັກທຽມເປັນຄຳໃນພືດທີ່ເປັນຢາ.
ຫ້າແມ່ນຫມາກມະຣະ
ໃນຫມາກມະຣະມີວິດຕາມິນເບຫນຶ່ງ,ວິດຕາມິນເຊແລະວັດຖຸທາດແຮ່ຫຼາຍຊະນິດຢ່າງອຸດົມສົມບູນ,ສາມາດດັດສົມໄຂມັນເລືອດແລະເຮັດໃຫ້ຕົວພູມຕ້ານທານພະຍາດຂອງຮ່າງກາຍສູງຂຶ້ນ,ຍັງມີຊື່ງາມນາມມ່ວນວ່າແອງຊູລິນພືດ.
ສຸດທ້າຍແມ່ນຜັກເຊເລີລີ
ຜັກເຊເລີລີມີວິດຄາມິນແລະວັດຖຸທາດແຮ່ອຸດົມສົມບູນ,ສາມາດເພີ່ມຄວາມແຮງໃນການຄັນຮູດຂອງກະເພາະລຳໄສ້,ພາໃຫ້ຖ່າຍສະດວກ,ຂັບຖ່າຍໄຂມັນເສດເຫຼືອໃນກະເພາະລຳໄສ້,ການຄົ້ນຄວ້າຢູ່ຕ່າງປະເທດໄດ້ຢືນຢັນວ່າ,ກິນຜັກເຊເລີລີເລື້ອຍໆ,ໂກເລັສເຕລອນໃນຮ່າງກາຍຫນ້ອຍລົງຢ່າງເດັ່ນຊັດ,ແລະຍັງສາມາດລົດຄວາມດັນເລືອດໃຫ້ຕ່ຳລົງຢ່າງເດັ່ນຊັດ.
|
