|
|
 |
| (GMT+08:00)
2006-01-07 18:45:19
|
 |
|
ລັດຖະບານອິນໂດເນເຊຍຕົກລົງສ້າງຕັ້ງຄະນະກຳມະການປ້ອງກັນແລະປົວພະຍາດໄຂ້ຫວັດສັດປີກທົ່ວປະເທດ
cri
ຕາມຂ່າວສານຊິນຮວາ,ເພື່ອເພີ່ມທະວີການປະສານງານລະຫວ່າງລັດຖະບານກາງກັບອົງການປົກຄອງທ້ອງຖິ່ນ,ປ້ອງກັນບໍ່ໃຫ້ພະຍາດໄຂ້ຫວັດສັດປີກແຜ່ລາມຕື່ມອີກ,ລັດຖະບານອິນໂດເນເຊຍຕົກລົງສ້າງຕັ້ງຄະນະກຳມະການປ້ອງກັນແລະປົວພະຍາດໄຂ້ຫວັດສັດປີກທົ່ວປະເທດ.
ວັນທີ6ມັງກອນ,ລັດຖະມົນຕີກະຊວງໂຮມ ສະຫວັດດີການປະຊາຊົນເປັນເອກະພາບກັນຂອງອິນໂດເນເຊຍປະກາດວ່າ,ຄະນະກຳມະການດັ່ງກ່າວມີໜ້າທີ່ວຽກງານດັ່ງນີ້:ຄື ຊຳລະເຫດການສັດປີກລ້ຽງຕິດພະຍາດໄຂ້ຫວັດສັດປີກແລະຄົນຕິດໄຂ້ຫວັດສັດປີກ,ຄົ້ນຄວ້າຜະລິດວັກແຊງຕ້ານໄຂ້ຫວັດສັດປີກແລະໂຄສະນາເຜີຍແຜ່ຄວາມຮູ້ກ່ຽວກັບການປ້ອງກັນພະຍາດໄຂ້ຫວັດສັດປີກ.
ຄະນະກຳມະການດັ່ງກ່າວຍັງຈະສະເໜີບົດລາຍງານເປັນລາຍລັກອັກສອນກ່ຽວກັບສະພາບການປ້ອງກັນແລະປົວພະຍາດໄຂຫວັດສັດປີກຢູ່ໃນຊົນນະບົດແລະຕົວເມືອງຕາມເວລາກຳນົດ.
ນັບມາຮອດປັດຈຸບັນ,ໃນ33ແຂວງຂອງອິນໂດເນເຊຍ ມີ25ແຂວງມີພະຍາດໄຂ້ຫວັດສັດປີກ,ຢູ່4ແຂວງໄດ້ປະກົດເຫັນຄົນຕິດພະຍາດໄຂ້ຫວັດສັດປີກ.
|
|
|
